Luka 6:27 - Testamente Leyimpsha Xichangana

²⁷ “Kambe ka n'wina lava miniyingisaka nili: Rhandzani valala va n'wina, miyendla lesvinene ka lava vamivengaka.

BIBELE Mahungu Lamanene

²⁷ “Kambe eka n'wina lava mi ndzi yingisaka ndzi ri: Rhandzani valala va n'wina, mi endla leswinene eka lava va mi vengaka.

Xitsonga (Bibele)

²⁷ “Kambe ndzi ri eka n'wina lava ndzi yingisaka: Rhandzani valala va n'wina, mi endla swinene eka lava mi vengaka.

Luka 6:27 Referans Kwoze

1 Vatesalonika 5:15

Vonani lesvaku kungavi ni lweyi atlheliselaka svobiha hi lesvobiha; kambe hi masiku hinkwawu, ringetani kuyendlelana lesvinene, misviyendla ni le ka hinkwavu.

Luka 6:35

Kambe n'wina, rhandzani valala va n'wina, miyendlela vanhu lesvinene; lombani mingalanguteli kutlheliseliwa, kutani hakelo ya n'wina yitava leyikulu; mitava vana va Lweyi anga henhlahenhla, hikuva yena anitimpsalu ka lavangativiki kukhensa ni ka lavobiha.

Vagalatiya 6:10

Hikolaho, minkama hinkwayu loko svikoteka, ahiyendleleni vanhu hinkwavu lesvinene, ngopfungopfu va njangu wa lavapfumeleke.

Marka 4:24

Yesu atlhela avabzela lesvi: “Yingisani svinene lesvi misvitwaka. Mpimo lowu mipimelaka van'wana ha wona, na n'wina, mitapimeliwa ha wona, ni kutlula kolaho.

Timhaka 10:38

mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.

Timhaka 7:60

Kutani akhinsama, ahuwelela hi rito rotlakuka, aku: “Hosi, ungavahlayeli kujoha loku.” Kuteloko ahlayile svosvo, afa.

Luka 23:34

[Kutani Yesu aku: “Tatana, varivalele, hikuva avasvitivi lesvi vasviyendlaka.”] Kutani vayavelana sviyambalu sva yena hi kuhlahluva.

Luka 8:18

Hikolaho, tivoneleni, mihlayisa lesvi misvitwaka. Lweyi anga ni xanchumu, atanyikiwa svin'wana, kasi lweyi angaliki na nchumu, atatekeliwa ni lexi ayehleketaka lesvaku a na xona.”

Luka 8:15

Kambe mbewu leyingawela misaveni leyinene, i vanhu lavayingisaka Rito hi timbilu letolulama, letinene, varihlayisa, vaveka mihandzu hi kutiyisela.

Luka 8:8

Kambe tin'wana tiwela misaveni leyinene; loko timilile, tichela ka dzana.” Loko avulile svosvo, atlakusa rito aku: “Lweyi anga ni tindleve toyingisa, aayingise.”

Luka 6:22

“Mikatekile loko vanhu vamivenga, loko vamihlongola ni kumirhuketela, ni loko vasola vito ra n'wina onge hi loko ribihile, hikolaho ka N'wana-wa-Munhu.”

3 Yohane 1:11

Murhandziwa, ungatekeleli mikhuva leyi yobiha, kambe tekelela leyi yosaseka. Lweyi ayendlaka lesvinene i wa Xikwembu; kambe lweyi ayendlaka lesvobiha angavonanga Xikwembu.

Timhaka 16:28

Kambe Pawulo ahuwelela hi rito leritlakukeke, aku: “Ungatshuki utivavisa, hikuva hahali kona hinkwerhu.”