Matewu 17:27 - Testamente Leyimpsha Xichangana

²⁷ Kambe lesvaku hingavakhunguvanyisi, yana ativeni, uyaringela; kutani hlampfi leyorhanga leyi ungatayiphasa, yikhome, uyipfula nomo; utakuma xitatare kona; xiteke, uvanyika xona, uhumesela mina na wena.”

BIBELE Mahungu Lamanene

²⁷ Kambe ku endlela leswaku hi nga va khunguvanyisi, yana elwandle, u ya ringela; kutani nhlampfi leyo rhanga leyi u nga ta yi phasa, yi khome, u yi ahlamisa nomo; u ta kuma mali kona; yi teke, u va nyika yona, u humesela mina na wena.”

Xitsonga (Bibele)

²⁷ Kambe hileswaku hi nga va khunguvanyisi, yana e lwandle, u ya hoxa xinjovo kona, kutani u ta khoma nhlampfi leyi nga ta rhanga yi papama; kutakuloko u yi ahlamise nomu, u ta kuma statera kona, u yi teka u va nyika yona, u humesela mina na wena.”

Matewu 17:27 Referans Kwoze

2 Vakorinto 6:3

Ahiveki xikhunguvanyiso ni xin'we ndleleni ya munhu ni mun'we, lesvaku ntirho wa hina wutakala wungasandziwi.

2 Vakorinto 8:9

Matitiva timpsalu ta Hosi ya hina Yesu Kriste: Aafuwile, hambi svilitano ahundzukile xisiwana hikolaho ka n'wina, lesvaku miyendliwa vafuwi hi vusiwana bza yena.

1 Vakorinto 8:9

Kambe tivoneleni lesvaku vutshunxeki bza n'wina lebzi, bzingahundzuki xikhunguvanyiso ka lava vanga ni gome.

1 Vakorinto 8:13

Hikolaho, loko svakuja svikhunguvanyisa makwerhu, ningakala ningahaji nyama ni siku ni rin'we, lesvaku ningatshuki nivangela makwerhu kukhunguvanyeka.

Varhoma 14:21

Svisasekile loko ungaji nyama kumbe unganwi vhinyu, ni loko utitsona xilo xihi ni xihi lexingakhunguvanyisaka makwenu.

Yakobo 2:5

Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

1 Vatesalonika 5:22

Hambanani ni hinkwasvu lesvobiha sva tinxakaxaka.

Yohane 6:61

Kambe Yesu aasvitiva hi le mbilwini lesvaku vajondzisiwa va yena vangurangura hi mhaka leyi, kutani aku ka vona: “Xana mhaka leyi yamukhunguvanyisa ke?

Matewu 5:29

Hikolaho loko tihlo ra wena ra xinene rikujohisa, rixokole, uricukumeta kule na wena; hikuva svingayampsa loko xirho xin'we xa wena xilova, miri wa wena hinkwawu wungahoxiwi Tiheleni.

Matewu 5:30

Loko voko ra wena ra xinene rikujohisa, ritseme, uricukumeta kule na wena, hikuva svingayampsa loko xirho xin'we xa wena xilova, kutlula kuva miri wa wena hinkwawu wuya Tiheleni.

Matewu 17:26

Petrosi aku ka yena: “Ka vanhu va le handle.” Yesu aku ka yena: “Loko svilitano, vana va tona avarhesi.

Matewu 18:6

“Kambe lweyi angatayendla lesvaku mun'we wa lavatsongo lava vapfumelaka ka mina, akhunguvanyeka asvitayampsa loko aboheleliwa ribze ra kusilela ka rona nhan'wini, ahoxiwa xiziveni xa lwandle.

Matewu 18:8

Loko voko ra wena kumbe nenge wa wena svikukhunguvanyisa, svitseme, usvicukumeta kule na wena; hikuva svingayampsa loko unghena vuton'wini na uli xilima kumbe na ukhwita, kutlula kuhoxiwa ndzilweni lowungatimekiki na uli ni milenge yimbirhi kumbe mavoko mambirhi.

Marka 9:42

“Lweyi akhunguvanyisaka mun'we wa lavatsongo lavapfumelaka ka mina, svingayampsa loko aboheleliwa ribze ra kusilela ka rona nhan'wini, ahoxiwa lwandle.

Marka 9:43

Loko voko ra wena rikukhunguvanyisa, ritseme; svingayampsa loko unghena vuton'wini na uli xilima, kutlula kuya Tiheleni, ndzilweni lowungatimekiki, na uli ni mavoko mambirhi. [

Luka 17:2

Svingava svinene loko ribze ra kusila ringaboheleliwa nhan'wini ya yena ahoxiwa lwandle, handle ka kuva akhunguvanyisa mun'we wa lavatsongo.