Nhlavutelo 1:5 - Testamente Leyimpsha Xichangana

⁵ ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

BIBELE Mahungu Lamanene

⁵ ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

Xitsonga (Bibele)

⁵ ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

Nhlavutelo 1:5 Referans Kwoze

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

1 Yohane 1:7

Loko hifamba kuvonakaleni, kufana na xona xinga kuvonakaleni, hi ni vuhlengeli, kutani angati ya Yesu Kriste N'wana wa xona yahibasisa ka svijoho hinkwasvu.

Nhlavutelo 17:14

Titalwa ni Xinyempfana, kambe Xinyempfana xitatihlula, hikuva i Hosi ya tihosi, ni Mufumi wa vafumi; ni malandza ya xona lawa mavitaniweke, lawa mahlawuliweke ni lawa matshembekaka, xitamanyika kuhlula.”

Vakolosa 1:18

Hi yena nhloko ya miri, hi lesvaku ya Kereke. Hi yena masungulu ya hinkwasvu ni lweyi arhangeke apfuka xikarhi ka vafi, lesvaku ava loworhanga ka svilo hinkwasvu.

1 Petro 1:19

kambe hi ngati ya risima ya Kriste, leyifanaka ni ya xinyempfana lexingaliki na vulema kumbe xivati.

Timhaka 26:23

Hi lesvaku Mesiya atatwisiwa kuvaviseka, ni lesvaku, hikuva munhu worhanga lweyi angatapfuka kufeni, atativisa kuvonakala ka tiko leri ni ka vamatiko.”

Nhlavutelo 19:16

Ka jansi ra yena ni le nyongeni ya yena, kutsaliwile vito leringe: “Mufumi wa vafumi ni Hosi ya tihosi.”

1 Yohane 4:10

Leri hi rona rirhandzu ra ntiyiso, hikuva ahi hina hingarhandza Xikwembu, kambe hi xona xihirhandzeke, kutani xirhumela N'wana wa xona lesvaku ava mukutsuli wa svijoho sva hina.

Yohane 18:37

Pilato aku ka yena: “Hikolaho, u hosi, ahi svona ke?” Yesu ahlamula, aku: “Kuvula wena lesvaku ni Hosi. Lesvi nipsaleliweleke svona ni lesvi ningatela svona laha misaveni, i kuta nitaveka vumboni henhla ka ntiyiso. Mani na mani lweyi anga wa ntiyiso, ayingisa rito ra mina.”

Nhlavutelo 3:14

“Tsalela ni ntsumi ya kereke ya le Lawudokiya, uku: “‘Marito ya lweyi anga Amen, mboni leyitshembekeke ya ntiyiso, masungulu ya lesvitumbuluxiweke hi Xikwembu, hi lawa:

Nhlavutelo 7:14

Niku ka yena: “Svotiviwa hi wena, Hosi yanga.” Hi loko aku ka mina: “Lava, hi lava vataka hi le kuxanisekeni lokukulu; vahlampseke sviyambalu sva vona, vasvibasisa sviva ni muhlovo wa ku svibasa hi ngati ya Xinyempfana.”

Matewu 28:18

Kutani Yesu avatshinelela, avulavula na vona, aku: “Ninyikiwile vuhosi hinkwabzu tilweni ni la misaveni;

1 Timotiya 6:15

Kuhumelela loku kutakombisiwa rivaleni hi nkama wakona, hi lweyi akatekeke, lweyi anga ni matimba ali yexe, Hosi ya tihosi ni Mufumi wa vafumi.

Vaefesa 2:4

Kambe Xikwembu xi ni timpsalu svinene, hikolaho ka rirhandzu lerikulu leri xingahirhandza ha rona.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Timhaka 20:28

Tilanguteleni ke, milangutela ni kereke hinkwayu leyi Moya Wokwetsima wungamiveka kuva vabixopo va yona; risani Kereke ya Xikwembu, leyi xingatikumela yona hi rifu ra N'wana wa xona wa xiviri.

