Luka 3:11 - Testamente Leyimpsha Xichangana

¹¹ Ahlamula aku ka xona: “Lweyi anga ni mabanci mambirhi, aapambulele lweyi apfumalaka; ni lweyi anga ni svakuja, aayendlise svosvo na yena.”

BIBELE Mahungu Lamanene

¹¹ A hlamula a ku ka vona: “Loyi a nga ni swiambalo swimbirhi, a a avele la pfumalaka; ni loyi a nga ni swakudya, a a endlise sweswo na yena.”

Xitsonga (Bibele)

¹¹ A hlamula a ku eka vona: “La nga ni tinguvu timbirhi a a avele la pfumalaka; ni la nga ni swakudya a a endlise sweswo na yena.”

Luka 3:11 Referans Kwoze

1 Yohane 3:17

Lweyi anga ni svilo sva misava leyi, kambe avona makwavu na ali kupfumaleni, kambe anonon'hwisa mbilu ya yena angamupfuni, xana rirhandzu rorhandza Xikwembu ringatshamisa kuyini ka yena ke?

1 Timotiya 6:18

Vabzele kuyendla lesvinene, vatala rifuwo ra mintirho leyinene, vanyika, vativa ni kupambulela van'wana.

Luka 18:22

Loko Yesu atwa svosvo, aku ka yena: “Wahapfumala xilo xin'we: Xavisa hinkwasvu lesvi unga na svona, uyavela svisiwana, hi kona ungatava ni rifuwo matilweni; kutani uta, unilandza.”

1 Yohane 4:20

Loko munhu aku: “Mina nirhandza Xikwembu”, kambe ahambula makwavu, i muhembi; hikuva lweyi angarhandziki makwavu lweyi amuvonaka hi mahlo, angakoti kurhandza Xikwembu lexi angaxivoniki.

Yakobo 1:27

Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.

Luka 11:41

Kambe nyikani svisiwana lesvinga ndzeni ka svibza, hi kona hinkwasvu svingatava svibasile ka n'wina.

Matewu 25:40

“Hosi yitavahlamula, yiku: ‘Nitiyisile nili ka n'wina, lokomitshama misviyendla svilo lesvi ka mun'we wa vamakwerhu lavatsongo lava, misviyendlele mina.’”

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

Timhaka 10:31

aku: Korneliyo, kukhongela ka wena kuyingisiwile, ni tinyiko ta wena tiyanakanyiwile mahlweni ka Xikwembu.

Timhaka 10:4

Loko ayilangutisile svinene, akhomiwa hi kuchava, kutani aku: “I mpsini, Hosi?” Yiku ka yena: “Mikhongelo ya wena ni tinyiko ta wena sviyamukeliwile ka Xikwembu, kutani xikutsundzukile.

Timhaka 10:2

aali munhu wa vukhongeli, achava Xikwembu kun'we ni vamunti wa yena hinkwavu; aapfuna vanhu va tiko hi tinyiko letinyingi, angakarhali kukhongela Xikwembu.

Yohane 13:29

Van'wana avayanakanya lesvaku, lesvi Yudasi aali mutameli wa nkwama wa male, Yesu aamubzela kuyaxava sva nkhuvu lesvipfumalekaka, kumbe kuyanyika xanchumu ka svisiwana.

Luka 19:8

Hi loko Zakewu asuka ayima, aku ka Hosi: “Vona Hosi, nitayavanyisa rifuwo ra mina hi le xikarhi, ninyika svisiwana; ni loko nitekile xilo xa munhu hi kumukanganyisa, nitamutlhelisela xona ka mune.”

Vaefesa 4:28

Lweyi aatolovela kuyiva, angahayi mahlweni ayiva; kambe aatikarhate atirha hi mavoko ya yena, atirhela sva kutipfuna ha svona, lesvaku atakota kupambulela lweyi apfumalaka.

1 Timotiya 6:17

Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

Yakobo 2:14

Svipfuna yini, vamakwerhu, loko munhu aku a ni kupfumela, kambe angali na mintirho? Xana kupfumela ka yena kungamuponisa ke?