Matewu 28:9 - Testamente Leyimpsha Xichangana

⁹ Hi nomo-lo, Yesu avatlhangaveta, aku: “Avuxeni!” Vona vatshinelela vakhoma milenge ya yena vamukhinsamela.

BIBELE Mahungu Lamanene

⁹ Hi nomu lo Yesu a va hlanganisa, u ku: “Avuxeni!” Vona va tshinelela va khoma milenge ya yena va n'wi nkhinsamela.

Xitsonga (Bibele)

⁹ Va ko va ha ya va byela, va vona Yesu a va hlangaveta, a ku: “Avuxeni!” Kutani va tshinela, va khoma milenge ya yena, va n'wi khinsamela.

Matewu 28:9 Referans Kwoze

Matewu 28:17

Loko vamuvona, vakhinsama, kambe van'wana vakanakana.

Matewu 14:33

Kutani lava avali bzatswini vakhinsamela Yesu, vaku: “Hakunene, u N'wana wa Xikwembu.”

Yohane 20:28

Tomasi amuhlamula, aku: “Hosi yanga ni Xikwembu xanga!”

Luka 24:52

Kutani vona [loko vamukhinsamelile], vatlhelela Yerusalema na vali ni kutsaka lokukulu.

Yohane 12:3

Hi loko Mariya ateka xikutsu xa mafurha lawa yonun'hwela yodura ngopfu lamayendliweke hi nsinya wa narda leyinene, atota milenge ya Yesu, kutani amusula milenge hi misisi ya yena, yindlo hinkwayu yitala hi kunun'hwela ka mafurha yakona.

Luka 7:38

Kutani ata hi le ndzhaku ka Yesu, akhinsama ali karhi arila, atsakamisa ni milenge ya Yesu hi minhloti, ayisula hi misisi ya yena, amun'qunta; ndzhaku ka svosvo ayitota hi mafurha yotola lawa yonun'hwela.

Nhlavutelo 3:9

Vona, loko vali va ntlawa wa ka Sathana, vahembi lavativulaka Vayuda kuve ahi vona, nitayendla lesvaku vata, vatakhinsama mahlweni ka wena vakugandzela; vatativa lesvaku nikurhandzile.

2 Vakorinto 13:11

Svosvi-ke, vamakwerhu, nili: Salani! Vanani lavahetisekeke; yamukelani kuchaveleliwa; miva ni kuyanakanya kun'we; mihanya hi kurhula; kutani Xikwembu xa rirhandzu ni xa kurhula xitava na n'wina.

Yohane 20:19

Nimajambu ya siku lero ra Sonto, svipfalu sva laha vajondzisiwa avahlengeletanile kona asvipfaliwile, hikolaho ka kuchava Vayuda. Yesu afika, ayima xikarhi ka vona, kutani aku ka vona: “Kurhula akuve na n'wina!”

Luka 1:28

Ntsumi yifika yiku ka yena: “Xeweni, wena lweyi angakuma timpsalu, Hosi yina wena.”

Matewu 23:7

vatsakela kuxewetiwa hi vajondzi mintsendzeleni, ni kuvitaniwa hi vanhu vaku: ‘Mujondzisi.’

Matewu 28:8

Vavasati vasuka sirheni hi kuchava ni kutsaka lokukulu, vatsutsuma vayativisa vajondzisiwa va yena.

Matewu 28:10

Hi loko Yesu aku ka vona: “Mingachaveni, fambani miyabzela vamakwerhu lesvaku vaya Galileya; vatanivona kona.”