Matewu 6:4 - Testamente Leyimpsha Xichangana

⁴ lesvaku kunyika ka wena kuyendleka xihundleni; kutani Tatana wa wena lweyi avonaka xihundleni, hi yena lweyi angatakuhakela.

BIBELE Mahungu Lamanene

⁴ leswaku ku nyika ka wena ku endleriwa exihundleni; kutani Tata wa wena la vonaka exihundleni, hi yena la nga ta ku hakela.

Xitsonga (Bibele)

⁴ leswaku ku nyika ka wena ku va exihundleni; kutani Tata wa wena la vonaka exihundleni, u ta ku tlherisela emahlweni ka vanhu.

Matewu 6:4 Referans Kwoze

Matewu 6:18

akuva ungavoneki ka vanhu lesvaku u le kutitsoneni ka svakuja, kambe utavoniwa hi Tatana wa wena lweyi anga kona xihundleni; kutani Tatana wa wena lweyi avonaka xihundleni, atakuhakela.

Matewu 6:6

Kambe wena loko ukhongela, nghena ndlwini ya wena; kutaku loko upfalile xipfalu, khongela Tatana wa wena lweyi anga xihundleni, kutani Tatana wa wena lweyi avonaka xihundleni atakuhakela.

Luka 14:14

utakateka, hikuva ava na sva kukutlhelisela vakukhensa ha svona, kutani hi siku ra kupfuka ka lavolulama utatlheliseliwa svona.”

Luka 8:17

Hikuva aku na xilo lexifihliweke lexi xingatakala xingapaluxiwi, aku na xilo lexinga xihundleni lexi xingatakala xingativiwi ni kuhumela rivaleni.

Yuda 1:24

Eka yena lweyi anga ni matimba ya kumihlayisa lesvaku mingakhunguvanyeki miwa, ka yena lweyi akwetsimaka, lweyi akotaka kumiyimisa mahlweni ka yena na mingali na xivati, na mitsakile svinene kutwalisiweni ka yena.

Vaheveru 4:13

Emahlweni ka Xikwembu, kuhava xivumbiwa ni xin'we lexitumbeleke. Hinkwasvu sviyo tlandlala, rivaleni, mahlweni ka Lweyi hifanelaka kutihlamulela ka yena.

Matewu 10:42

Nitiyisile nili ka n'wina: Mani na mani lweyi anyikaka hambi wuli ndzheko wa mati yotitimela ka mun'we wa lavatsongo lava, hi kutiva lesvaku i mujondzisiwa wa mina, angakala angapfumali hakelo ya yena.

Nhlavutelo 2:23

Nitadlaya vana va yena, kutani tikereke hinkwatu titativa lesvaku hi mina lweyi akambisisaka miyanakanyu ni timbilu. Kutani nitayavanyisa mun'wana ni mun'wana hi kuya hi mintirho ya n'wina.

1 Vakorinto 4:5

Hikolaho mingayavanyiseleni nchumu makumu, na nkama wungasifika. Rindzelani Hosi yikondza yivuya; hi yona leyingatahumesela rivaleni svilo sva munyama lesvifihliweke, ni kupaluxa makungu ya timbilu ta vanhu; kutani hi kona mun'wana ni mun'wana angatakuma kudzunisiwa ka yena loku kuhumaka ka Xikwembu.

Matewu 6:3

Kambe wena, loko unyika svisiwana, voko ra wena ra ximantsi ringatshuki ritiva lesviyendliwaka hi le ra xinene,