2 Vakorinto 9:2 - Testamente Leyimpsha Xichangana

² Nitiva lesvaku minavela svinene kupfuna; kutani nitidzunisile ka va le Makedoniya hikolaho ka kunavela ka n'wina loku; nivabzelile lesvaku va le Akaya avali karhi vatilungisela kupfuna kusukela n'wexemu. Kutani kutikarhata ka n'wina kunyikile matimba lavotala va vona.

BIBELE Mahungu Lamanene

² Ndzi tiva leswaku mi navela swinene ku pfuna; kutani ndzi tidzunisile eka va le Makedoniya hikwalaho ka ku navela ka n'wina loku; ndzi va byerile leswaku va le Akaya a va ri karhi va tilunghisela ku pfuna ku sukela n'wexemu. Kutani ku chivirika ka n'wina ku nyikile lavo tala va vona ematimba.

Xitsonga (Bibele)

² Hikuva ndzi tiva ku chivirika ka n'wina emhakeni yoleyo, ndzi ri karhi ndzi tidzunisa ha n'wina eka Vamakedoniya, hi ku va byela leswaku va Akaya va tilunghisile n'wexemu; kutani ku chivirika ka n'wina ku pfuxile lavo tala.

2 Vakorinto 9:2 Referans Kwoze

2 Vakorinto 8:10

Hikolaho, mhakeni leyi, nitamikomba miyehleketo ya mina: Lembe lerihundzeke hi n'wina amili lavorhanga lavangatiyimisela kupfuna, ni kusviyendla misviyendlile;

2 Vakorinto 8:8

Animirhumi, kambe nimibzela ntsena hilaha van'wana vahisekelaka kupfuna hakona, nitativa kutiya ka rirhandzu ra n'wina.

2 Vakorinto 8:24

Loko svilitano, vakombeni rivaleni, mahlweni ka tikereke, lesvaku mavarhandza, ni lesvaku ahihoxi loko hitidzunisa ha n'wina.

Vaheveru 10:24

Ahilaveni tindlela topfuxana, hikombana rirhandzu ni mintirho leyinene.

1 Vakorinto 16:15

Nahali ni xitsundzuxu, vamakwerhu: Mavativa vanhu va ka Stefanasi, ni lesvaku hi vona vapfumeli lavorhanga lavahumeke tikweni ra Akaya, ni lesvaku vatinyiketile kutirhela vahlawuliwa va Xikwembu.

1 Vatesalonika 1:7

Hi mukhuva wolowo, mihundzukile xikombiso ka hinkwavu lavapfumeleke le Makedoniya ni le Akaya.

2 Vakorinto 8:19

Ahilesvi ntsena, kambe nasvona ahlawuliwile hi tikereke kufamba na hina ntirhweni lowu wa timpsalu; nyiko yakona hiyitamela kudzuniseni ka Hosi hi xiviri xa yona, ni kuva xikombiso xa lesvaku hinavela svinene kupfuna.

2 Vakorinto 7:4

Nivulavula na n'wina, na nili karhi nimitshemba ngopfu; nitikulisa ngopfu hi n'wina; nitala hi kuchaveleliwa; kuxanisekeni hinkwaku ka hina, natsaka nitsakisisa.

2 Vakorinto 1:1

Mina Pawulo, mupostola wa Kriste Yesu hi kurhandza ka Xikwembu, na Timotewu makwerhu, ka kereke ya Xikwembu leyinga Korinto, ni vakwetsimi va Xikwembu hinkwavu lavanga tikweni hinkwaru ra Akaya, hili:

Timhaka 18:12

Nkarhini lowu Galiyo aali muyimeli wa vuhosi le Akaya, Vayuda vapfumelelana kupfukela Pawulo, kutani vamuyisa hubzeni,

Timhaka 24:17

“Nivuyile Yerusalema ndzhaku ka malembe lamanyinginyana, kutisa tinyiko ka tiko ra ka hina ni kuhumesa timhamba.

Varhoma 15:26

hikuva va le Makedoniya ni va le Akaya vatibohile hi kutsaka kuhlenga svopfuna svisiwana lesvinga kona xikarhi ka vahlawuliwa va le Yerusalema.

2 Vakorinto 7:14

Hambi loko nitidzunisile mahlweni ka yena hi mhaka ya n'wina, aminikhomisanga tingana. Ahimibzelanga nchumu wun'wana, loko wungali ntiyiso ntsena. Hi mukhuva wolowo kutidzunisa ka hina mahlweni ka Tito, kukumekile na kuli ntiyiso.

2 Vakorinto 8:11

svosvi amitafanela kuhetisa ntirho lowu miwusunguleke. Aminavela svinene kupfuna, mitivekisela svona; hi ndlela yoleyo, svosvi hetisani ntirho wakona hi kuya hi lesvi minga na svona.