Luka 4:36 - Testamente Leyimpsha Xichangana

³⁶ Kutani hinkwavu vahlamala, vavutisana vaku: “Rito ra munhu lweyi hi leri ra kuyini, lesvi alerisaka mimoya ya chaka hi vuhosi ni matimba, kutani yihuma ke?”

BIBELE Mahungu Lamanene

³⁶ Kutani hinwavo va hlamala, va vutisana va ku: “Rito ra munhu loyi hi lero yini, leswi a lerisaka mimoya ya thyaka hi vuhosi ni matimba, kutani yi huma ke?”

Xitsonga (Bibele)

³⁶ Kutani va hlamala hinkwavo, va vutisana, va ku: “Rito leri, hi lero yini, loko a tshinya mimoya leyo biha hi vuhosi ni matimba, kutani yi huma?”

Luka 4:36 Referans Kwoze

Luka 4:32

Hi loko vona vahlamala hi kujondzisa ka yena, hikuva marito ya yena amali ya lweyi anga ni vuhosi.

1 Petro 3:22

yena lweyi ayeke tilweni, kutani svosvi anga vokweni ra xinene ra Xikwembu, na tintsumi ni vafumi ni lesvi sva matimba svili hansi ka yena.

Marka 7:37

Kutani vanhu vahlamala ngopfu, vaku: “Ayendlile hinkwasvu hi ndlela leyinene; apfula tindleve ta lavangayingisiki ayendla lesvaku na tona timbheveve tikota kuvulavula.”

Marka 1:27

Kutani hinkwavu vahlamala ngopfu, lakakuva vavutisana vaku: “Hi lesvoyini lesvi? I jondzo leyimpsha! Hikuva alerisa hi matimba mimoya ya chaka, kutani na yona yimuyingisa!”

Matewu 9:33

Kuteloko dimoni rihlongoliwile, lweyi wa mbheveve avulavula. Kutani xitshungu xihlamala, xiku: “Mhaka leyi, yotanu, ayisivoniwa xikarhi ka Vaisrayele.”

Luka 2:18

Kutani hinkwavu lavatweke lesvi varisi vangavula svona, vahlamala.