Matewu 6:6 - Testamente Leyimpsha Xichangana

⁶ Kambe wena loko ukhongela, nghena ndlwini ya wena; kutaku loko upfalile xipfalu, khongela Tatana wa wena lweyi anga xihundleni, kutani Tatana wa wena lweyi avonaka xihundleni atakuhakela.

BIBELE Mahungu Lamanene

⁶ Kambe wena loko u khongela, nghena endlwini ya wena; kutaku loko u pfarile nyangwa, khongela Tata wena la nge xihundleni, kutani Tata wa wena la vonaka exihundleni ú ta ku hakela.

Xitsonga (Bibele)

⁶ Kambe wena, loko u khongela, nghena endlwini ya wena, kutakuloko u pfarile nyangwa, khongela Tata wa wena la nga exihundleni, kutani Tata wa wena la vonaka exihundleni u ta ku tlherisela erivaleni.

Matewu 6:6 Referans Kwoze

Matewu 14:23

Kuteloko asalisanile ni xitshungu lexiya, atlhantukela ntshaveni kuyakhongela ali yexe; kutani apeleliwa hi jambu na ahali kolaho.

Timhaka 9:40

Kambe Petrosi avahumesela handle hinkwavu; akhinsama hi matsolo, akhongela; kutani ahundzukula ka ntsumbu, aku: “Tabita, pfuka!” Kuteloko Tabita apfula mahlo, loko avona Petrosi, apfuka atshama.

Matewu 6:18

akuva ungavoneki ka vanhu lesvaku u le kutitsoneni ka svakuja, kambe utavoniwa hi Tatana wa wena lweyi anga kona xihundleni; kutani Tatana wa wena lweyi avonaka xihundleni, atakuhakela.

Timhaka 10:9

Siku leritlhantamaka, loko vahali ndleleni, na vali karhi vatshinelela doropa ra Yopa, Petrosi akhwela henhla ka lwangu hi nkarhi wa vuntlhanu na wun'we, ayakhongela.

Matewu 6:4

lesvaku kunyika ka wena kuyendleka xihundleni; kutani Tatana wa wena lweyi avonaka xihundleni, hi yena lweyi angatakuhakela.

Vaefesa 3:14

Hikolaho ka svosvo, nikhinsama hi matsolo mahlweni ka Tatana,

Varhoma 8:5

Hikuva lavahanyaka hi kuyingisa miri, va ni miyanakanyu leyifumiwaka hi sva miri lowu; kambe lavahanyaka hi kuyingisa Moya, va ni miyanakanyu leyifumiwaka hi sva Moya.

Timhaka 10:30

Hi loko Korneliyo ahlamula, aku: “Svosvi kuhundzile masiku manharhu, na nili karhi nikhongela ndlwini ya mina hi nkarhi wa vuntlhanu ni mune; kutani nivona munhu ayimile mahlweni ka mina, na ayambalile sva kuvangama,

Yohane 1:48

Nataniyeli aku ka yena: “Unitivele kwihi?” Yesu amuhlamula aku: “Loko Filipi angasikuvitana mina nikuvonile na uli hansi ka nkuwa.”

Yohane 20:17

Yesu aku ka yena: “Unganikhomi, hikuva anisitlhantukela ka Tatana; kambe yana ka vamakwerhu, uyavativisa lesvaku nitlhantukela ka Tatana wa mina, anga Tatana wa n'wina, ka Xikwembu xa mina, xinga Xikwembu xa n'wina.”