Matewu 17:20 - Testamente Leyimpsha Xichangana

²⁰ Aku ka vona: “Hikolaho ka kupfumela kutsongo ka n'wina. Nitiyisile nili ka n'wina: Loko mili ni kupfumela loku kuringanaka ni ndzoho ya sinapi, mingaku ka ntshava leyi: ‘Suka laha uya lahaya!’ Kutani yitarhurha; kuhava lexi xingatamitsandza.

BIBELE Mahungu Lamanene

²⁰ A ku ka vona: “Hikwalaho ka ku tsana ka ku pfumela ka n'wina. Ndzi tiyisile ndzi ri ka n'wina: Loko mi ri ni ku pfumela loku ringanaka ni ndzhoho ya murhi wa sinapi, mi nga ku ka ntshava leyi: ‘Rhurhela lahaya!’ kutani yi ta rhurha, ku ri hava lexi xi mi tsandzaka. [

Xitsonga (Bibele)

²⁰ Yesu a ku eka vona: “Hikwalaho ka ku tsana ka vupfumeri bya n'wina. Hikuva ndzi vurisile ndzi ri eka n'wina: Loko ngi mi ri ni ku pfumela loku kotisaka nhlampfu ya sinapi, hambi mi nga ku eka ntshava leyi: Rhurhela lahaya, yi nga ya kona; ku nga ha ri na nchumu lexi mi tsandzaka.

Matewu 17:20 Referans Kwoze

Luka 17:6

Hosi yiku: “Loko mili ni kupfumela loku kuringanaka ni ndzoho ya sinapi, amitaku ka nsinya wa svintimana: mora lowu: ‘Tisimule, uyatisimeka lwandle!’ Kutani awutamiyingisa.

Marka 11:23

Nitiyisile nili ka n'wina: Loko munhu aku ka ntshava leyi: ‘Suka, uyatihoxa lwandle’ na angakanakani mbilwini ya yena, kambe apfumela lesvaku lesvi asvivulaka svitayendleka, atayendleliwa svona.

Luka 18:27

Yesu aku: “Lesvi tsandzaka vanhu asvitsandzi Xikwembu.”

Luka 1:37

hikuva aku na xilo ni xin'we lexihlulaka Xikwembu.”

Matewu 21:21

Yesu avahlamula aku: “Nitiyisile nili ka n'wina: Loko mili ni kupfumela mingakanakani, amingayendli ntsena lesviyendliweke ka nkuwa lowu, kambe ni loko miku ka ntshava leyi: ‘Suka, uyatihoxa lwandle!’ Svitayendleka;

Marka 9:23

Yesu aku ka yena: “Uli, ‘loko usvikota’? Hinkwasvu svakoteka ka lweyi apfumelaka.”

1 Vakorinto 13:2

Ni loko kumbe nili ni nyiko ya kuprofeta, nili ni kutwisisa svihundla hinkwasvu ni vutivi hinkwabzu, ni loko nili ni kupfumela hinkwaku, nikondza nikunula tintshava, kambe ningali na rirhandzu, ani nchumu.

Matewu 13:31

Avavekela xifaniso xin'wana, aku: “Mfumu wa matilo wufana ni mbewu ya nsinapi leyi munhu angayiteka, ayayibzala nsin'wini ya yena.

Yohane 11:40

Yesu aku ka yena: “Xana anikubzelanga lesvaku loko upfumela, utavona kukwetsima ka Xikwembu ke?”

Marka 4:31

Wufana ni mbewu ya nsinapi leyi yinga yona leyitsongo ka timbewu hinkwatu ta misava loko yibzaliwa.

Vaheveru 3:19

Hikolaho, hasvivona lesvaku vatsandzekile kunghena kuwiseni, hi mhaka ya kukala kupfumela.

Matewu 17:17

Yesu ahlamula, aku: “Ha! Rixaka leringapfumeliki, lerohomboloka, nitava na n'wina kufika rini xana? Nitamixanisekela kufika kwihi ke? Mutiseni halenu.”

1 Vakorinto 12:9

mun'wana anyikiwa kupfumela hi Moya lowu, mun'wana kambe akuma nyiko ya kuhanyisa vanhu hi Moya wo wa wun'we;

Matewu 17:9

Loko vahaxika hi le ntshaveni, Yesu avalerisa aku: “Mingatshukeni mibzela vanhu lesvi misvivoneke, kukondza N'wana-wa-Munhu atava apfukile kufeni.”

Matewu 8:26

Aku ka vona: “Hikolaho ka yini mili ni vutoya ke, n'wina vanhu vakupfumela lokutsongo?” Hi loko ayima, atshinya mheho ni tiva, kutani kurhula lokukulu kuva kona.

Matewu 17:19

Kutani vajondzisiwa vata ka Yesu hi tlhelo, vaku ka yena: “Xana hina hitsandzekile ha yini kurihlongola ke?”

Marka 11:22

Yesu avahlamula, aku: “Vanani ni kupfumela ka Xikwembu!

Matewu 14:29

Yesu aku ka yena: “Tana!” Kutani Petrosi ahuma bzatsweni, afamba henhla ka mati, aya ka Yesu.