Matewu 5:30 - Testamente Leyimpsha Xichangana

³⁰ Loko voko ra wena ra xinene rikujohisa, ritseme, uricukumeta kule na wena, hikuva svingayampsa loko xirho xin'we xa wena xilova, kutlula kuva miri wa wena hinkwawu wuya Tiheleni.

BIBELE Mahungu Lamanene

³⁰ Loko voko ra wena ra xinene ri ku dyohisa, ri tseme, u ri cukumeta kule na wena, hikuva swi nga antswa loko xirho xin'we xa wena xi lova, miri wa wena hinkwawo wu nga yi eTiheleni.

Xitsonga (Bibele)

³⁰ Loko voko ra wena ra xinene ri ku khunguvanyisa, ri tseme, u ri cukumeta ekule na wena, hikuva swi nga saseka eka wena loko xirho xa wena xi lova xi ri xin'we ntsena, miri wa wena hinkwawo wu nga cukumetiwi etiheleni.

Matewu 5:30 Referans Kwoze

Marka 9:43

Loko voko ra wena rikukhunguvanyisa, ritseme; svingayampsa loko unghena vuton'wini na uli xilima, kutlula kuya Tiheleni, ndzilweni lowungatimekiki, na uli ni mavoko mambirhi. [

Matewu 5:29

Hikolaho loko tihlo ra wena ra xinene rikujohisa, rixokole, uricukumeta kule na wena; hikuva svingayampsa loko xirho xin'we xa wena xilova, miri wa wena hinkwawu wungahoxiwi Tiheleni.

1 Petro 2:8

Nasvona, “I ribze leringatakhunguvanyisa vanhu, i ribze leringatavawisa.” Vakhunguvanyisiwa vawa, hikuva vayala kuyingisa Rito, hilaha svingabohiwa hakona khale, lesvaku vatayendla svona.

1 Vakorinto 8:13

Hikolaho, loko svakuja svikhunguvanyisa makwerhu, ningakala ningahaji nyama ni siku ni rin'we, lesvaku ningatshuki nivangela makwerhu kukhunguvanyeka.

Luka 17:2

Svingava svinene loko ribze ra kusila ringaboheleliwa nhan'wini ya yena ahoxiwa lwandle, handle ka kuva akhunguvanyisa mun'we wa lavatsongo.

Matewu 13:21

kambe anga na timintsu ndzeni ka yena, atiyisela nkarhinyana ntsena; kutani loko khombo kumbe kuxaniseka svihumelela hikolaho ka Rito, ahantla akhunguvanyeka.

Luka 12:5

Nitamikomba lweyi mifanelaka kuchava yena; chavani lweyi anga ni matimba yaku, ndzhaku ka kudlaya, anga ni matimba yolovisa munhu, amuhoxa Tiheleni. Ina, nili ka n'wina: Yena yelweyo, muchaveni!

Vagalatiya 5:11

Kambe loko mina nahajondzisa hi ta kuyimba, vamakwerhu, xana nahaxanisiwa hikolaho ka yini? Hikuva, loko svilitano, kujondzisa ka mina hi ta xihambanu akungatakwatisa munhu.

Varhoma 9:33

hilaha kutsaliweke hakona vaku: “Vona, niveka Siyoni ribze leri khunguvanyisaka vanhu, ni ribze leriwisaka; kambe lweyi apfumelaka ka yena lweyi anga ribze leri, angakala angakhomiwi hi tingana.”

Matewu 26:31

Kutani Yesu aku ka vona: Vusiku lebzi, n'wina hinkwenu mitabaleka minisiya noxe, hikuva kutsaliwile lesvaku: “‘Nitaba mubzisi, kutani tinyempfu ta ntlhambi titahangalaka.’”

Matewu 22:13

Hi loko hosi yiku ka svitirhi: ‘Muboheni milenge ni mavoko, mimucukumeta handle munyameni laha kungatava ni nkosi ni kuketsela ka matinyo.’”

Matewu 25:20

“Lweyi aanyikiwile titalanta ta ntlhanu, atisa tin'wana ta ntlhanu aku: ‘Hosi, uninyikile titalanta ta ntlhanu; vona, nitibindzulisile nikuma tin'wanyana ta ntlhanu.’”

Matewu 16:23

Hi loko yena ahundzukula, aku ka Petrosi: “Suka ka mina Sathana! U xikhunguvanyiso ka mina, hikuva awuyehleketi sva Xikwembu, uyehleketa sva vanhu ntsena.”

Matewu 11:6

Kutani kukatekile lweyi angatakala angakhunguvanyeki hikolaho ka mina.”

Matewu 5:22

“Kambe mina nili ka n'wina: Mani na mani lweyi akarhiyelaka makwavu, atafanela kuyavanyisiwa; lweyi ange ka makwavu: ‘U xiphukuphuku!’ Afanela kuyisiwa ka muyavanyisi; lweyi ange ka yena: ‘Xihunguki ndziwena!’ Afaneliwa hi ndzilo wa Tihele.”

Matewu 17:27

Kambe lesvaku hingavakhunguvanyisi, yana ativeni, uyaringela; kutani hlampfi leyorhanga leyi ungatayiphasa, yikhome, uyipfula nomo; utakuma xitatare kona; xiteke, uvanyika xona, uhumesela mina na wena.”

Matewu 18:8

Loko voko ra wena kumbe nenge wa wena svikukhunguvanyisa, svitseme, usvicukumeta kule na wena; hikuva svingayampsa loko unghena vuton'wini na uli xilima kumbe na ukhwita, kutlula kuhoxiwa ndzilweni lowungatimekiki na uli ni milenge yimbirhi kumbe mavoko mambirhi.