Nhlavutelo 2:3 - Testamente Leyimpsha Xichangana

³ Nasvona waxaniseka kambe watiyisela; utwisiwe kuvaviseka hikolaho ka vito ra mina, kambe awukarhalanga.

BIBELE Mahungu Lamanene

³ Wa karhi wa tiyisela; u twisiwe ku vaviseka hikwalaho ka vito ra mina, kutani a wu karhalanga.

Xitsonga (Bibele)

³ kutani a wu ri ni ku yingisela, u twile ku vaviseka hikwalaho ka vito ra mina kutani a ku karhalanga.

Nhlavutelo 2:3 Referans Kwoze

Vaheveru 10:36

Svafanela lesvaku mitiyisela, akuva mitakota kuyendla kurhandza ka Xikwembu, mitayamukela lesvi xingamitshembisa svona.

Vaheveru 12:1

Hikolaho, lesvi hirhendzeliweke hi refu lerikulu ra timboni, na hina ahitshikeni hinkwasvu lesvi svihisivelaka, ni vujoho lebzihantlaka kuhinamarhela, hitsutsuma na hili ni kutiyisela kutsutsumeni ka mpfhuka lowu hi vekeliweke wona.

Vagalatiya 6:9

Loko hili karhi hiyendla lesvinene, hingakarhaleni, hikuva hitatshovela hi nkama wakona, loko hingaheli mbilu.

Vakolosa 1:11

Mawaku loko mingatiyisiwa svinene hi matimba, hi kuya hi ntamu wa xona wotwakala, mikota kutiyisela svinene, ni kuleha mbilu na mitsakile.

Yohane 15:21

Kambe vatayendla hinkwasvu lesvi ka n'wina hikolaho ka mina, hikuva avamutivi lweyi anirhumeke.

1 Vakorinto 13:7

Riyamukela hinkwasvu, ripfumela hinkwasvu, rilangutela hinkwasvu, ritiyisela ka hinkwasvu.

Nhlavutelo 3:10

Lesvi ungahlayisa rito ra mina ra lesvaku ufanela kutiyisela, na mina nitakusirhelela nkarhini wa ndzingo lowu wungatata misaveni hinkwayu, kutaringa vayaki va misava.

Vaheveru 6:15

Hi ndlela yoleyo Abrahamu, hi kulehisa mbilu, akumile lesvi atshembisiweke svona.

Vaheveru 6:12

Ahilavi lesvaku mihundzuka lava vololoha, kambe hilava lesvaku mifana ni vanhu lava svosvi vakumaka lesvi vatshembisiweke svona, hi mhaka ya kupfumela ka vona hi kulehisa mbilu.

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

1 Timotiya 4:10

Hitirha svinene ni kutikarhatela svona, hikuva hivekile kutshemba ka hina ka Xikwembu lexihanyaka, lexinga muponisi wa vanhu hinkwavu, ngopfungopfu wa lavapfumelaka.

2 Vatesalonika 3:13

Kambe n'wina vamakwerhu, loko mili karhi miyendla lesvinene, mingakarhaleni.

2 Vakorinto 4:16

Hikolaho ahiheli mbilu; hambilesvi hihlakalaka hi tlhelo ra munhu wa hina wa le handle, hi tlhelo ra munhu wa hina wa le ndzeni, hihundzuka lavampsha siku rin'wana ni rin'wana.

2 Vakorinto 4:1

Hikolaho lesvi Xikwembu, hi timpsalu ta xona, xingahirhuma kutirha ntirho wolowo, ahiheli mbilu.

Varhoma 12:12

Tsakani kulanguteleni, tiyiselani maxangwini, hitekani kukhongeleni.

Varhoma 8:25

Kambe loko hilangutela lesvi hingasvivoniki, hisvilangutela hi kutiyisela.

Luka 14:27

Kutani lweyi angarhwaliki xihambanu xa yena anilandza, angesvikoti kuva mujondzisiwa wa mina.

Nhlavutelo 1:9

Mina Yohani, ninga makwenu ni nakuloni maxangweni, ni le Mfun'wini, ni le kulehiseni ka mbilu ka Yesu Kriste, anili xihlaleni lexivuliwaka Patmosi, hi mhaka ya Rito ra Xikwembu ni kutiyisa vumboni bza Yesu.

2 Petro 1:6

miseketela vutivi hi kutikhoma, ni kutikhoma hi kutiyisela, ni kutiyisela hi vukhongeli,

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

2 Vakorinto 11:23

Xana i malandza ya Kriste? Na mina ni nandza wa yena, kutlula vona (nivulavula tani hi loko nili munhu wa rihuhe). Nixanisekile kuvatlula, hi kutirha svononon'hwa, ni kupfaleliwa majele, ni kubiwa kutlulisa mpimo, ni kuva kusuhi ni kudlayiwa minkama yotala.

