Matewu 26:13 - Testamente Leyimpsha Xichangana

¹³ Nitiyisile nili ka n'wina: Misaveni hinkwayu laha Evhangeli leyi yingatapaluxixa kona, lesvi asviyendleke svitavuliwa na svona, ayanakanyiwa ha svona.”

BIBELE Mahungu Lamanene

¹³ Ndzi tiyisile ndzi ri ka n'wina: Emisaveni hinkwayo laha Evhangeli leyi yi nga ta twarisiwa kona, leswi a swi endleke swi ta vuriwa na swona, a anakanyiwa ha swona.”

Xitsonga (Bibele)

¹³ Ndzi vurisile ndzi ri eka n'wina: Hinkwako la emisaveni laha Evhangeli leyi yi nga ta vuriwa kona, lexi a xi endleke xi ta vuriwa, na xona, leswaku a anakanyiwa ha xona.”

Matewu 26:13 Referans Kwoze

Marka 14:9

Nitiyisile nili ka n'wina: Misaveni hinkwayu laha Evhangeli leyi yingatatwalisiwa kona, lesvi angasviyendla svitavuliwa na svona, ayanakanyiwa ha svona.”

Matewu 24:14

Kutani Evhangeli leyi ya Mfumu yitachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

Nhlavutelo 14:6

Kutani nivona ntsumi yin'wana na yili karhi yihaha hi le xikarhi ka tilo, na yili ni Evhangeli leyingaheliki, lesvaku yitayipaluxa ka lava vayakeke misaveni, ka vanhu va matiko hinkwawu, ni va tinxaka hinkwatu, ni va tindzimi hinkwatu, ni va svib'ongo hinkwasvu.

1 Timotiya 2:6

lweyi atinyiketeke kuva muponisi wa vanhu hinkwavu; hi bzona vumboni bza makungu ya Xikwembu, lebzingahumelela hi nkama lowufanekelaka.

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Vakolosa 1:6

leyifikeke ka n'wina kukota lesvi yifikeke matikweni hinkwawu; yikarhi yiveka mihandzu ni kukula, kukota lesvi yiyendlisaka xisvona ka n'wina, kusukela siku leri mitweke ni kutwisisa timpsalu ta Xikwembu hi ntiyiso wa tona.

2 Vakorinto 10:18

Hikuva lweyi adzunisiwaka, ahi yena lweyi ativonaka ali lwenkulu, kambe hi yena lweyi Hosi yimuvonaka ali lwenkulu.

Varhoma 15:19

hi matimba ya mahlori ni svihlamaliso, ni matimba ya Moya; hi ndlela yoleyo, nihaxile Evhangeli ya Kriste matlhelweni hinkwawu, kusukela le Yerusalema, kuyafika le Ilirika;

Varhoma 10:18

Kambe navutisa nili: Xana vangava vangaritwanga ke? Hakunene varitwile, hikuva: “mpfumawulu wa marito ya vona wutwakele misaveni hinkwayu, ni marito ya vona mafikile makun'wini ya misava.”

Luka 24:47

Kutani, hi vito ra yena, timhaka ta kuhundzuka ni ta kurivaleliwa svijoho titapaluxiwa matikweni hinkwawu, kusungula hilaha Yerusalema.’

Marka 16:15

Kutani aku ka vona: “Fambani misaveni hinkwayu, miyahuwelela Evhangeli ka svivumbiwa hinkwasvu.

Marka 13:10

Kambe Evhangeli yifanele kurhanga yitwalisiwa matikweni hinkwawu.

Matewu 28:19

hi kolaho, fambani ka tinxaka hinkwatu, mivayendla vajondzisiwa va mina, mivakhuvula hi vito ra Tatana, ni ra N'wana, ni ra Moya Lowokwetsima,

Timhaka 10:4

Loko ayilangutisile svinene, akhomiwa hi kuchava, kutani aku: “I mpsini, Hosi?” Yiku ka yena: “Mikhongelo ya wena ni tinyiko ta wena sviyamukeliwile ka Xikwembu, kutani xikutsundzukile.