Matewu 7:21 - Testamente Leyimpsha Xichangana

²¹ “Ahi hinkwavu lavango ka mina: ‘Hosi, Hosi’ vangatanghena Mfun'wini wa matilo, kambe kutanghena lavayendlaka kurhandza ka Tatana wa mina lweyi anga matilweni.”

BIBELE Mahungu Lamanene

²¹ “A hi hinkwavo lava nge ka mina: ‘Hosi, Hosi’ lava nga ta nghena eMfun'weni wa matilo, kambe ku ta nghena la endlaka ku rhandza ka Tata wa mina la nge matilweni.

Xitsonga (Bibele)

²¹ “A hi hinkwavo lava nge eka mina: Hosi, hosi, lava nga ta nghena eku fumeni ka matilo, kambe ku ta nghena la endlaka ku rhandza ka Tata wa mina la nga ematilweni.

Matewu 7:21 Referans Kwoze

Varhoma 2:13

Hikuva ahi vatwi va Nawu lavavoniwaka na vali lavalulameke mahlweni ka Xikwembu, kambe lavafambaka hi kulandza wona, hivona lavangatahlayiwa lesvaku valulamile.

Luka 6:46

“Xana minivitela yini: ‘Hosi, Hosi’ ke, na mingayendli lesvi nimibzelaka svona?

Yakobo 1:22

Miva vayendli va rito, mingavi vatwi ntsena lava vatikanganyisaka.

Luka 11:28

Yesu aku: “Kukatekile ngopfu lavayingisaka Rito ra Xikwembu, vava varihlayisa!”

Tito 1:16

Hi milomo ya vona, vavula lesvaku vativa Xikwembu, kambe hi mintirho ya vona vaxilandzula. Hikolaho vanyenyentsa, vayala kuyingisa, avakoti kuyendla ntirho ni wun'we lowunene.

Vaheveru 4:6

Hikolaho, lesvi svahatiyeke lesvaku van'wana vatanghena kona, ni lesvi lavakumeke Evhangeli kusunguleni vatsandzekeke kunghena hi mhaka ya kutiyalisa ka vona,

Yohane 6:40

Tatana wa mina alava lesvaku mani na mani lweyi alangutaka N'wana, ava apfumela ka yena, ava ni vutomi lebzingaheliki, kutani mina nitamupfuxa hi siku ra makumu.”

Nhlavutelo 3:5

Lweyi angatahlula, atayambexiwa hi mukhuva wolowo, anyikiwa sviyambalu lesvobasa. Aningasusi vito ra yena bukwini ya vutomi, nitativisa vito rakona mahlweni ka Tatana wa mina ni le mahlweni ka tintsumi ta yena.

1 Petro 4:2

Kutani nkameni wa n'wina lowusaleke wa kuhanya laha misaveni, mingahafambisiweni hi kunavela kutitsakisa, kukota vanhu van'wana, kambe mifambisiwa hi lesvi Xikwembu xirhandzaka svona.

Vaheveru 13:21

ingi xingamilongisa hinkwasvu lesvinene lesvingatamipfuna kuyendla kurhandza ka xona, na xili karhi xitirha ka hina lesvi xisvitsakelaka, ha Yesu Kriste. Ka xona akuve kudzuneka hi masiku ni masiku. Amen!

Matewu 12:50

hikuva mani na mani lweyi ayendlaka kurhandza ka Tatana wa mina lweyi anga matilweni, hi yena makwerhu waxinuna, ni waxisati, na mamana.”

Nhlavutelo 22:14

Kukatekile lavahlampsaka sviyambalu sva vona, lesvaku vatava ni matimba ya kuja nsinya wa vutomi, ni kunghena doropeni hi minyangwa ya rona.

Yohane 3:5

Yesu amuhlamula aku: Kunene, nili ka wena: Loko munhu angapsaliwi hi mati ni Moya angakala angangheni kufumeni ka Xikwembu.

Matewu 18:3

“Nitiyisile nili ka n'wina: Loko mingahundzuki mifana ni vatsongwana, amingangheni Mfun'wini wa matilo.

Yohane 7:17

Loko munhu alava kuyendla sva yena, atasvitiva lesvaku jondzo leyi yihuma ka Xikwembu, kumbe no tivulavulela sva mina ntsena?

Varhoma 12:2

Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

Marka 3:35

hikuva mani na mani lweyi ayendlaka kurhandza ka Xikwembu, hi yena makwerhu waxinuna ni waxisati na mamana.”

1 Vatesalonika 5:18

Ka hinkwasvu, khensani; hikuva hi kona kurhandza ka Xikwembu henhla ka n'wina ha Yesu Kriste.

