Nhlavutelo 1:7 - Testamente Leyimpsha Xichangana

⁷ Vonani, wata ni marefu! Mahlo hinkwawu matamuvona, hambi lava vamutlhaveke. Tinxaka hinkwatu ta vanhu va misava titaba nkosi tirila hikolaho ka yena, hakunenenene! Amen.

BIBELE Mahungu Lamanene

⁷ Vonani, wa ta hi mapapa! Un'wana ni un'wana ú ta n'wi vona, ku katsa ni lava va n'wi dlayeke. Tinxaka hinkwato ta vanhu va misava ti ta ba nkosi ti rila hikwalaho ka yena, hakunene swi tano! Amen.

Xitsonga (Bibele)

⁷ Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

Nhlavutelo 1:7 Referans Kwoze

Matewu 24:30

Hikona xikombiso xa N'wana-wa-Munhu xingatavoneka tilweni; vanhu vatinxakaxaka ni svib'ongo hinkwasvu sva la misaveni vataba nkosi, kutani vatavona N'wana-wa-Munhu ata hi marefu ya le tilweni, hi matimba ni kutwala lokukulu.

Yohane 19:37

Nakambe Tsalwa rin'wana rili: “Vatahlalela lweyi vamutlhaveke.”

Marka 14:62

Yesu aku: “Mina ni yena!” “‘Kutani mitavona N'wana-wa-Munhu atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Luka 21:27

Hikona vangatavona N'wana-wa-Munhu ata hi refu, na ali ni matimba ni kukwetsima lokukulu.

1 Vatesalonika 4:17

kutani hina lava hingatava hahahanya, hitatlakuliwa hiya henhla marefini svin'we na vona, hiyakumana ni Hosi mpfhukeni. Kutani hi ndlela yoleyo, hitava ni Hosi hilaha kungaheliki.

1 Vatesalonika 1:10

Nasvona milangutela kuta ka N'wana wa xona Yesu hi le matilweni, lweyi ximupfuxeke xikarhi ka vafi, lweyi ahiponisaka kuyavanyiseni ka xona loku kutaka.

Marka 13:26

“Hikona vangatavona N'wana-wa-Munhu ata hi marefu, na ali ni matimba lamakulu ni kukwetsima.

Yuda 1:14

Avile Enoke, munhu wa rixaka ra vuntlhanu kusukela ka Adamu, lweyi aprofeteke mayelanu ni vanhu volavo aku: “Vonani, Hosi yifikile ni vakwetsimi va yona va madzanadzana,

Matewu 26:64

Yesu amuhlamula aku: Wena se uvulile! Ntsena namibzela nili: “‘Kusukela svosvi, mitavona N'wana-wa-Munhu na atshamile vokweni ra xinene ra Lweyi anga ni matimba hinkwawu, mitamuvona ata hi marefu ya le tilweni.’”

Nhlavutelo 22:20

Yena lweyi ativisaka ntiyiso wa timhaka leti, ali: “Hakunene, nata svosvisvosvi.” Amen, tana Hosi Yesu!

1 Yohane 3:2

Varhandziwa, svosvi hi vana va Xikwembu, asvisitikomba lesvi hingatava svona. Kambe hasvitiva lesvaku, loko yena atatikombisa ka hina, hitafana na yena, hikuva hitamuvona tani hi lesvi anga xisvona.

Vaheveru 10:29

Kutani-ke, miyehleketa yini hi munhu lweyi akandziyeleke milengeni ya N'wana wa Xikwembu, lweyi anyamiseke ngati ya ntwananu leyi angakwetsimisiwa ha yona, atlhela arhuketela Moya wa timpsalu, xana? Xana munhu lweyi atabiwa hi nhonga leyovavisa kufika kwihi ke?

Yohane 19:34

hambi svilitano, mun'we wa masochwa amutlhava rheve hi tlhari, kutani hi nomo-lo kuhuma ngati ni mati.

Nhlavutelo 22:4

Vatavona nghohe ya xona, ni vito ra xona ritava mimombzeni ya vona.

Vaheveru 6:6

loko kutani vatlhelela ndzhaku, asviyendleki kuvavuyisela kambe kuhundzukeni; vatlhela vavamba N'wana wa Xikwembu, vamuhundzula xihlekiso.

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 16:28

“Nitiyisile nili ka n'wina: Ku ni van'wana xikarhi ka lavanga kola, lavangatakala vangakhumbiwi hi rifu na vangasivona N'wana-wa-Munhu avuya Mfun'wini wa yena.”

Matewu 25:31

Siku leri N'wana-wa-Munhu angatata hi kutwala ka yena, na tintsumi hinkwatu tili na yena, atatshamisa xiluvelweni xa kutwala ka yena.