Nhlavutelo 8:3 - Testamente Leyimpsha Xichangana

³ Kutani ntsumi yin'wana yita yitayima kusuhi ni alitari, na yili ni ximbitana xa golidi; yinyikiwa b'aso rinyingi ronun'hwela, lesvaku yirihumesa svin'we ni svikhongelo hinkwasvu sva vakwetsimi, henhla ka alitari ya golidi leringa mahlweni ka Xitshamu xa Vuhosi.

BIBELE Mahungu Lamanene

³ Kutani ntsumi yin'wana yi ta yi ta yima kusuhi ni alitari, yi ri ni ximbitana xa nsuku xa murhi wa risuna; yi nyikiwa murhi wa risuna lowo tala, leswaku yi wu humesa swin'we ni mikhongelo ya vahlawuriwa va Xikwembu hinkwavo, ehenhla ka alitari ya nsuku leyi nge mahlweni ka xiluvelo.

Xitsonga (Bibele)

³ Kutani ku ta ntsumi yin'wana yi yima ealitarini, yi tamele ximbitana xa nsuku, yi nyikiwa mirhi ya risuna leyo tala ku yi humesa ni swikhongelo swa vakwetsimi hinkwavo ealitarini ya nsuku leyi nga emahlweni ka xiluvelo.

Nhlavutelo 8:3 Referans Kwoze

Nhlavutelo 5:8

Loko xitekile buku, svivumbiwa lesvihanyaka sva mune ni vakulukumba va makume mambirhi ni mune vakhinsama mahlweni ka Xinyempfana. Mun'wana ni mun'wana wa vona aali ni harpa, ni mindzheko ya golidi leyitaleke hi b'aso ronun'hwela, yinga mikhongelo ya vakwetsimi.

Nhlavutelo 8:4

Musi wa b'aso ronun'hwela wutuvika wuya henhla svin'we ni svikhongelo sva vakwetsimi, kusukela vokweni ra ntsumi kuyafika mahlweni ka Xikwembu.

Luka 1:10

Xitshungu hinkwaxu axilihandle, xili karhi xikhongela hi nkarhi wolowo wa timhamba.

Nhlavutelo 9:13

Kutani ntsumi ya vuntlhanu ni yin'we yiba mhalamhala ya yona. Nitwa rito lerihumaka hi le timhondzweni ta mune ta alitari ya golidi leringa mahlweni ka Xikwembu.

Vaheveru 9:4

Ayili ni alitari ya golidi ni b'aso, ni areka ya ntwananu leyinamekiweke hinkwayu hi golidi; ndzeni ka areka akuli ni nkambana wa golidi wohlayisa mana, ni nhonga ya Aroni leyihlukeke matluka, ni maribze ya ntwananu.

Vaheveru 7:25

Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

Varhoma 8:34

Yesu Kriste lweyi afeke, kumbe hingaku, yena lweyi apfuxiweke kufeni, anga yena lweyi atshameke vokweni ra xinene ra Xikwembu, kutani hi yena lweyi ahikhongelelaka.

Nhlavutelo 7:2

Kutani nivona ntsumi yin'wana yitlhantuka hi tlhelo ra vuxa na yitamele mfungu wa Xikwembu lexi xihanyaka. Yivitana, hi rito leritlakukeke, tintsumi leti ta mune leti Xikwembu xitinyikeke matimba yowonha misava ni lwandle.

Nhlavutelo 6:9

Loko Xinyempfana xipfulile mfungu wa vuntlhanu, nivona hansi ka alitari mimoya ya lava avadlayiwile hi mhaka ya kutwalisa Rito ra Xikwembu ni hikolaho ka kuveka vumboni bza vona.

Nhlavutelo 10:1

Kutani nivona ntsumi yin'wana ya matimba yixika hi le tilweni na yiyambale refu, yili ni nkwangulatilo henhla ka nhloko ya yona; nghohe ya yona ayifana ni jambu, milenge ya yona ayifana ni timhandze ta ndzilo.

Nhlavutelo 8:5

Kutani ntsumi yiteka ximbitana xakona yixitata hi ndzilo lowuhumaka alitarini, kutani yixihoxa misaveni. Hi loko kuva ni kudzindza ka tilo, ni marito, ni kuhatimahatima, ni kutsekatseka ka misava.

Nhlavutelo 14:18

Hi loko ntsumi yin'wanyana leyinga ni matimba henhla ka ndzilo, yita hi le alitarini, kutani yihuwelela hi rito leritlakukeke, yibzela lweyi atameleke sikelo lerokariha yiku: “Nghenisa sikelo ra wena leri, uhlengeleta svichocho sva mimvhinya ya laha misaveni, hikuva mihandzu yakona yiwupfile!”