Vaefesa 6:6

na svona, kungali ntsena loko vamilangutile, wonge hi loko milava kutsakisa vanhu, kambe, lesvi minga svitirhi sva Kriste, yendlani kurhandza ka Xikwembu hi mbilu hinkwayu.

1 Petro 2:15

Hikuva i kurhandza ka Xikwembu lesvaku, hi kuyendla lesvolulama, mitamiyeta lavangativiki nchumu, hi mhaka ya vuphukuphuku bza vona.

Matewu 25:21

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa lesvotala; nghena kutsakeni ka hosi ya wena.’”

1 Vatesalonika 4:3

nasvona kurhandza ka Xikwembu hi loku: Hi lesvaku miyendliwa lavabaseke, hi kuhambana ni vuwosvi hinkwabzu.

Vakolosa 4:12

Epafrasi, lweyi anga mun'we wa n'wina, mutirhi wa Yesu Kriste, wamirungula; wa mitsundzuka svinene masiku hinkwawu mikhongelweni ya yena, akombela lesvaku miva lavahetisekeke ni lavatiyeke, kuyendleni ka hinkwasvu lesvi Xikwembu xisvirhandzaka.

Luka 13:25

Loko n'winyi wa munti apfuka, ayapfala nyangwa, n'wina mingayima le handle, mitasungula kugongondza, miku: ‘Hosi, hipfulele!’ Kambe atamihlamula aku: ‘Anitivi lesvaku mihuma kwihi.’

Timhaka 14:22

na vali karhi vatiyisa timbilu ta vajondzisiwa, vavakhongotela kutiyisela kupfumeleni, vaku: “Amfun'wini wa Xikwembu, hifanele kunghena hi maxangu lamanyingi.”

Luka 18:25

Hikuva svingawolovela kamela kunghena hi mbhovo ya nayethi kutlula kuva mufuwi anghena Mfun'wini wa Xikwembu.”

Marka 9:47

Ni loko tihlo ra wena rikukhunguvanyisa, rixokole; svingayampsa loko unghena Mfun'wini wa Xikwembu ufe tihlo rin'we, kutlula kuhoxiwa Tiheleni na uli ni mahlo mambirhi.

Matewu 19:24

Niyengeta nimibzela nili ka n'wina: Svingawolovela kamela kunghena ka tihlo ra nayethi, kutlula kuva mufuwi anghena Mfun'wini wa Xikwembu.”

Matewu 18:35

Tatana wa mina wa le matilweni atayendlisa svosvo ka n'wina, loko mani na mani wa n'wina angatsetseleli makwavu hi mbilu ya yena hinkwayu.”

Yohane 15:23

Lweyi anivengaka, avenga na Tatana wa mina.

Matewu 26:42

Kutani atlhela aya ka vumbirhi tlhelweni, akhongela aku: “Tatana wa mina, loko svingakoteki lesvaku ndzheko lowu wufambela kule na mina na ninganwelanga ka wona, akuyendliwe kurhandza ka wena!”

Matewu 16:17

Yesu ahlamula aku: “Ukatekile Simoni n'wana Yona, hikuva ahi munhu wa misava lweyi angakupfuletela svosvo, kambe i Tatana wa mina lweyi anga matilweni.

Nhlavutelo 2:27

kutani atamarisa hi nhonga ya nsimbi, amafayetela kukota timbita ta vumba,

Yohane 14:7

Loko mitiva mina, mitativa ni Tatana wa mina; kusukela svosvi, mamutiva, nasvona mimuvonile.”

Yohane 5:17

Kambe Yesu avabzela aku: “Kufika svosvi, Tatana wa mina angasitshika kutirha, kutani na mina, tani hi yena, natirha.”

Matewu 26:39

Kutani aya kulenyana, akhinsama, mombo wa yena wukhumba hansi ali karhi akhongela aku: “Tatana, loko svingakoteka, ndzheko lowu wungafambela kule na mina! Ntsena kungayendleki kurhandza ka mina, kambe akuyendleke kurhandza ka wena!”

Matewu 18:10

“Tivoneleni lesvaku mingatshuki michipisa ni mun'we wa lavatsongo lava; hikuva namibzela lesvaku tintsumi ta vona matilweni titshama nkarhi hinkwawu na tivona mombo wa Tatana wa mina lweyi anga matilweni. [

Matewu 18:19

Nasvona namibzela kambe, nili ka n'wina: Loko vambirhi xikarhi ka n'wina vatwanana laha misaveni ka mhaka yihi na yihi, kutani vayikombela hi kukhongela, vatanyikiwa yona hi Tatana wa mina lweyi anga matilweni.

Matewu 25:10

Vaku vahaya kuxaveni, muteki asala afika. Lava avatilungiselile, vanghena na yena nkhubzeni, kutani xipfalu xipfaliwa.