Matewu 6:20 - Testamente Leyimpsha Xichangana

²⁰ Kambe tihlengeleteleni rifuwo tilweni, laha tinsumba ni kukurha svingajiki kona, ni laha makamba mangaboxiki kona mayiva.

BIBELE Mahungu Lamanene

²⁰ Kambe tihlengeleteleni xuma etilweni, laha tinsumba ni ku kurha swi nga dyiki kona, ni laha makhamba ma nga tshoviki kona ma yiva.

Xitsonga (Bibele)

²⁰ Kambe tihlengeleteleni xuma etilweni, laha tinsumba ni ku kurha swi nga dyiki kona, ni laha makhamba ma nga boxiki kona, ma nga yivi;

Matewu 6:20 Referans Kwoze

Luka 12:33

Xavisani lesvi misvifuweke, minyika svisiwana; tiyendleleni minkwama leyingahlakaliki ni rifuwo leringaheliki matilweni, laha muyivi angatshineliki kusuhi nakona, ni laha tinsumba tingawonhiki kona;

Matewu 19:21

Yesu aku ka yena: “Loko ulava kuva lweyi ahetisekeke, famba uyaxavisa rifuwo ra wena, unyika svisiwana, kutani utava ni xuma matilweni; hi kona ungatata unilandza.”

Yakobo 2:5

Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

1 Timotiya 6:19

Hi ndlela leyi vatihlengeletela xuma lexinene, lexitiyeke, xa minkama leyitaka, lesvaku vatayamukela vutomi bza ntiyiso.

Luka 18:22

Loko Yesu atwa svosvo, aku ka yena: “Wahapfumala xilo xin'we: Xavisa hinkwasvu lesvi unga na svona, uyavela svisiwana, hi kona ungatava ni rifuwo matilweni; kutani uta, unilandza.”

Nhlavutelo 2:9

Nitiva maxangu ya wena ni vusiwana bza wena (kambe u xipfundzi), nitiva ni kusandziwa ka wena hi lava vativulaka Vayuda, na vangali vona, kambe na vali va Sinagoga ya Sathana.

Vaheveru 11:26

Ayehleketile lesvaku kurhuketeliwa hikolaho ka Mesiya i rifuwo leritlulaka vukosi hinkwabzu bza Gibita, hikuva aalangutela hakelo leyi yahataka.

1 Timotiya 6:17

Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

1 Petro 1:4

ni lesvaku hinyikiwa ndzhaka leyingaboliki, leyinganyamisiwangiki, leyingavuniki. Mivekeliwile yona matilweni,

1 Petro 5:4

Kutani siku leri murisi lwenkulu angatahumelela, mitakuma hari leyo ya kudzuneka, leyingaliki na kuwonheka.

Vaheveru 10:34

Mikombile timpsalu ka lava vapfaleliweke jele; nasvona misvitekile hi moya wa kutsaka loko svilo sva n'wina sviphangiwa, hikuva amitiva lesvaku mi ni rifuwo leritlulaka svosvo, leringatava kona hilaha kungaheliki.

Matewu 6:19

Mingatihlengeleteleni rifuwo misaveni, laha tinsumba ni kukurha svijaka kona, ni laha makamba maboxaka kona, mayiva.

Marka 10:21

Kuteloko Yesu amulangutile, amurhandza, kutani aku ka yena: “Wahapfumala xilo xin'we ntsena; famba, uyaxavisa hinkwasvu lesvi unga na svona, unyika svisiwana, kutani utava ni rifuwo tilweni; ndzhaku ka lesvo, tana unilandza.”