Luka 11:41 - Testamente Leyimpsha Xichangana

⁴¹ Kambe nyikani svisiwana lesvinga ndzeni ka svibza, hi kona hinkwasvu svingatava svibasile ka n'wina.

BIBELE Mahungu Lamanene

⁴¹ Kambe nyikani swilo leswi nge ndzeni ka swibya eka swisiwana, hi kona hinkwaswo swi nga ta va swi basile eka n'wina.

Xitsonga (Bibele)

⁴¹ Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Luka 11:41 Referans Kwoze

Luka 12:33

Xavisani lesvi misvifuweke, minyika svisiwana; tiyendleleni minkwama leyingahlakaliki ni rifuwo leringaheliki matilweni, laha muyivi angatshineliki kusuhi nakona, ni laha tinsumba tingawonhiki kona;

Yakobo 1:27

Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.

Tito 1:15

Svilo hinkwasvu svitengile ka lava vatengeke; kambe aku na lexitengeke ka lavanyameke, ni ka lava vangapfumeliki, hikuva miyehleketo ya vona ni mapfalu ya vona svinyamisiwile.

Vaheveru 13:16

Mingarivaleni kuyendla lesvinene ni kupambulelana lesvi minga na svona, hikuva timhamba leti hi tona letitsakisaka Xikwembu.

Timhaka 10:15

Rito ritlhela riku ka yena ka vumbirhi: “Svilo lesvi Xikwembu xingavula lesvaku svibasile, ungahlayi lesvaku svayila.”

Luka 16:9

“Hikolaho-ke nili ka n'wina: Tiyendleleni maxaka hi rifuwo ra misava leyi, lesvaku loko mitshuka mipfumalile, vamiyamukela minchancheni leyi yingaliki na kuhela.

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

2 Vakorinto 8:12

Hikuva loko munhu anavela kunyika hi mbilu, svapfumeleleka mayelanu ni lesvi anganasvona, kugali lesvi asvipfumalaka.

Luka 19:8

Hi loko Zakewu asuka ayima, aku ka Hosi: “Vona Hosi, nitayavanyisa rifuwo ra mina hi le xikarhi, ninyika svisiwana; ni loko nitekile xilo xa munhu hi kumukanganyisa, nitamutlhelisela xona ka mune.”

Luka 18:22

Loko Yesu atwa svosvo, aku ka yena: “Wahapfumala xilo xin'we: Xavisa hinkwasvu lesvi unga na svona, uyavela svisiwana, hi kona ungatava ni rifuwo matilweni; kutani uta, unilandza.”

Matewu 5:42

Nyika lweyi akombelaka ka wena, ungafularheli lweyi anavelaka kulomba xanchumu ka wena.

Vaefesa 4:28

Lweyi aatolovela kuyiva, angahayi mahlweni ayiva; kambe aatikarhate atirha hi mavoko ya yena, atirhela sva kutipfuna ha svona, lesvaku atakota kupambulela lweyi apfumalaka.

Timhaka 11:29

Kutani vajondzisiwa vatwanana lesvaku mun'wana ni mun'wana wa vona, atarhumela lesvi asvikotaka akuva vapfuna vamakwavu lavayakeke tikweni ra Yudeya.

Matewu 26:11

Hikuva, loko svili svisiwana, mitava na svona hi masiku hinkwawu, kambe mina, ningakala ningavi na n'wina hi masiku hinkwawu.

Timhaka 24:17

“Nivuyile Yerusalema ndzhaku ka malembe lamanyinginyana, kutisa tinyiko ka tiko ra ka hina ni kuhumesa timhamba.

Marka 7:19

hikuva asvingheni mbilwini ya yena, kambe sviya khwirini, kutani sviyahumela akhwatini ke?” (Hikuvula svosvo Yesu aakomba lesvaku svakuja hinkwasvu svilulamile, kumbe svibasile.)