Vagalatiya 2:20

hi kolaho, angahali mina lweyi ahanyaka, kambe i Kriste lweyi ahanyaka ka mina. Svosvi, loko nihanya mirini, nihanya hi kupfumela, kunga kupfumela ka N'wana wa Xikwembu lweyi anirhandzeke, ava atinyiketa hikolaho ka mina.

Nhlavutelo 11:15

Hi loko ntsumi ya vuntlhanu ni timbirhi yiba mhalamhala ya yona, kutani kutwakala marito lamatlakukeke ya le tilweni maku: “Matimba ya mimfumu ya misava, svosvi manyikiwile Hosi ya hina na Kriste wa yona, kutani atafuma hilaha kungaheliki.”

1 Timotiya 6:13

Mahlweni ka Xikwembu lexinyikaka vutomi ka svilo hinkwasvu, ni le mahlweni ka Kriste Yesu lweyi avekeke vumboni lebzinene mahlweni ka Pontiyo Pilato, nakubzela nili:

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

Yohane 15:9

“Tani hi lesvi Tatana anirhandzeke, na mina nimirhandzile; tshamani arirhandzwini ra mina.

Yohane 13:1

Nkhuvu wa Paska awungasifika, kambe Yesu aativa lesvaku nkarhi wa yena wufikile wakusuka laha misaveni, aya ka Tatana. Aarhandza vanhu va yena laha misaveni, kutani avarhandzile ngopfu kuyisa kuheteleleni.

Varhoma 8:37

Kambe, ka svosvo hinkwasvu, hihlula hiva hihlulisisa hikolaho ka yena lweyi angahirhandza.

Yohane 13:34

Niminyika Nawu lowumpsha nili: Rhandzanani! Kukotisa lesvi mina nimirhandzeke, rhandzanani na n'wina.

Yohane 3:32

Kutani aveka vumboni bza lesvi asvivoneke ni kusvitwa; kambe aku na munhu lweyi apfumelaka vumboni bza yene.

Yohane 3:11

Nitiyisile nili ka wena, hina hivulavula lesvi hisvitivaka nasvona hiveka vumboni bza lesvi hisvivoneke; kambe amipfumeli vumboni bza hina.

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

Yohane 3:16

Hikuva Xikwembu xirhandzile misava, lakakuva, xinyikile N'wana wa xona wa mun'we, lesvaku hinkwavu lava vapfumelaka ka yena vangalovi, kambe vava ni vutomi lebzingaheliki.

Varhoma 3:25

Xikwembu ximuvekile lesvaku hi kufa ka yena, vanhu va rivaleliwa svijoho, loko vapfumela ka yena; xiyendlele kukomba hilaha xiyendlaka vanhu vava lavalulameke hakona, hikuva axirivalele vanhu kujoha ka vona ka khale, minkameni ya kutsetselela ka xona;

Vaheveru 10:29

Kutani-ke, miyehleketa yini hi munhu lweyi akandziyeleke milengeni ya N'wana wa Xikwembu, lweyi anyamiseke ngati ya ntwananu leyi angakwetsimisiwa ha yona, atlhela arhuketela Moya wa timpsalu, xana? Xana munhu lweyi atabiwa hi nhonga leyovavisa kufika kwihi ke?

Nhlavutelo 2:13

Nitiva laha uyakeke kona, laha xiluvelo xa Sathana xinga kona, ukhome svitiya vitweni ra mina, nasvona awulandzulanga kupfumela ka wena ka mina, hambi masikwini ya kudlayiwa ka Antipasi, mboni ya mina leyotshembeka leyidlayiweke xikarhi ka n'wina, laha Sathana ayakeke kona.

Nhlavutelo 11:3

Nitanyika timboni ta mina ta timbirhi matimba, kutani titaprofeta hi xipimo xa khulu ni madzana mambirhi ni ntlhanu wa makume ni rin'we (1260) wa masiku, na tiyambale sviyambalu sva masaka.”

Nhlavutelo 19:11

Ndzhaku ka svona, nivona tilo ripfuliwile, kan'wekan'we, kuvoneka hanchi robasa. Lweyi agadeke rona, mavito ya yena vali i “Mutshembeki” ni “Ntiyiso”. Ayavanyisa ni kulwa hi kululama.