2 Vakorinto 8:4 - Testamente Leyimpsha Xichangana

⁴ vakombelile hi matimba lesvaku hivakatekisa hi kuvapfumelela kuveka xiyandla xa vona ntirhweni lowu wa kupfuna vahlawuliwa va Xikwembu.

BIBELE Mahungu Lamanene

⁴ va komberile hi matimba swinene leswaku hi va katekisa hi ku va pfumelela ku hoxa xandla xa vona entirhweni lowu wo pfuna vahlawuriwa va Xikwembu.

Xitsonga (Bibele)

⁴ va hi khongotela hi mikhongelo leyo tala leswaku hi amukela ku endla kuloku ka tintswalo, ni ku nyika ka vona enhlengweni lowu humeseriwaka vakwetsimi.

2 Vakorinto 8:4 Referans Kwoze

Timhaka 24:17

“Nivuyile Yerusalema ndzhaku ka malembe lamanyinginyana, kutisa tinyiko ka tiko ra ka hina ni kuhumesa timhamba.

Vagalatiya 6:10

Hikolaho, minkama hinkwayu loko svikoteka, ahiyendleleni vanhu hinkwavu lesvinene, ngopfungopfu va njangu wa lavapfumeleke.

2 Vakorinto 9:1

Hi tlhelo ra xipfunu lexihumeseliwaka vahlawuliwa va Xikwembu, kungava kuheta nkama loko nimitsalela hi ta xona.

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

1 Vakorinto 16:15

Nahali ni xitsundzuxu, vamakwerhu: Mavativa vanhu va ka Stefanasi, ni lesvaku hi vona vapfumeli lavorhanga lavahumeke tikweni ra Akaya, ni lesvaku vatinyiketile kutirhela vahlawuliwa va Xikwembu.

Vagalatiya 2:10

Ntsena vahikhongotele lesvaku hiyanakanya svisiwana, kutani hi svolesvi na mina anihisekela kuyendla svona.

1 Timotiya 5:10

nakona afanele kuva ni vumboni lebzitwalaka hi tlhelo ra mintirho leyinene ya yena, kufana ni kuwundla vana hi ndlela yakona, ni kutsakela vayendzi, ni kuhlampsa milenge ya vahlawuliwa va Xikwembu, ni kupfuna lava vaxanisekaka, ni kutshama na ali karhi ayendla lesvinene hi matlhelo hinkwawu.

1 Vakorinto 16:1

Loko wuli nhlengo lowuhumeseliwaka vahlawuliwa va Xikwembu, na n'wina mitayendla hilaha ni leleteke tikereke ta Galatiya hakona.

Varhoma 15:31

lesvaku nipona ka lava vangapfumeliki va le Yudeya, ni lesvaku ntirho lowu ningatawutirha le Yerusalema wuyamukeleka ka vakwetsimi va Xikwembu;

Timhaka 16:15

Kuteloko atsakamisiwile svin'we ni va njangu wa yena, ahikombela, aku: “Loko mivona lesvaku ni munhu lweyi apfumeleke ka Hosi hakunene, minga nghena kaya ka mina, mitshama kona.” Kutani ahisindzisa kuya kona.

Timhaka 11:29

Kutani vajondzisiwa vatwanana lesvaku mun'wana ni mun'wana wa vona, atarhumela lesvi asvikotaka akuva vapfuna vamakwavu lavayakeke tikweni ra Yudeya.

Marka 14:7

Loko svili svisiwana, mina svona masiku hinkwawu, kutani mitakota kusviyendlela lesvinene, siku leri misvirhandzaka; kasi nkarhi wa mina wotshama na n'wina wahela svosvi.

Matewu 25:40

“Hosi yitavahlamula, yiku: ‘Nitiyisile nili ka n'wina, lokomitshama misviyendla svilo lesvi ka mun'we wa vamakwerhu lavatsongo lava, misviyendlele mina.’”

Matewu 12:50

hikuva mani na mani lweyi ayendlaka kurhandza ka Tatana wa mina lweyi anga matilweni, hi yena makwerhu waxinuna, ni waxisati, na mamana.”

Matewu 10:42

Nitiyisile nili ka n'wina: Mani na mani lweyi anyikaka hambi wuli ndzheko wa mati yotitimela ka mun'we wa lavatsongo lava, hi kutiva lesvaku i mujondzisiwa wa mina, angakala angapfumali hakelo ya yena.