Marka 1:7 - Testamente Leyimpsha Xichangana

⁷ Aapaluxa mahungu lawa mange: “Wata mun'wana ndzhaku ka mina, lweyi anitlulaka hi matimba, lweyi svinganifaneliki kukorhama ni tlhantlha tingoti ta masandhazi ya yena.

BIBELE Mahungu Lamanene

⁷ A a twarisa mahungu lama nge: “Wa ta un'wana endzhaku ka mina, loyi a ndzi tlulaka hi matimba, loyi swi nga ndzi fanelangiki ku korhama ndzi ntshunxa ngoti ya tintanghu ta yena.

Xitsonga (Bibele)

⁷ A a dyondzisa, a ku: “Wa ta un'wana, endzhaku ka mina loyi a ndzi tlulaka hi matimba, loyi ndzi nga faneriki ku korhama emahlweni ka yena, ndzi tshunxa tinghole ta tintanghu ta yena.

Marka 1:7 Referans Kwoze

Timhaka 13:25

Kutani loko Yohani alava kuheta ntirho wa yena, ate: Xana mipimisa lesvaku ni mani ke? Aniyena lweyi mimulangutelaka; kambe vonani, wata ndzhaku ka mina lweyi svinganifanelangiki kumuhlivila masandhazi.

Yohane 1:27

Lweyi hi yena lweyi ata ka hi le ndzhaku ka mina, lweyi hambi mina svinganifaneliki kutlhantlha tingoti ta masandhazi ya yena.

Luka 3:16

Yohani avahlamula hinkwavu, aku: “Loko nili mina, nimikhuvula hi mati, kambe wata lweyi anitlulaka hi matimba, lweyi svinganifaneliki kutlhantlha tingoti ta masandhazi ya yena; yena atamikhuvula hi Moya Lowokwetsima ni ndzilo.

Matewu 3:11

Loko nili mina, nimikhuvula hi mati hi kuya hi kuhundzuka ka n'wina, kambe lweyi ataka hi le ndzhaku ka mina, wanitlula hi matimba; asvinifaneli kutamela amasandhazi ya yena, hi yena lweyi angatamikhuvula hi Moya Lowokwetsima ni ndzilo.

Matewu 3:14

Kambe Yohani ayala aku: “Hi mina lweyi nifanelaka kukhuvuliwa hi wena, kambe wena uta ka mina!”

Marka 1:6

Yohani aayambala sviyambalu svolukiwa hi voya bza kamela, atikhama hi bandi ra xikhumba, aja tintete ni vulombe bza nhova.

Marka 1:8

Mina ha noxe ni mikhuvulile hi mati, kambe yena atamikhuvula hi Moya Lowokwetsima.”

Timhaka 19:4

Kutani Pawulo aku: “Hi nkhuvulo wa yena, Yohani akhuvulile lava avahundzukile; aabzela vanhu kupfumela ka lweyi aatata ndzhaku ka yena, hi lesvaku yena Yesu.”