Luka 17:16 - Testamente Leyimpsha Xichangana

¹⁶ Kutani atiwisa hi mombo milengeni ya Yesu, amutlangela. Munhu yelweyo aali Musamariya.

BIBELE Mahungu Lamanene

¹⁶ Kutani a tiwisa hi mombo emilengeni ya Yesu, a n'wi tlangela. Munhu yoloye a a ri Musamariya.

Xitsonga (Bibele)

¹⁶ Kutani a tiwisa emilengeni ya Yesu hi mombo, a n'wi tlangela. Kambe yeloyi a a ri Musamariya.

Luka 17:16 Referans Kwoze

Matewu 10:5

Yesu arhuma lava va khume ni vambirhi, ndzhaku ka loko avalayile aku: Mingatshukeni miya ka vamatiko; nasvona mingangheneni madoropeni ya Vasamariya,

Nhlavutelo 19:10

Kutani nikhinsama nikorhama milengeni ya yona kutayigandzela, kambe yiku ka mina: “Ungatshuki uyendla svosvo, mina ni nandza ntsena, kukota wena ni vamakwenu lavahlayisaka vumboni lebzihumesiweke hi Yesu Gandzela Xikwembu!” Vumboni lebzi bzihumesiweke hi Yesu, hi bzona mongo wa vuprofeta.

Nhlavutelo 5:14

Svivumbiwa lesvihanyaka sva mune svihlamula sviku: “Amen!” Kutani vakulukumba vakhinsama vagandzela.

Nhlavutelo 4:10

vakulukumba lava va makume mambirhi ni mune avakhinsama mahlweni ka lweyi atshameke xiluvelweni, vagandzela yena lweyi ahanyaka hilaha kungaheliki, vahoxa tihari ta vona mahlweni ka xiluvelo, vayimbelela vaku:

Timhaka 1:8

kambe mitanyikiwa matimba, siku leri Moya Wokwetsima wungatata henhla ka n'wina; kutani mitava timboni ta mina kola Yerusalema, ni le tikweni hinkwaru ra Yudeya, ni ra Samariya, ni kuyafika magan'wini ya misava.”

Yohane 4:9

Wansati wa Musamariya aku ka yena: “Lesvi wena unga Muyuda, ukombelisa kuyini mati ka mina ninga wansati wa Musamariya xana?” ( Mhaka hi lesvaku Vayuda ni Vasamariya avanganwelani mati.)

Yohane 8:48

Vayuda vahlamala, vaku ka yena: “Xana hohemba loko hiku wena u Musamariya, ni lesvaku u ni dimoni ke?”

Yohane 5:23

lesvaku hinkwavu vava ni xichavu ka N'wana, kukotisa lesvi vanga ni xichavu ka Tatana. Mani na mani lweyi angaliki na xichavu ka N'wana anga na xichavu ni ka Tatana lweyi amurhumeke.

Luka 5:8

Loko Simoni Petrosi asvivona, akhinsama milengeni ya Yesu, aku ka yena: “Suka ka mina Hosi, hikuva ni mujohi.”

Marka 5:33

Kutani wansati yelweyo akhomiwa hi kuchava, arhurhumela hi kutiva lesvi svimuhumeleleke, kutani ata, atiwisela hansi mahlweni ka Yesu, amubzela ntiyiso hinkwawu.

Matewu 2:11

Kutani tiyanghena ndlwini, tikuma xihlangi ni mamana wa xona Mariya; kolaho tikhinsama, tixigandzela; kutani titlhantlha mindzhwalu ya tona, tixihumesela tinyiko ta golidi, ni b'aso, ni mafurha ya mira.

Luka 17:17

Hi loko Yesu avutisa aku: “Xana avabasisiwanga na vali khume ke?

1 Vakorinto 14:25

svihundla sva mbilu ya yena svitahumelela rivaleni, kutani atawa hi mombo, agandzela Xikwembu, kutani atavula aku: “Hakunene Xikwembu xi kona la xikarhi ka n'wina.”