2 Vakorinto 8:7 - Testamente Leyimpsha Xichangana

⁷ Mi vafuwi ka hinkwasvu lesvi minga na svona, kupfumeleni, kuvulavuleni, vutivini, ni le kuhisekeni hinkwaku, ni le rirhandzwini leri hiripfuxeke ka n'wina; hi ndlela yoleyo, kombani lesvaku mi vafuwi kuhumeseni ka nyiko yoleyo ya timpsalu.

BIBELE Mahungu Lamanene

⁷ Mi swifumi eka hinkwaswo leswi mi nga na swona, eku pfumeleni, eku vulavuleni, evutivini, ni le ku hisekeni hinkwako, ni le rirhandzwini leri hi ri pfuxeke eka n'wina; hi mukhuva wolowo, kombani leswaku mi swifumi eku humeseni ka nyiko yoleyo ya tintswalo.

Xitsonga (Bibele)

⁷ Kambe kukotisa loko mi taleriwile hi leswo tala, hi ku pfumela, hi marito, hi ku tiva, hi ku gingirika ematlhelweni hinkwawo, hi rirhandzu leri mi hi rhandzaka ha rona, kunene mi fanele ni ku andzeriwa hi ku endla loku ka tintswalo.

2 Vakorinto 8:7 Referans Kwoze

2 Vatesalonika 1:3

Svahifanela kukhensa Xikwembu masiku hinkwawu hikolaho ka n'wina, vamakwerhu. Hakunene svafanela svosvo, hikuva kupfumela ka n'wina kuya mahlweni kukula ngopfu, ni kurhandzana ka n'wina hinkwenu kuya kuyengeteleka.

2 Vakorinto 9:8

Xikwembu xi ni matimba ya kuminyika hinkwasvu lesvi misvipfumalaka, ni kutlula kolaho, mitakota kupfuna ntirhweni wihi ni wihi lowunene, hikuva minkama hinkwayu mikuma lesvi svimiringanaka hi matlhelo hinkwawu,

Vafilipiya 1:9

Xikhongelo xa mina hi lexi: Nikhongela lesvaku rirhandzu ra n'wina riya mahlweni rikula masiku hinkwawu, riva ni vutivi ni kutwisisa loku kuhetisekeke,

2 Vakorinto 8:6

Hikolaho hikhongotelile Tito, lweyi asunguleke ntirho wolowo, kuya mahlweni na wona, amipfuna kuhetisa nyiko leyi ya timpsalu.

1 Vakorinto 13:2

Ni loko kumbe nili ni nyiko ya kuprofeta, nili ni kutwisisa svihundla hinkwasvu ni vutivi hinkwabzu, ni loko nili ni kupfumela hinkwaku, nikondza nikunula tintshava, kambe ningali na rirhandzu, ani nchumu.

1 Vakorinto 4:7

Hikuva i mani lweyi akutlakuseke kutlula van'wana xana? Xana u na yini lexi unganyikiwangiki ke? Kutani loko unyikiwile, hikolaho ka yini utidzunisa, wonge hi loko ungasvikumanga hi kunyikiwa xana?

1 Vakorinto 1:5

Ha yena miyendliwile lavafuweke hi matlhelo hinkwawu, kuvulavuleni hinkwaku, ni le kutiveni hinkwaku,

1 Vakorinto 13:8

Rirhandzu ariheli ni siku ni rin'we. Loko bzili vuprofeta bzitahundza; na tona tindzimi titahela; hambi bzili bzona vutivi bzitahundza.

1 Vakorinto 12:13

Hinkwerhu, hambi hili Vayuda kumbe Vagirika, svikarawa kumbe lavatifumaka, hihundzukile miri wun'we, hi kutsakamisiwa ka hina Moyeni wun'we; hinkwerhu hinyikiwile kunwa Moya wun'we ntsena.

2 Petro 3:18

Kambe kulani, na mili timpsalwini ni le kutiveni ka Yesu Kriste, Hosi ya hina ni Muponisi wa hina. Ka yena akuve kutwala svosvi, ni kuyafika sikwini leringaheliki. Amen!

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

2 Timotiya 2:1

Hikolaho n'wananga, tiya timpsalwini letinga ka Kriste Yesu.

Vaefesa 4:29

Akuvulavuleni ka n'wina mingatshukeni mitirhisa marito ya tingana, kambe tirhisani ntsena marito lamapfunaka, lawa mayakisaka ni kuhlamula lesvilavekaka, kutani kuvulavula ka n'wina kutatisa kukateka ka lava vamiyingisaka.

2 Vakorinto 9:14

Vanhu lava vatavona vunene lebzohlamalisa lebzi Xikwembu ximiyendlelaka bzona, kutani vatamikhongelela, hi kuminavelela lesvosaseka atimbilwini ta vona.

2 Vakorinto 7:7

kungali ntsena hi kufika ka yena, kambe nakona hi kuchavelela loku mimukombeke kona. Anibzelile hilaha minavelaka ngopfu hakona kunivona, ni hilaha mitweke kuvava hakona, ni hilaha michivirikaka hakona kuniseketela; lesvi sviyengetelile kutsaka ka mina.

1 Vakorinto 14:12

Svitano na n'wina: Lesvi minavelaka kuchivirikela tinyiko ta Moya, yendlani hi matimba kutirhisa letipfunaka kuyaka svirho sva nhlengeletanu.

Varhoma 15:14

Loko nili mina, vamakwerhu, natshemba lesvaku na n'wina mitaleliwile hi vunene, ni lesvaku mi ni vutivi lebzinyingi bza tinxakaxaka; masvikota ni kutsundzuxana.

Nhlavutelo 3:17

Uvula lesvaku ufuwile, nakona u mufuwi, awupfumali nchumu, kasi awusvitivi lesvaku u mutsandzeki ni muxaniseki ni xisiwana ni xifamahlo ni lesvaku awuyambalanga nchumu!

Vaheveru 12:28

Hikolaho, ahikhenseni, lesvi hikumeke mfumu lowungatsekatsekiki, kutani hi mukhuva lowu, ahigandzeleni Xikwembu hi ndlela leyiyamukelekaka, hi kutitsongahata ni hi xichavu.

Vafilipiya 1:11

vutomi bza n'wina bzitatala hi mihandzu ya lesvolulama, leyitisiwaka ha Yesu Kriste, lesvaku Xikwembu xidzunisiwa ni kutwalisiwa ha yona.

1 Vakorinto 12:8

Mun'we anyikiwa hi Moya kuvulavula sva vutlhari, mun'wana anyikiwa kuvulavula sva vutivi, hi kuya hi Moya wolowo;

Matewu 25:22

“Kutani lweyi aanyikiwile titalanta timbirhi, aku: ‘Hosi, uninyikile titalanta timbirhi; vona, nitibindzulisile nikuma tin'wanyana timbirhi.’”