Matewu 24:45 - Testamente Leyimpsha Xichangana

⁴⁵ Xana i mani mutirhi lweyi atshembekeke, ni kutlhariha, lweyi n'winyi wa yena amuvekeke kuhlayisa vatirhikulobze va munti, avaphamela svakuja hi nkarhi wakona?

BIBELE Mahungu Lamanene

⁴⁵ “Xana nandza la tshembekaka, wo tlhariha, hi wihi xana? Hi loyi n'wini wa yena a n'wi vekeke ku hlayisa malandza laman'wana la mutini, a ma phamela swakudya hi nkarhi wa kona.

Xitsonga (Bibele)

⁴⁵ “Xana i mani nandza lonene, wo tlhariha, loyi Hosi ya yena yi n'wi vekeke mulanguteri wa malandza ya yona ku va nyika swakudya enkarhini wa swona?

Matewu 24:45 Referans Kwoze

Matewu 25:21

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa lesvotala; nghena kutsakeni ka hosi ya wena.’”

Matewu 25:23

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa svilo lesvotala; nghena kutsakeni ka hosi ya wena.’”

Vaheveru 3:5

Kutani-ke, Moxe aatshembekile ndlwini hinkwayu ya Xikwembu tani hi nandza, lesvaku aveka vumboni bza svilo lesvi asvahatavuliwa masikwini lawa mataka.

2 Timotiya 2:2

Kutani lesvi usvitweke ka mina mahlweni ka timboni letotala, svihundzisele ka vanhu lavotshembeka, lava na vona vangatakota kujondzisa van'wana.

1 Timotiya 1:12

Nikhensa lweyi aninyikeke matimba yotirha ntirho lowu, Hosi ya hina, Kriste Yesu; hikuva anivonile na nili lweyi atshembekeke, hi kuniveka ntirhweni wa yena,

Nhlavutelo 2:13

Nitiva laha uyakeke kona, laha xiluvelo xa Sathana xinga kona, ukhome svitiya vitweni ra mina, nasvona awulandzulanga kupfumela ka wena ka mina, hambi masikwini ya kudlayiwa ka Antipasi, mboni ya mina leyotshembeka leyidlayiweke xikarhi ka n'wina, laha Sathana ayakeke kona.

Timhaka 20:28

Tilanguteleni ke, milangutela ni kereke hinkwayu leyi Moya Wokwetsima wungamiveka kuva vabixopo va yona; risani Kereke ya Xikwembu, leyi xingatikumela yona hi rifu ra N'wana wa xona wa xiviri.

Luka 19:17

Hosi yiku ka yena: ‘Hi svona, mutirhi lwenene; lesvi utshembekeke mhakeni leyitsongo ngopfu, utafuma madoropa ya khume.’

Matewu 13:52

Aku ka vona: “Hilaha ninge: Mutsali mun'wana ni mun'wana lweyi ajondzisiweke hi ta Mfumu wa matilo, afana ni n'winyi wa yindlo lweyi ahumesaka vuhosini bza yena svilo lesvimpsha ni lesvi sva khale.”

Matewu 10:16

Vonani, nimirhuma na mifana ni tinyempfu xikarhi ka mahlolwa; hi kolaho ke tlharihani kufana ni tinyoka, miva lavorhula kufana ni svituvana.

Matewu 25:2

Lava va ntlhanu ka vona avali lavorivala, lavan'wana va ntlhanu avatlharihile.

Matewu 7:24

Hikolaho-ke, mani na mani lweyi ayingisaka marito ya mina lawa, ava afamba ha wona, atafana ni wanuna lweyi wotlhariha lweyi ayakeke yindlo ya yena ribzeni.

Matewu 24:46

Kukatekile mutirhi lweyi angatakumiwa na ayendlisa xisvosvo, siku leri n'winyi wa yena angatavuya ha rona.