Luka 18:7 - Testamente Leyimpsha Xichangana

⁷ Ina-ka, xana Xikwembu axingayendli vuyavanyisi lebzinene ka vahlawuliwa va xona, ni kuvalehisela mbilu, vona lavahuwelelaka ka xona vusiku ni nhlekanhi, hambi xihlwela ke?

BIBELE Mahungu Lamanene

⁷ Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Xitsonga (Bibele)

⁷ Loko xi ri Xikwembu, xana xi nga ka xi nga avanyiseri vahlawuriwa va xona, lava vitanaka eka xona nhlekanhi ni vusiku, hambi xi hlwela ku va rihisela xana?

Luka 18:7 Referans Kwoze

2 Petro 3:9

Hosi ayihlweli kuyendla lesvi yingatshembisa svona, hilaha van'wana vatwisisaka “kuhlwela” hakona, kambe yilehisa mbilu hikolaho ka n'wina; ayilavi lesvaku ni mun'we wa n'wina alahleka, kambe yilava lesvaku hinkwavu vata kuhundzukeni.

Luka 11:13

Kutani-ke, lesvi n'wina minga vanhu vatihanyi, mitivaka kunyika vana va n'wina svilo lesvinene, xana Tatana wa letilweni angetlulisi ngopfu kunyika Moya Lowokwetsima ka lavakombelaka ka yena ke?”

1 Timotiya 5:5

Wansati wa mufelakazi lweyi anga wa ntiyiso, loko asale ali yexe, na avekile kutshemba ka yena ka Xikwembu, kutani atshama na ali karhi akombela ka xona ni kukhongela vusiku ni nhlekanhi.

Nhlavutelo 6:10

Avahuwelela hi rito leritlakukeke vaku: “Wena Hosi ya matimba hinkwawu, wena wokwetsima, wa ntiyiso, svahatateka nkarhi muni kufika laha ungatalondza ni kuyavanyisa vayaki va misava hi mhaka ya ngati ya hina xana?”

2 Vatesalonika 1:6

Xikwembu xitayendla lesvilulameke: Xitaba lava vamixanisaka, xivavangela kuxaniseka,

Luka 2:37

kutani afeliwa hi nuna. Aali ni malembe ya ntlhanu wa makume ni makume manharhu ni mune (84), aangasuki Tempeleni, kambe aatirhela Hosi hi kutitsona svakuja ni kukhongela vusiku ni nhlekanhi.

Matewu 7:11

Kutani-ke, lesvi n'wina minga vanhu vobiha mitivaka kunyika vana va n'wina svilo lesvinene, xana Tatana wa n'wina lweyi anga matilweni, angetlulisi ngopfu kunyika lesvinene ka lavakombelaka ka yena ke?

Nhlavutelo 18:20

Tsaka hi mhaka ya rona, wena tilo; na n'wina vahlawuliwa va Xikwembu, ni vapostola, ni vaprofeta, tsakani, hikuva Xikwembu xiriyavanyisile, ximirihisela.”

1 Vatesalonika 3:10

Hikhongela xona hi matimba vusiku ni nhlekanhi, na hili karhi hikombela kuvonana na n'wina hi mahlo, lesvaku hita tatisa lesvipfumalekaka kupfumeleni ka n'wina.

Vakolosa 3:12

Hikolaho, lesvi mingavitaniwa hi Xikwembu kuva vahlawuliwa va xona lavarhandziwaka, yambalani moya wa timpsalu, ni vunene, ni kutitsongahata, ni kurhula, ni kuleha mbilu.

Varhoma 8:33

I mani lweyi angamangalelaka lava Xikwembu xivahlawuleke xana? Xikwembu hi xona lexi xivanyikaka kululama. I mani lweyi angavavekaka nandzu xana?

Nhlavutelo 7:15

“Hikolaho, va le mahlweni ka xiluvelo xa Xikwembu, vaxitirhela vusiku ni nhlekanhi atempeleni ya xona. Kutani lweyi atshameke xitshan'wini xa vuhosi, atayanamisa tabernakele ya yena ava kusuhi na vona avasirhelela.

Tito 1:1

Mina Pawulo, nandza wa Xikwembu ni mupostola wa Yesu Kriste, nirhumiwile kuseketela kupfumela ka vanhu lavahlawuliweke hi Xikwembu, ni kuvapfuna kutiva ntiyiso lowujondzisiwaka hi vukhongeli bza hina,

2 Timotiya 1:3

Nikhensa Xikwembu, xona lexi nixitirhelaka hi ripfalu leribaseke kufana ni vakokwana, na ningatshiki kukukhongelela vusiku ni nhlekanhi.

Matewu 24:22

Loko masiku wolawo amangahungutiwanga, akungatapona munhu, kambe hikolaho ka vahlawuliwa va Xikwembu, masiku yakona matahunguliwa.

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Luka 21:28

Loko svilo svosvo svisungula kuhumelela, wololokani mitlakusa tinhloko ta n'wina, milanguta henhla, hikuva kukutsuliwa ka n'wina kule kusuhi.”

2 Timotiya 2:10

kutani, timhakeni hinkwatu, nitiyisela hikolaho ka vahlawuliwa va Xikwembu, lesvaku na vona vatakuma kuponisiwa loku kuhumaka ka Kriste Yesu, vakuma ni kukwetsima lokungaheliki.

1 Petro 1:1

Mina Petrosi, mupostola wa Yesu Kriste, nitsalela lavarhurhisiweke ni kuhangalasiwa matikweni ya Ponto, na Galatiya, na Kapadokiya, na Aziya, na Bitiniya,