Nhlavutelo 1:9 - Testamente Leyimpsha Xichangana

⁹ Mina Yohani, ninga makwenu ni nakuloni maxangweni, ni le Mfun'wini, ni le kulehiseni ka mbilu ka Yesu Kriste, anili xihlaleni lexivuliwaka Patmosi, hi mhaka ya Rito ra Xikwembu ni kutiyisa vumboni bza Yesu.

BIBELE Mahungu Lamanene

⁹ Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Xitsonga (Bibele)

⁹ Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

Nhlavutelo 1:9 Referans Kwoze

Nhlavutelo 3:10

Lesvi ungahlayisa rito ra mina ra lesvaku ufanela kutiyisela, na mina nitakusirhelela nkarhini wa ndzingo lowu wungatata misaveni hinkwayu, kutaringa vayaki va misava.

Timhaka 14:22

na vali karhi vatiyisa timbilu ta vajondzisiwa, vavakhongotela kutiyisela kupfumeleni, vaku: “Amfun'wini wa Xikwembu, hifanele kunghena hi maxangu lamanyingi.”

Yohane 16:33

Nimibzelile svilo lesvi lesvaku miva ni kurhula ka mina. La misaveni, mitava ni mahlomulu, kambe tiyani timbilu, nihlulile misava.”

Nhlavutelo 1:2

Hi kurungula hinkwasvu lesvi asvivoneke, Yohani aveka vumboni henhla ka Rito lerihumaka ka Xikwembu, ni le henhla ka ntiyiso ya lesvivuliwaka hi Yesu Kriste.

Nhlavutelo 13:10

Lweyi kukhomiwa svimukongomeke, atakhomiwa hakunene; ni lweyi kudlayiwa hi tlhari svimukongomeke, atadlayiwa hi tlhari hakunene.” Lesvi svivula lesvaku vahlawuliwa va Xikwembu vafanele kutiyisela, vava ni kupfumela.

Vafilipiya 4:14

Hambi svilitano, miyendlile hi timpsalu, loko minipfunile kurhwala maxangu ya mina.

Nhlavutelo 12:11

Vamakwerhu vamuhlulile hi ngati ya Xinyempfana, ni vumboni lebzi vabzihumeseke, kutani avarhandzanga vutomi bza vona kuyafika kufeni.

Nhlavutelo 7:14

Niku ka yena: “Svotiviwa hi wena, Hosi yanga.” Hi loko aku ka mina: “Lava, hi lava vataka hi le kuxanisekeni lokukulu; vahlampseke sviyambalu sva vona, vasvibasisa sviva ni muhlovo wa ku svibasa hi ngati ya Xinyempfana.”

2 Timotiya 1:8

Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

Varhoma 8:25

Kambe loko hilangutela lesvi hingasvivoniki, hisvilangutela hi kutiyisela.

Nhlavutelo 14:12

Lesvi svilava lesvaku vahlawuliwa va Xikwembu vatiyisela, na vali karhi vahlayisa milawu ya xona, ni kupfumela ka vona ka Yesu.

Vaheveru 10:36

Svafanela lesvaku mitiyisela, akuva mitakota kuyendla kurhandza ka Xikwembu, mitayamukela lesvi xingamitshembisa svona.

Vafilipiya 1:7

Hikolaho, nikuma na svinilulamelile kuyanakanya hi ndlela leyi henhla ka n'wina hinkwenu, hikuva mi le mbilwini ya mina, ingava kubohiweni kumbe kuhlamuleni ka mina ni le kutiyiseni ka Evhangeli, kutani n'wina hinkwenu miyaveliwile nkateko wun'we na mina.

Nhlavutelo 11:7

Loko vaheta kuvula vumboni bza vona, xivandzana lexihumaka hi le kheleni leroyenta svinene rokala makumu, xitalwa na vona, xivahlula, xiva xivadlaya.

Varhoma 8:17

Loko hili vana, svivula lesvaku hi vinyi va ndzhaka ya Xikwembu, nivaji va ndzhaka svin'we na Kriste; lesvi kunene hixanisekaka na yena, svivula lesvaku hitakwetsimisiwa na yena.

