Matewu 17:18 - Testamente Leyimpsha Xichangana

¹⁸ Hi loko Yesu akhahla dimoni, kutani dimoni rihuma ka lweyi wajaha; kusukela nkarhi wolowo jaha leriya riva rihanyile.

BIBELE Mahungu Lamanene

¹⁸ Kavaloko Yesu a tshinya demona, kutani demona ri huma eka n'wana; ku sukela nkarhi wolowo n'wana loyi a va a hanyile.

Xitsonga (Bibele)

¹⁸ Kutani Yesu a holovela ngopfu e rihuhu, kutani ri huma eka n'wana yeloyi, a hanya hi nkarhi wolowo.

Matewu 17:18 Referans Kwoze

Matewu 9:22

Yesu ahundzukula, kutani loko amuvona, aku ka yena: “Tiyisa mbilu n'wananga, kupfumela ka wena kukuhanyisile.” Kusukela nkarhini wolowo, wansati lweyi ava ntomi.

Timhaka 16:18

Ahamba ayendlisa svosvo hi masiku lawa manyingi kufika laha Pawulo akarhatekeke svinene, kutani ahundzukula, aku ka moya: “Hi vito ra Yesu Kriste nakubzela nili: Huma ka nhwanyana lweyi!” Kutani hi nomo-lo moya wuhuma.

Luka 9:42

Loko n'wana ahatshinela, dimoni rimutlatlalata, rimurhurhumelisa, kambe Yesu atshinya moya lowu wa chaka, ahanyisa n'wana, amuyisa ka tatana wa yena.

Luka 8:29

Aavula svosvo hikuva Yesu aalerisile moya lo wa chaka kuhuma ka munhu yelweyo; moya wakona awutolovela kumukhoma, kutani avamuboha mavoko ni milenge hi machini vamulavelela, kambe yena atsema tinsimbi toleto, ayisiwa mananga hi moya lowa chaka.

Marka 5:8

(Aavula svosvo, hikuva Yesu aate ka yena: “Huma ka munhu lweyi, we moya wa chaka!”)

Marka 1:34

Kutani ahanyisa vanhu lavotala, lava avavabza hi mavabzi ya tinxakaxaka, ahlongola ni madimoni layotala. Ntsena yena aangapfumeleli madimoni lawa lesvaku mavulavula, hikuva amamutiva.

Matewu 15:28

Kolaho Yesu ahlamula, aku ka yena: “Wansati, kupfumela ka wena i kukulu; akuyendliwe hilaha ukombelaka hakona!” Kutani n'wana wa yena ahanyisiwa hi nkama wolowo.

Matewu 12:22

Hi loko vatisa munhu lweyi aali ni dimoni; wa xifamahlo, nasvona ali mbheveve. Yesu amuhanyisa, kutani lweyi wa mbheveve avulavula, nasvona atlhela avona.

Luka 4:41

Na wona madimoni mahuma ka lava votala, mahuwelela maku: “Wena u N'wana wa Xikwembu.” Kambe Yesu amatshinya, angama pfumeleli kuvulavula, hikuva amativa lesvaku hi yena Kriste.

Matewu 17:17

Yesu ahlamula, aku: “Ha! Rixaka leringapfumeliki, lerohomboloka, nitava na n'wina kufika rini xana? Nitamixanisekela kufika kwihi ke? Mutiseni halenu.”

Matewu 17:19

Kutani vajondzisiwa vata ka Yesu hi tlhelo, vaku ka yena: “Xana hina hitsandzekile ha yini kurihlongola ke?”