Matewu 7:15 - Testamente Leyimpsha Xichangana

¹⁵ Tivoneleni ka vaprofeta va mavunhwa lavataka ka n'wina na vayambalile svikhumba sva tinyempfu, kasi atimbilwini ta vona, i mahlolwa lawa malevaka.

BIBELE Mahungu Lamanene

¹⁵ “Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Xitsonga (Bibele)

¹⁵ “Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

Matewu 7:15 Referans Kwoze

1 Yohane 4:1

Varhandziwa, mingapfumeleni ka mimoya hinkwayu, kambe kambisisani mimoya kutiva lesvaku hakunene i ya Xikwembu; hikuva vaprofeta va mavunhwa vahangalakile misaveni.

Matewu 24:11

Kutahumelela vaprofeta va mavunhwa lavotala, vatakanganyisa vanhu lavanyingi.

Vakolosa 2:8

Tivoneleni lesvaku munhu angamiphasi hi tijondzo ta vutlhari, hi marito ya mavunhwa lawa mangapfuniki nchumu, lawa mahumaka ka mintolovelo ya vanhu ni ka mimoya leyifumaka misava leyi, kungali ka Kriste.

Nhlavutelo 19:20

Xivandzana xikhomiwa, kukhomiwa ni muprofeta wa mavunhwa lweyi aayendla masingita mahlweni ka xona hi masingita lawa, aaxisa lava avali ni mfungu wa xivandzana ni lava avagandzela xifaniso xa xona. Kutani xivandzana ni muprofeta wa mavunhwa vahoxiwa svin'we na vahahanya tiveni ra ndzilo lowupfurhaka na wuli ni xivavula.

Yuda 1:4

Hikuva vanhu van'wana vangungumelile vanghena xikarhi ka hina; kuyavanyisiwa ka vona kulungisiwe khale. I vanhu lavangaliki na mhaka ni vukhongeli; vahundzula timpsalu ta Xikwembu xa hina, vayendla sva manyala ha tona, nasvona valandzula Yesu Kriste, yena N'winyi wa hinkwasvu ni Hosi ya hina.

2 Petro 3:17

Hikolaho n'wina varhandziwa, lesvi mitivaka mhaka leyi hi nkama, tivoneleni, hikuva mingatshuka mihumile ndleleni hi kuxengiwa hi lavohomboloka, kutani milahlekeliwa hi kutiya ka n'wina.

Luka 6:26

“Mi ni khombo n'wina loko vanhu hinkwavu vamidzunisa, hikuva vatatana va vona vayendlisile svosvo ka vaprofeta va mavunhwa.”

2 Timotiya 3:13

nasvona vanhu lavobiha ni vakanganyisi vataya mahlweni vayengeteleka kubiha, na vali karhi vakanganyisa, na vona vakanganyisiwa.

2 Timotiya 4:3

Hikuva nkama wata, lowu vanhu vangatakala vangayamukeli jondzo leyinga yona ya ntiyiso; kambe lesvi tindleve ta vona tinwayisaka, vatatihlengeletela vajondzisi lavangatavajondzisa lesvi vasvitsakelaka.

Vafilipiya 3:2

Chavani timbzana, chavani vatirhi lavobiha, chavani kuyimba lokobiha

Vaefesa 4:14

Kutani ahingahavi vatsongwana lavatsekatsekisiwaka, nasvona ahingehepengwisiwi hi jondzo yokala yingali yona, hi kuxengiwa hi vanhu lavakanganyisaka van'wana ni kuvahambukisa hi maqhinga ya vona.

Vagalatiya 2:4

Mhaka yipfuxiwile hikolaho ka vanhu van'wana lavatiyendlaka vakriste, vangalava ngheneke xikarhi ka hina hi kukanganyisa, valava kuvona kutshunxeka loku hinga nakona ka Yesu Kriste; avalava kuhiyendla svikarawa;

Luka 12:15

Kutani aku ka vona: “Tlharihani mitivonela ka makwanga wahi ni wahi, hikuva vutomi bza munhu abzihumi ka svilo lesvi asvifuweke hambi loko svimutalele ngopfu.”

Nhlavutelo 16:13

Hi loko nivona mimoya yinharhu leyi ya chaka yofana ni makhele, na yihuma hi le non'weni wa dragona, ni le non'weni wa xivandzana, ni le non'weni wa muprofeta wa mavunhwa.

Vaefesa 5:6

Kungavi na munhu lweyi amikanganyisaka hi marito lamangapfuniki nchumu: Svijoho lesvi, hi svona lesviyendlaka lesvaku vukarhi bza Xikwembu bziwela vanhu lavangayingisiki.

Timhaka 13:40

Loko svilitano, tivoneleni lesvaku kungahumeleli lesvingavuliwa hi vaprofeta loko vaku:

Yohane 10:12

Lweyi atirhelaka male, angaliki mubzisi kumbe n'winyi wa tinyempfu, asiya tinyempfu atsutsuma loko avona hlolwa rita; kutani hlolwa ritikhoma ni kutihangalasa.

Matewu 16:11

Hikolaho ka yini mingatwisisi lesvaku aningavulavuli na n'wina hi ta svinkwa xana? Kambe hi lesvaku mitivonela ka comela ra Vafarisi ni ra Vasaduki xana?”

Matewu 16:6

Yesu aku ka vona: “Tlharihani, tivoneleni ka comela ra Vafarisi ni ra Vasaduki.”

Matewu 10:17

Tivoneleni, hikuva vanhu vataminyiketa atihubzeni, vamiba hi minkhavi masinagogeni ya vona.

Nhlavutelo 17:6

Kutani nivona wansati lweyi, aadakwisiwile hi ngati ya vahlawuliwa va Xikwembu ni ngati ya lavadlayiweke hi mhaka ya kulandza Yesu. Loko nimuvona, nihlamala ngopfu.

Timhaka 13:6

Kuteloko vatsemakanyile xihlale hinkwaxu vayafika Pafo, vayakuma mungoma mun'we wa muprofeta wa mavunhwa; vito ra yena avaku i Bariyesu;

Matewu 7:14

Kasi nyangwa lowuyisaka vuton'wini wukhumile svinene, ni ndlela leyi yiyaka kona yikamanile svinene, kutani lava vayikumaka avatalanga.

Nhlavutelo 20:10

Diyavulosi lweyi aavakanganyisa ahoxiwa tiveni ra ndzilo ni xivavula, laha xivandzana ni muprofeta wa mavunhwa vanga kona, kutani vataxanisiwa vusiku ni nhlekanhi hilaha kungaheliki.