Nhlavutelo 19:10

Kutani nikhinsama nikorhama milengeni ya yona kutayigandzela, kambe yiku ka mina: “Ungatshuki uyendla svosvo, mina ni nandza ntsena, kukota wena ni vamakwenu lavahlayisaka vumboni lebzihumesiweke hi Yesu Gandzela Xikwembu!” Vumboni lebzi bzihumesiweke hi Yesu, hi bzona mongo wa vuprofeta.

Nhlavutelo 12:17

Dragona rikariha svinene hikolaho ka wansati lweyi, risuka riyalwa ni va rixaka ra yena lavasaleke, lavahlayisaka milawu ya Xikwembu ni kuveka vumboni bza Yesu.

Nhlavutelo 6:9

Loko Xinyempfana xipfulile mfungu wa vuntlhanu, nivona hansi ka alitari mimoya ya lava avadlayiwile hi mhaka ya kutwalisa Rito ra Xikwembu ni hikolaho ka kuveka vumboni bza vona.

Nhlavutelo 1:4

Mina Yohani nitsalela tikereke ta ntlhanu ni timbirhi letinga tikweni ra Aziya, nili: Timpsalu ni kurhula asvive na n'wina, svihuma ka lweyi anga kona, lweyi aali kona, lweyi angatata; svihuma ni le ka mimoya ya ntlhanu ni yimbirhi leyinga mahlweni ka xiluvelo xa yena,

2 Vatesalonika 3:5

Ingi Hosi yingasusumeta timbilu ta n'wina, lesvaku mixirhandza, ni lesvaku michivirikela Kriste.

Matewu 20:23

Aku ka vona: “Hakunene mitanwela andzhekweni wa mina, kambe loko kuli kutshama vokweni ra mina ra xinene kumbe ra ximantsi, ahi mina ningaminyikaka svona, kambe i sva lava vangalungiseliwa svona hi Tatana wa mina.”

Marka 10:39

Vaku ka yena: “Hingasvikota.” Yesu aku ka vona: “Kunene mitanwa ka ndzheko lowu ninwelaka ka wona, mitakhuvuliwa hi kukhuvula loku nikhuvuliwaka hakona;

Timhaka 1:15

Hi masiku wolawo, Petrosi ayima nhlengeletanweni ya vamakwavu Hosini (lava nhlayo ya vona ayilava kuva dzana ni makume mambirhi (120) ), kutani aku:

2 Vakorinto 1:7

Kutani kulangutela ka hina henhla ka n'wina kutiyile svinene, hikuva hitiva lesvaku, lesvi miyaveliwaka kuxaniseka kun'we na hina, mitayaveliwa nakona kuchaveleliwa loku hinga nakona.

1 Petro 5:1

Svosvi-ke, ni khongotela vakulukumba lavanga mahlweni ka n'wina, lesvi na mina ninga mun'we wa vona; ningamboni ya kuvaviseka ka Kriste, ni lweyi atshembaka kuyaveliwa kukwetsima lokungatahumelela, kutani nili:

Nhlavutelo 1:1

Loku i kuhlavutela ka Yesu Kriste, loku Xikwembu ximunyikeke kona, lesvaku atakomba malandza ya yena svilo lesvi svifanelaka kuhumelela kungali khale. Kriste asvitivisile hi kurhumela ntsumi ya yena ka Yohani nandza wakwe.

Nhlavutelo 1:6

ahiyendla tiko, ni kuva vaprista lavatirhelaka Xikwembu Tatana wa yena, ka yena Kriste akuve kudzuneka ni matimba, hilaha kungaheliki! Amen.

Nhlavutelo 20:4

Kutani nivona svitshamu sva vuhosi; lavatshameke ka svona, vanyikiwa matimba ya kuyavanyisa. Nasvona, nivona mimoya ya lava vatsemiweke tinhloko hi mhaka ya kupaluxa vumboni bza vona ha Yesu ni kuvula Rito ra Xikwembu. Avagandzelanga xivandzana kumbe xifaniso xa xona, avafungiwanga hi mfungu wa xona mimombzeni ya vona, kumbe mavokweni ya vona. Kutani hi loko vatlhela vahanya, vafuma na Kriste malembe ya khulu (1 000).