Luka 19:38 - Testamente Leyimpsha Xichangana

³⁸ “Akudzunisiwe Mufumi lweyi ata ka hi vito ra Hosi! Kurhula akuve matilweni, ni kukwetsima matilweni ya le henhlahenhla!”

BIBELE Mahungu Lamanene

³⁸ “A ku dzunisiwe Mufumi la taka hi vito ra Hosi! Ku rhula a ku ve ematilweni, ni ku kwetsima ematilweni ya le henhla-henhla!”

Xitsonga (Bibele)

³⁸ “A ku khensiwe Hosi leyi taka hi vito ra Yehovha! Ku rhula a ku ve ematilweni, ni ku kwetsima ematilweni lama nge henhlahenhla.”

Luka 19:38 Referans Kwoze

Luka 13:35

Vonani, munti wa n'wina wutasala na wungali na nchumu; nasvona namibzela lesvaku amingahanivoni, kukondza kufika siku leri mingataku: ‘Akudzunisiwe lweyi ata ka hi vito ra Hosi.’”

Matewu 21:9

Xitshungu lexi ximurhangeleke mahlweni ni lexi aximulandzela hi le ndzhaku, xihuwelela xiku: “Hozana ka N'wana Davhida! Akudzunisiwe lweyi ataka hi vito ra Hosi! Hozana matilweni ya le henhlahenhla!”

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

1 Timotiya 1:17

Ka Hosi ya minkama hinkwayu, leyingaliki ni kufa, leyingavoniwiki, xona Xikwembu xili xoxe, akuve kuchaviseka ni kudzuneka, hilaha kungaheliki! Amen.

Vaefesa 1:12

kuyendlela lesvaku hina hinga lavosungula kuva ni kutshemba ka Kriste, hidzunisa kutwala ka xona Xikwembu.

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Vaefesa 1:6

kuyendlela lesvaku hixidzunisa ni kuxitwalisa hi mhaka ya timpsalu ta xona, leti xihinyikeke ka N'wana wa xona lweyi arhandzekaka.

Varhoma 5:1

Loko svilitano, lesvi hingayendliwa lavalulameke hi mhaka ya kupfumela, hi ni kurhula ka Xikwembu, hi Hosi ya hina Yesu Kriste;

Vakolosa 1:20

ni kuyendla lesvaku, ha yena, svilo hinkwasvu svivuyelelana na xona, hikuva hi yena Kriste lweyi atiseke kurhula hi kufa ka yena xihambanwini; hinkwasvu, hambi laha misaveni, hambi le matilweni, svivuyelelana ni Xikwembu ha yena.

Vaefesa 3:21

ka yena akuve kudzuneka kerekeni ni le ka Yesu Kriste, hi minkama ni minkama hilaha kungaheliki. Amen!

Vaefesa 3:10

lesvaku minkameni ya svosvi, hi kutirhisa kereke, xitativisa vutlhari bza xona hi matlhelo hinkwawu ya bzona ka mimoya ya tihosana ni ya matimba henhla matilweni.

Matewu 2:2

tiku: “Yi kwihi Hosi ya Vayuda leyivelekiweke xana? Hikuva hivonile nyeleti ya yona le vuxeni, kutani hitile kutayigandzela.”

Matewu 25:40

“Hosi yitavahlamula, yiku: ‘Nitiyisile nili ka n'wina, lokomitshama misviyendla svilo lesvi ka mun'we wa vamakwerhu lavatsongo lava, misviyendlele mina.’”