Matewu 9:2 - Testamente Leyimpsha Xichangana

² Kutani vamutisela munhu wokhwanyala svirho, ayo lakahla arihlakeni. Loko Yesu avona kupfumela ka vona, aku ka lweyi wokhwanyala svirho: “Tiyisa mbilu n'wananga, urivaleliwile svijoho sva wena.”

BIBELE Mahungu Lamanene

² Kutani va tisa ka yena munhu wo khwanyala swirho, a lo lákáhlá evuhlakeni. Loko Yesu a vona ku pfumela ka vona, a ku ka lowo khwanyala swirho: “Tiyisa mbilu n'wananga, u rivaleriwile swidyoho swa wena.”

Xitsonga (Bibele)

² Kutani a tiseriwa munhu la omeke swirho, a lo lakahla, emasangwini. Yesu, kuteloko a vonile ku pfumela ka vona, a ku eka munhu la omeke swirho: “Tiyisa mbilu, n'wananga, swidyoho swa wena u rivaleriwile swona.”

Matewu 9:2 Referans Kwoze

Matewu 9:22

Yesu ahundzukula, kutani loko amuvona, aku ka yena: “Tiyisa mbilu n'wananga, kupfumela ka wena kukuhanyisile.” Kusukela nkarhini wolowo, wansati lweyi ava ntomi.

Yakobo 2:18

Kambe munhu angavula aku: “Wena u ni kupfumela; Mina ni ni mintirho.” “Nikombe kupfumela ka wena lokungaliki ni mintirho, kutani mina hi mintirho ya mina nitakukomba kupfumela ka mina!”

Timhaka 19:12

svifika laha vanhu vangayisa ka timbabzi mafaduku ni sviyambalu lesvikhumbeke miri wa yena, kutani timbabzi leti tihanya, ni mimoya leyobiha yihuma ka tona.

Yohane 21:5

Kutani Yesu aku ka vona: “Vana vanga, miphasile xana?” Vamuhlamula, vaku: “Ahihim.”

Matewu 8:10

Loko Yesu asvitwile, ahlamala, kutani abzela lavamulandzelaka, aku: “Nitiyisile nili ka n'wina: Xikarhi ka Vaisrayele, anikumanga munhu ni mun'we lweyi anga ni kupfumela loku kotanu.

Matewu 4:24

Kutani ndhuma ya yena yihangalaka tikweni hinkwaru ra Siriya. Vatisa hinkwavu lavavabzaka hi mavabzi ya tinxakaxaka ni lava vaxanisekaka ngopfu, kukota lava avali ni madimoni, ni lava avali ni rihuhe, ni lava va kulimala, kutani Yesu avahanyisa.

Varhoma 5:11

Kungali svosvo ntsena, kambe hatitlakusa ka Xikwembu ha Hosi ya hina Yesu Kriste, lweyi svosvi hiyamukeleke kuvuyelelana loku ha yena.

Timhaka 14:9

Aayingisa lesvihlayiwaka hi Pawulo. Yena amulangutisisa, kutani avona lesvaku anikupfumela ka lesvaku angahanyisiwa;

Yohane 16:33

Nimibzelile svilo lesvi lesvaku miva ni kurhula ka mina. La misaveni, mitava ni mahlomulu, kambe tiyani timbilu, nihlulile misava.”

Matewu 9:6

Svosvi-ke tivani lesvaku N'wana-wa-Munhu a ni matimba laha misaveni ya kurivalela vanhu svijoho.” Kutani aku ka lweyi wokhwanyala svirho: “Pfuka, teka rihlaka ra wena umuka.”

Matewu 8:16

Nimajambu, vatisa lavanyingi lava avali ni madimoni; kutani ahlongola mimoya leyi hi rito ntsena, nasvona ahanyisa hinkwavu lavavabzaka,

Yohane 2:25

Hikuva aangavileli lesvaku munhu aveka vumboni bza mun'wana, hikuva yena aasvitiva lesvi svingakona ka munhu.

Marka 5:34

Yesu aku ka yena: “N'wananga, kupfumela ka wena kukuponisile, famba hi kurhula, nakuhanyisa nhlomulweni wa wena.”

Marka 1:32

Nimajambu, loko ripela, vamutisela hinkwavu lava avali ni mavabzi ni lava avali ni madimoni.

Matewu 6:12

“uhirivalela svijoho sva hina, tani hi loko na hina hirivalela lava vahijohelaka;”

Matewu 9:5

Xana kuvevuka yini, kuvula lesvaku: ‘Urivaleliwile svijoho sva wena’, kumbe kuvula: ‘Pfuka ufamba’ ke?

Matewu 14:27

Kambe Yesu ahantla avulavula na vona, aku: “Tiyisani timbilu, hi mina; mingachaveni!”

Marka 6:50

avamuvonile hinkwavu, kutani avachava ngopfu; kambe ahantla avulavula na vona, aku: “Tiyisani timbilu, hi mina, mingachaveni!”

Marka 10:49

Kutani Yesu ayima, aku: “Muvitaneni!” Vavitana lweyi wa xifamahlo, vaku ka yena: “Tiyisa mbilu, pfuka uyima, Yesu wakuvitana.”

Timhaka 23:11

Avusikwini lebzitlhantamaka, Hosi yitikomba ka Pawulo, yiku: “Tiyisa mbilu Pawulo, hikuva kukotisa lesvi uhumeseke vumboni lebzotiya henhla ka mina kola Yerusalema, svifanele lesvaku uhumesa vumboni lebzotano ni le Roma.”