Nhlavutelo 4:1 - Testamente Leyimpsha Xichangana

¹ Ndzhaku ka svosvo, nilangutile, kutani nivona xipfalu lexipfulekeke le tilweni. Kutani rito leri ningaritwa kusunguleni loko rivulavula na mina, na rifana ni mhalamhala, riyengeta riku: “Tlhantuka uta halenu, kutani nitakukomba lesvifanelaka kuhumelela ndzhaku ka lesvi.”

BIBELE Mahungu Lamanene

¹ Endzhaku ka sweswo, ndzi langutile, kutani ndzi vona etilweni nyangwa leyi pfulekeke. Kutani rito leri ndzi nga ri twa eku sunguleni ri fana ni nanga loko ri vulavula na mina, ri engeta ri ku: “Tlhandluka u ta haleno, kutani ndzi ta ku komba leswi fanelaka ku humelela endzhaku ka leswi.”

Xitsonga (Bibele)

¹ Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

Nhlavutelo 4:1 Referans Kwoze

Nhlavutelo 11:12

Kutani vatwa rito leritlakukeke na rihuma tilweni rivabzela lesvi: “Tlhantukani mita halenu!” Hi loko vatlhantukela tilweni hi refu, na valala va vona vali karhi vavavona.

Nhlavutelo 1:19

Hikolaho, tsala lesvi usvivonaka, svinga lesvinga kona svosvi ni lesvingatahumelela ndzhaku ka svona.

Nhlavutelo 1:10

Kutani, hi siku ra Hosi, anikumeka Moyeni, ni twa rito lerihuwelelaka hi le ndzhaku ka mina, ripfuma kufana ni mhalamhala,

Marka 1:10

Kutani loko ali karhi ahuma matini, avona matilo mapfuleka, ni Moya na wulikarhi wuxika henhla ka yena wufana ni xituvana;

Nhlavutelo 22:6

Kutani ntsumi yiku ka mina: “Marito lawa matshembeka, ma ni ntiyiso. Hosi Xikwembu, xona lexinyikaka vaprofeta Moya wa xona, xirhumele ntsumi ya xona kukomba malandza ya xona svilo lesvi svifanelaka kuhumelela kungali khale.”

Nhlavutelo 16:17

Ntsumi ya vuntlhanu ni timbirhi yichulula lesvi asvili ndzhekweni wa yona mpfhukeni, kutani kutwala rito lerotlakuka, na rihuma hi le Xitshan'wini xa Vuhosi Tempeleni ya tilo, riku: “Sviyendlekile!”

Timhaka 7:56

Kutani aku: “Langutani! Nivona tilo ripfulekile, ni N'wana-wa-Munhu na ayimile vokweni ra xinene ra Xikwembu.”

Yohane 16:13

Kambe loko yena ata, anga Moya wa ntiyiso, atamifambisa ndleleni hinkwayu ya ntiyiso; hikuva angakala angavulavuli svohuma ka yena; kambe xin'wana ni xin'wana lexi axitwaka, ataxivula; nasvona atamitivisa lesvi svingatata.

Luka 3:21

Loko vanhu hinkwavu vakhuvuliwa, ni loko Yesu na yena akhuvuliwile, matilo mapfuleka ali karhi akhongela;

Timhaka 10:11

Avona tilo ripfulekile, ni xilo lexifanaka ni lansoro lerikulu na xili karhi xixika, xinembeletiwa misaveni hi tinyihla ta mune;

Matewu 3:16

Kuteloko Yesu akhuvuliwile, ahantlisa ahuma matini; hi nomo-lo matilo mapfuleka, avona Moya wa Xikwembu wuxika kufana ni xituvana, wuxikela henhla ka yena.

Nhlavutelo 1:12

Kutani nihundzukula, nilava kuvona lweyi avulavulaka na mina. Loko nihundzukulile, nivona svitlhomativoni sva ntlhanu ni svimbirhi sva golidi,

Nhlavutelo 11:19

Hi loko kupfuliwa Tempele ya Xikwembu leyinga tilweni, kutani Areka ya Ntwananu yivonaka Tempeleni leyi ya xona. Kutani kuva ni kuhatimahatima, ni kudzindza ka tilo, kutwakala ka marito, misava yitsekatseka, kuwa ni marhalana lamakulu.

Nhlavutelo 19:11

Ndzhaku ka svona, nivona tilo ripfuliwile, kan'wekan'we, kuvoneka hanchi robasa. Lweyi agadeke rona, mavito ya yena vali i “Mutshembeki” ni “Ntiyiso”. Ayavanyisa ni kulwa hi kululama.