Marka 8:35 - Testamente Leyimpsha Xichangana

³⁵ Lweyi arhandzaka kutihlayisela vutomi bza yena atalahlekeliwa hi bzona; kambe lweyi alahlekeliwaka hi vutomi bza yena hikolaho ka mina ni hikolaho ka Evhangeli, atabziponisa.

BIBELE Mahungu Lamanene

³⁵ La rhandzaka ku tihlayisela vutomi bya yena, ú ta lahlekeriwa ha byona; kambe la lahlekeriwaka hi vutomi bya yena hikwalaho ka mina ni hikwalaho ka Evhangeli, ú ta byi ponisa.

Xitsonga (Bibele)

³⁵ Hikuva la rhandzaka ku hlayisa vutomi bya yena, u ta lahlekeriwa ha byona; kambe la lahlekeriwaka hi vutomi bya yena hikwalaho ka mina ni Evhangeli, u ta byi hlayisa.

Marka 8:35 Referans Kwoze

1 Vakorinto 9:23

Niyendla hinkwasvu lesvi hikolaho ka Mahungu Lamanene, lesvaku nikota kuyaveliwa minkateko ya wona.

2 Timotiya 1:8

Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

Luka 17:33

Mani na mani lweyi angatalava kutihlayisela vutomi bza yena, atalahlekeliwa hi bzona; kambe mani na mani lweyi alahlekeliwaka hi vutomi bza yena, atabziponisa.

Matewu 16:25

hikuva lweyi arhandzaka kutihlayisela vutomi bza yena, atalahlekeliwa hi bzona; kambe lweyi alahlekeliwaka hi vutomi bza yena hikolaho ka mina, atatlhela abzikuma.

Matewu 19:29

Kutani mani na mani lweyi atshikeke tiyindlo ta yena, kumbe vamakwavu vaxinuna ni vaxisati, kumbe tatana wa yena, kumbe mamana wa yena, kumbe nsati, kumbe vana, kumbe masimu, hikolaho ka vito ra mina, atanyikiwa svona ka dzana (100), atlhela aja ndzhaka ya vutomi lebzingaheliki.

Matewu 10:39

Lweyi alavaka kutihlayisela vutomi bza yena, atalahlekeliwa hi bzona; kambe lweyi alahlekeliwaka hi vutomi bza yena hikolaho ka mina, atabzikuma.

2 Vakorinto 12:10

Hikolaho niyamukela hi kutsaka kutsana, ni maxangu, ni kukarhateka, ni kuxanisiwa, ni mahlomulu, hikolaho ka Kriste; hikuva loko nitsanile, hi kona ninga ni matimba.

Timhaka 9:16

nasvona mina nitamukomba hinkwasvu lesvi afanelaka kuvaviseka ha svona, hikolaho ka vito ra mina.”

Luka 9:24

Hikuva lweyi arhandzaka kutihlayisela vutomi bza yena, atalahlekeliwa hi bzona, kambe lweyi alahlekeliwaka hi vutomi bza yena hikolaho ka mina, atabziponisa.

Nhlavutelo 12:11

Vamakwerhu vamuhlulile hi ngati ya Xinyempfana, ni vumboni lebzi vabzihumeseke, kutani avarhandzanga vutomi bza vona kuyafika kufeni.

Matewu 10:22

Mitavengiwa hi vanhu hinkwavu hikolaho ka vito ra mina; kambe lweyi angatatiyisela kufika makumu, hi yena lweyi angataponisiwa.

Nhlavutelo 2:10

Ungachavi lesvinga kusuhi ni kukutwisa kuvava. Vona, Diyavulosi alava kuhoxa van'wana va n'wina jele, lesvaku mitaringiwa, kutani mitava ni kuxaniseka loku kungataheta khume ra masiku. Vana lweyi atshembekaka kufika kufeni, kutani mina nitakunyika hari ya vutomi.

Timhaka 21:13

Kambe Pawulo ahlamula, aku: “Xana miyendla yini loko mirila hi mukhuva lowu niku nitlhava mbilu ke? Kasi mina anitilungiselanga kubohiwa ntsena, kambe ni tilungisele ni kuyafela vito ra Hosi Yesu Yerusalema.”

Nhlavutelo 7:14

Niku ka yena: “Svotiviwa hi wena, Hosi yanga.” Hi loko aku ka mina: “Lava, hi lava vataka hi le kuxanisekeni lokukulu; vahlampseke sviyambalu sva vona, vasvibasisa sviva ni muhlovo wa ku svibasa hi ngati ya Xinyempfana.”

Vaheveru 11:35

Vavasati vatlhele vayamukela vafi va vona lavapfuxiweke kufeni. Van'wana vaxanisiwile ngopfu mirini, kambe vayala kutshunxiwa, lesvaku vatapfukela vuton'wini lebzinene.

Timhaka 20:24

Hambi svilitano, nivona lesvaku kulahlekeliwa hi vutomi, asvi na mhaka nikutsongo ka mina, loko ningakota ntsena kuheta lesvi ningarhumiwa kuyendla svona, ni ntirho lowu niwuyamukeleke ka Hosi Yesu, wa kuvula Evhangeli ya timpsalu ta Xikwembu.

Marka 8:36

Hikolaho, loko munhu akota kufuwa misava hinkwayu, kambe alahlekeliwa hi vutomi bza yena svingamupfuna yini ke?