Nhlavutelo 1:1 - Testamente Leyimpsha Xichangana

¹ Loku i kuhlavutela ka Yesu Kriste, loku Xikwembu ximunyikeke kona, lesvaku atakomba malandza ya yena svilo lesvi svifanelaka kuhumelela kungali khale. Kriste asvitivisile hi kurhumela ntsumi ya yena ka Yohani nandza wakwe.

BIBELE Mahungu Lamanene

¹ Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Xitsonga (Bibele)

¹ Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,

Nhlavutelo 1:1 Referans Kwoze

Nhlavutelo 22:16

Yesu ali: “Nirhumile ntsumi ya mina tikerekeni lesvaku yimitivisa ntiyiso wa svilo lesvi. Hi mina rimintsu ra Davhida, ni wa rixaka ra yena, nyeleti leyovangama ya mixo.”

Nhlavutelo 22:6

Kutani ntsumi yiku ka mina: “Marito lawa matshembeka, ma ni ntiyiso. Hosi Xikwembu, xona lexinyikaka vaprofeta Moya wa xona, xirhumele ntsumi ya xona kukomba malandza ya xona svilo lesvi svifanelaka kuhumelela kungali khale.”

Vagalatiya 1:12

Aniyikumanga ka munhu ni mun'we, anga kona ni mun'we lweyi anijondziseke yona. Yesu Kriste hi xiviri xa yena, hi yena lweyi angayihlavutela ka mina.

Vaefesa 3:3

hikuva xitivisile xihundla xa makungu ya xona ka mina, nitsalile mhaka leyi hi kukomisa,

Nhlavutelo 1:19

Hikolaho, tsala lesvi usvivonaka, svinga lesvinga kona svosvi ni lesvingatahumelela ndzhaku ka svona.

Nhlavutelo 1:9

Mina Yohani, ninga makwenu ni nakuloni maxangweni, ni le Mfun'wini, ni le kulehiseni ka mbilu ka Yesu Kriste, anili xihlaleni lexivuliwaka Patmosi, hi mhaka ya Rito ra Xikwembu ni kutiyisa vumboni bza Yesu.

Yohane 3:32

Kutani aveka vumboni bza lesvi asvivoneke ni kusvitwa; kambe aku na munhu lweyi apfumelaka vumboni bza yene.

Yohane 15:15

Anahamivuli malandza, hikuva nandza angativi lexi n'winyi wa yena axiyendlaka; kambe nimivulile vanghanu, hikuva nimitivisile hinkwasvu lesvi nisvitweke ka Tatana wa mina.

Nhlavutelo 4:1

Ndzhaku ka svosvo, nilangutile, kutani nivona xipfalu lexipfulekeke le tilweni. Kutani rito leri ningaritwa kusunguleni loko rivulavula na mina, na rifana ni mhalamhala, riyengeta riku: “Tlhantuka uta halenu, kutani nitakukomba lesvifanelaka kuhumelela ndzhaku ka lesvi.”

Yohane 12:49

Hikuva anivulavulanga svohuma ka mina, kambe Lweyi anirhumeke, yena Tatana hi xiviri xa yena, anileletile lesvi nifaneleke kusvitivisa ni kusvivula.

Yohane 8:26

Ni ni lesvotala lesvi nifanelaka kumibzela ni kusviyavanyisa henhla ka n'wina; kambe lweyi anirhumeke i ntiyiso wa xiviri; kutani lesvi nisvitweke ka yena lesvo, nisvivulavula ka misava.

Nhlavutelo 21:2

Kutani nivona doropa Lerokwetsima ra Yerusalema Lwemumpsha, na rixika hi le tilweni rihuma ka Xikwembu, na ritilulamiselile tani hi mutekiwa loko atisasekiselela nuna wa yena.

Varhoma 16:25

Ka yena lweyi akotaka kumitiyisa, hi kuya hi Evhangeli leyi niyijondzisaka, manga mahungu ya Yesu Kriste, nasvona hi kuya hi xihundla lexingahlavuteliwa, xinga xihundla lexi axifihlekile hi malembe ni malembe,

Yohane 17:8

hikuva nivanyikile marito lawa uninyikeke wona; vamayamukelile, kutani vajondzile hakunene lesvaku nihuma ka wena, kutani vapfumelile lesvaku nirhumiwile hi wena.

Tito 1:1

Mina Pawulo, nandza wa Xikwembu ni mupostola wa Yesu Kriste, nirhumiwile kuseketela kupfumela ka vanhu lavahlawuliweke hi Xikwembu, ni kuvapfuna kutiva ntiyiso lowujondzisiwaka hi vukhongeli bza hina,

Nhlavutelo 5:7

Xinyempfana lexi, xiya xiyateka buku leyi ayili vokweni ra xinene ra lweyi atshameke xiluvelweni.

Nhlavutelo 17:1

Kutani yin'we ka tintsumi leta ntlhanu ni timbirhi leti atili ni mindzheko ya ntlhanu ni yimbirhi, yita yiku ka mina: “Tana, nitakukomba hilaha muwosvi lwenkulu, lweyi atshameke henhla ka mati layotala, angatayavanyisiwa hakona,

Nhlavutelo 19:9

Kutani ntsumi yiku ka mina: “Tsala lesvi: Kukatekile lavarhambiweke kutalalela nkhubzini wa vukati bza Xinyempfana.” Kutani yitlhela yiku ka mina: “Lawa i marito lawa matiyeke ya Xikwembu.”

Nhlavutelo 19:10

Kutani nikhinsama nikorhama milengeni ya yona kutayigandzela, kambe yiku ka mina: “Ungatshuki uyendla svosvo, mina ni nandza ntsena, kukota wena ni vamakwenu lavahlayisaka vumboni lebzihumesiweke hi Yesu Gandzela Xikwembu!” Vumboni lebzi bzihumesiweke hi Yesu, hi bzona mongo wa vuprofeta.

Nhlavutelo 21:9

Kutani kufika yin'we ka tintsumi leti ta ntlhanu ni timbirhi letinga ni mindzheko ya ntlhanu ni yimbirhi, leyiteleke hi mintungu leyohetelela; ntsumi yivulavula na mina yiku: “Tana, nitakokumba Mutekiwa, nsati wa Xinyempfana.”

Nhlavutelo 22:1

Kutani ntsumi yinikomba nambu wa mati ya vutomi lowuvangamaka kufana ni “krixtali”, wukhuluka wuhuma Xitshan'wini xa Vuhosi xa Xikwembu ni xa Xinyempfana.

Nhlavutelo 22:8

Hi mina Yohani hi xiviri ningatwa ni kuvona svilo lesvi. Kutani loko nisvitwile ni kusvivona, niwa hi matsolo, kugandzela milengeni ya ntsumi leyi yinikombeke svona.

Nhlavutelo 22:9

Kambe yiku ka mina: “Ungatshuki uyendla svosvo! Mina ni nandza ntsena, kukota wena ni vamakwenu, vanga vaprofeta ni hinkwavu lavahlayisaka marito ya buku leyi. Gandzela Xikwembu!”