2 Vakorinto 5:9

Hikolaho, hambi loko kaya ka hina kuli halenu mirini, kumbe hambi loko hirhurha ka wona, kunavela ka hina lokukulu i kutsakisa Hosi.

Varhoma 2:7

Lava vatiyiselaka kuyendla lesvinene, na vali karhi vanavela kuva lavakwetsimaka ni lavadzunekaka ni lava vangahafiki, Xikwembu xitavanyika vutomi lebzingaheliki;

Luka 18:1

Yesu abzela vajondzisiwa xifaniso, kukomba lesvaku vanhu vafanele kukhongela minkarhi hinkwayu, vangakarhali,

Luka 8:15

Kambe mbewu leyingawela misaveni leyinene, i vanhu lavayingisaka Rito hi timbilu letolulama, letinene, varihlayisa, vaveka mihandzu hi kutiyisela.

Vaheveru 13:13

Hikolaho, ahihumeni hiya le ka yena handle ka vugovelo, nahirhwele kurhuketeliwa ka yena.

1 Timotiya 5:17

Yendla lesvaku vakulukumba lavatirhaka khwatsi ntirho wa vufambisi vaxiximiwa svinene, ngopfungopfu lavatikarhatelaka Rito ni kujondzisa,

2 Vatesalonika 3:8

na svona, ahijanga svakuja sva munhu mahala, kambe hitirhile vusiku ni nhlekanhi, hibalha nyuku ni kutikarhata, lesvaku hingatikiseli munhu ni mun'we xikarhi ka n'wina.

2 Vatesalonika 3:5

Ingi Hosi yingasusumeta timbilu ta n'wina, lesvaku mixirhandza, ni lesvaku michivirikela Kriste.

1 Vatesalonika 2:9

Vamakwerhu, matsundzuka kutikarhata ni kukarhateka ka hina ntirhweni lowu: Hitirhile vusiku ni nhlekanhi lesvaku hingatikiseli na mun'we wa n'wina, loko hili karhi himipaluxela Evhangeli ya Xikwembu.

Vafilipiya 4:3

Nakukombela na wena mutirhikulorhi lweyi atshembekaka: Pfuna vamamana lava; vaniseketelile svinene ntirhweni wa Evhangeli, na vali na Klemente, ni vatirhikulorhi lavan'wana, lava mavito ya vona matsaliweke bukwini ya vutomi.

Vafilipiya 2:16

na mili karhi minamarhela Rito ra vutomi, kutani sikwini ra Kriste, nitakota kutidzunisa loko nikuma lesvaku kutikarhata ka mina ntirhweni wa mina akuvanga ka mahala.

Vagalatiya 6:2

Rhwalelanani mindzhwalu, kutani, hi kuyendlisa svosvo, mitava mihetisa Nawu wa Kriste.

2 Vakorinto 10:15

Ahitidzunisi hi mintirho leyitirhiwaka hi van'wana, handle ka laha hingakombiwa kona; hinikulangutela lesvaku, loko kupfumela ka n'wina kuyakukula, kukhensiwa ka hina xikarhi ka n'wina kutayandzisiwa svinene, ndzeni ka tindhawu leti Xikwembu xingahikomba tona kutirha ka tona.

2 Vakorinto 6:5

akubiweni, ni le majele, ni le madzolongeni; mintirhweni leyotika, ni le kupfumaleni ka vurhongo, ni le kutitsoneni ka svakuja.

Varhoma 16:12

Nirunguleleni Trifena na Trifoza, vamamana lavatirhelaka Hosi. Nirunguleleni Persida, mamana lweyi arhandziwaka, lweyi atirheleke Hosi hi lesvinyingi.

Luka 21:19

hi kutiyisela ka n'wina mitatikumela vutomi.

Marka 15:21

Vamuyisa handle ka doropa kuyamuvamba. Vahlangana ni wanuna mun'we lweyi aahundza kolaho na ata hi le masin'wini, kutani vamusindzisa kurhwala xihambanu xa Yesu. Wanuna lweyi aali Simoni wa Kirene, tatana wa Alexandre na Rufo;

1 Vatesalonika 5:12

Vamakwerhu, ha mikombela hi matimba lesvaku mixixima lavatirhaka xikarhi ka n'wina lava vamirhangelaka ndleleni ya Hosi, ni kumitsundzuxa;

1 Vakorinto 16:16

Namikhongotela svinene kutiveka hansi ka vanhu lava, ni ka mun'wana ni mun'wana lweyi atinyiketeke kutirha ntirho wolowo, atikarhatela wona.

Luka 5:5

Kambe Simoni ahlamula aku: “Mujondzisi, hitirhile vusiku hinkwabzu, hingaphasi nchumu; kambe hi kuvula ka wena, nitapeta tinkoka.”