2 Vakorinto 8:9 - Testamente Leyimpsha Xichangana

⁹ Matitiva timpsalu ta Hosi ya hina Yesu Kriste: Aafuwile, hambi svilitano ahundzukile xisiwana hikolaho ka n'wina, lesvaku miyendliwa vafuwi hi vusiwana bza yena.

BIBELE Mahungu Lamanene

⁹ Ma ti tiva tintswalo ta Hosi ya hina Yesu Kriste: A a fumile, hambiswiritano ú hundzukile xisiwana hikwalaho ka n'wina, leswaku mi endliwa swifumi hi vusiwana bya yena.

Xitsonga (Bibele)

⁹ Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

2 Vakorinto 8:9 Referans Kwoze

Varhoma 8:32

Xona, lexingatsetselelangiki N'wana wa xona wa xiviri kambe ximunyiketa hikolaho ka hina hinkwerhu, xana xingatsandzekisa kuyini kuhinyika svilo hinkwasvu mahala ke, kasi xihinyikile ni N'wana wa xona?

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

Varhoma 5:8

Kambe Xikwembu xikombisa rivaleni rirhandzu ra xona ka hina, hi lesvi Kriste angahifela loko hahali vajohi.

2 Vakorinto 6:10

havavisiwa, hambi svilitano hitsakile masiku hinkwawu; wonge hisvisiwana, kasi hifuwisa lavotala; wonge ahi na nchumu, kasi hi ni svilo hinkwasvu.

Vaefesa 2:7

Xiyendlile lesvi kukomba minkarhi leyitaka, kutala lokungapimekiki ka timpsalu ta xona, hi vunene lebzi xihiyendleleke bzona ha Yesu Kriste.

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yakobo 2:5

Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

1 Timotiya 6:18

Vabzele kuyendla lesvinene, vatala rifuwo ra mintirho leyinene, vanyika, vativa ni kupambulela van'wana.

Luka 16:11

Kutani loko mingatshembekanga ka rifuwo ra laha misaveni leyi, i mani lweyi angatamitshemba ka rifuwo ra ntiyiso xana?

Vaheveru 1:2

Kambe masikwini lawa yohetelela, xivulavulile na hina hi N'wana, lweyi ximuvekeke kuva maja ndzhaka wa svilo hinkwasvu, lweyi na svona xitumbuluxeke tilo ni misava ha yena.

Luka 9:58

Yesu amuhlamula aku: “Makhanga mani mincele, ni tinyanyana ti ni svisaka, kambe N'wana-wa-Munhu anga na laha angakhigetelaka nhloko ya yena kona.”

Nhlavutelo 3:18

Loko svilitano, nakukhutaza lesvaku uxava ka mina golidi leyi yibasisiweke yiva yisasekisiwa hi ndzilo, lesvaku uva xipfundzi; xava ni sviyambalu svobasa lesvaku usviyambala, ufunengeta tingana ta vusveti bza wena lesvaku bzingavoneki; xava ni murhi wotota mahlo ya wena lesvaku utakota kuvona.

Vaefesa 3:19

Mawaku loko ingi mingativa rirhandzu ra yena, hambi loko svingayendleki kuritiva hi kuhetiseka kutani, mitatala hi vukona bza Xikwembu matlelo hinkwawu.

1 Vakorinto 1:4

Masiku hinkwawu nikhensa Xikwembu xa mina hikolaho ka n'wina. Nixikhensa hikolaho ka timpsalu ta xona leti mitikumeke ha Yesu Kriste.

Luka 2:7

Kutani aveleka n'wana wa yena wa mativula, wa mufana; amuphutsela hi tinguvu, amulata xigovolweni xa svifuyu, hikuva avapfumalile ndhawu ndlwini ya vayendzi.

Yohane 16:15

Hinkwasvu lesvi Tatana anga na svona, i sva mina; hi kolaho ningavula lesvaku, lesvi amitivisaka svona, atava asvikuma ka mina.

Yohane 1:17

Hikuva Nawu wunyikiwile hi Moxe; kambe timpsalu ni ntiyiso svitile ha Yesu Kriste.

Yohane 1:10

Aali misaveni, kutani misava yitumbuluxiwile hi yena, kambe misava ayimutivanga.

Matewu 8:20

Yesu amuhlamula aku: “Makhanga ma ni mincele, ni tinyanyana ti ni svisaka, kambe N'wana-wa-Munhu anga na laha angaseketelaka kona nhloko ya yena.”

Nhlavutelo 21:7

Lweyi angatahlula, atakuma ndzhaka ya svilo lesvi, kutani nitava Xikwembu xa yena, na yena ava n'wana wa mina.”

1 Vakorinto 15:47

Munhu wa kusungula ahumile misaveni, na ali lweyi ayendliweke hi ntshuri wa misava; munhu lweyi wa vumbirhi ahuma tilweni.

Varhoma 11:12

Kutani lesvi nandzu wa kuwa ka vona wuyendleke lesvaku minkateko yitala misaveni, ni lesvi kutsandzeka ka vona kuyendleke lesvaku minkateko yitalela vamatiko, ngopfungopfu kuvuya ka Vaisrayele hi ntalu, kutatisa minkateko leyikulu!

Yohane 17:19

Kutani nitikwetsimisa hikolaho ka vona, lesvaku na vona vakwetsimisiwa antiyisweni.

Yohane 12:30

Yesu atlhela, aku: “Rito leri aringayendleli mina loko ritwala, kambe riyendlela n'wina.

Marka 6:3

Xana yelweyi ahi yena muvatli, n'wana Mariya, makwavu wa Yakobe, na Yosefa, na Yuda, na Simoni ke? Xana vamakwavu vaxisati ahi na vona kola ke?” Kutani vakhunguvanyeka svinene hikolaho ka yena.

Matewu 17:27

Kambe lesvaku hingavakhunguvanyisi, yana ativeni, uyaringela; kutani hlampfi leyorhanga leyi ungatayiphasa, yikhome, uyipfula nomo; utakuma xitatare kona; xiteke, uvanyika xona, uhumesela mina na wena.”

Vakolosa 1:24

Svosvi-ke, nitsaka hi lesvi nixanisiwaka hikolaho ka n'wina; kutani, hi kuxaniseka ka mina mirini, nihetisa lesvipfumalekeke maxangwini ya Kriste, hikolaho ka miri wa yena, yinga Kereke.

Luka 8:3

na Jowana, nkata Khuza ndhuna ya Heroda, na Suzana, ni vavasati van'wana lavotala lava avatirhisa sva vona kupfuna Yesu ni vajondzisiwa va yena.

Varhoma 15:3

Hikuva hambi ali Kriste, angatitsakisanga, kambe, hilaha kutsaliweke hakona: “Kusandza ka lavakusandzaka kuniwele henhla.”

Nhlavutelo 2:9

Nitiva maxangu ya wena ni vusiwana bza wena (kambe u xipfundzi), nitiva ni kusandziwa ka wena hi lava vativulaka Vayuda, na vangali vona, kambe na vali va Sinagoga ya Sathana.