3 Yohane 1:6 - Testamente Leyimpsha Xichangana

⁶ Vapfhumba lava hi vona vavuleke vumboni bza rirhandzu ra wena mahlweni ka vanhu va kereke. Utava uyendla svona loko uvalongelela timbuva ta vona, hilaha svifanelaka hakona mahlweni ka Xikwembu.

BIBELE Mahungu Lamanene

⁶ Vaendzi lava va vekile vumbhoni bya rirhandzu ra wena emahlweni ka vanhu va kereke. U ta va u endla swinene, loko u va longela swa riendzo ra vona, hilaha swi fanelaka hakona entirhweni wa Xikwembu.

Xitsonga (Bibele)

⁶ Hi vona lava nga endla vumbhoni bya rirhandzu ra wena emahlweni ka kereke; volavo kambe, u ta endla swinene loko u va longisa erendzweni ra vona, hi mukhuva lowu fanelaka Xikwembu.

3 Yohane 1:6 Referans Kwoze

1 Vatesalonika 2:12

hi mikhutazile, hi mitiyisile ni kumisusumeta lesvaku mihanya hi ndlela leyitsakisaka Xikwembu lexi ximivitanelaka kuyaveliwa kufuma ka xona ni kutwala ka xona.

Tito 3:13

Yendla hi matimba kupfuna hi kulongelela Zena ntivamilawu, na Apolosi, lesvaku vakhoma riyendzo ra vona na vangapfumali nchumu.

Timhaka 15:3

Kereke yivalongelela yiku: “Tindlela atibase!” Kutani vatsemakanya matiko ya Fenisiya ni ya Samariya, na vali karhi vahlamusela hilaha vamatiko vahundzukeke hakona; kutani vamakwavu Hosini hinkwavu vatsakisiwa ngopfu hi mhaka leyi.

1 Petro 2:20

Xana loko mibiwa hikolaho ka kujoha ka n'wina, kutani mitiyisela, svi ni kudzunisiwa svosvo ke? Kasi, loko miyendla lesvilulameke, kutani mitiyisela na mili karhi mitwisiwa kuvava hikolaho ka svona, svosvo svakhenseka ka Xikwembu.

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.

Vafilipiya 4:14

Hambi svilitano, miyendlile hi timpsalu, loko minipfunile kurhwala maxangu ya mina.

2 Vakorinto 1:16

aninavelile kumiyendzela loko ni ya Makedoniya, ni kutlhela nimiyendzela loko nivuya hi kona, lesvaku mitanipfuna riyendzweni ra mina roya Yudeya.

Varhoma 15:24

nitata ka n'wina loko ni ya le Xipanya, hikuva nitshemba lesvaku nitahundza nimivona; na svona, hi n'wina mingatanipfuna kuhundzela mahlweni, loko nitava nitiphinilenyana hi kutshama na n'wina.

Timhaka 21:5

Loko hihetile masiku wolawo, hisuka hifamba; vajondzisiwa hinkwavu vahiheleketa kuyafika handle ka doropa, na vali ni vavasati ni vana; kutani hikhinsama ribuweni ra lwandle, hikhongela.

3 Yohane 1:12

Vanhu hinkwavu vanyika vumboni lebzinene ha Demetriyo; kunene svosvo i ntiyiso hi xiviri; na hina hiveka vumboni bza svona kutani wasvitiva lesvaku vumboni bza hina i bza ntiyiso.

Timhaka 15:29

Hi lesvaku mitshika tinyama letitlhaveliweke svikwembu sva hava, mingajeneni ngati ni lesvi vanhu vasvidlayeke hi kusvitlimba minkolo, mitshika ni vugelegele; Loko mifularhela svilo svesvo, mitava miyendlile lesvinene. “Salani hi kurhula!”