2 Vakorinto 7:3 - Testamente Leyimpsha Xichangana

³ Anihlayi lesvo hi kulava kumiyavanyisa, hikuva nihlayile ni le kusunguleni lesvaku mi le timbilwini ta hina; akuva hiva svin'we kufeni ni le kuhanyeni.

BIBELE Mahungu Lamanene

³ A ndzi vuli sweswo hi ku lava ku mi avanyisa, hikuva ndzi vurile ni le ku sunguleni leswaku mi le timbilwini ta hina; hi swin'we eku feni ni le ku hanyeni.

Xitsonga (Bibele)

³ A ndzi vurisi sweswo ku mi sandza hikuva ndzi tshama ndzi vula leswaku etimbilwini ta hina, hi va swin'we eku feni ni le ku hanyeni.

2 Vakorinto 7:3 Referans Kwoze

1 Vatesalonika 2:8

Hikolaho, hi kunavela ngopfu kumikomba rirhandzu, hitilungiselile kuhlengela na n'wina kungali ntsena Evhangeli ya Xikwembu, kambe nabzona vutomi bza hina, hikuva mihundzukile varhandziwa va hina hi kutlulisa.

2 Vakorinto 13:10

Lesviyendlaka lesvaku nitsala timhaka leti na ningasita le ka n'wina, hi lesvaku siku leri nifikaka ningatshuki nitirha na n'wina hi kunonon'hwa, hi matimba lawa Hosi yininyikeke wona. Hosi yininyikile wona kuyakisa, kungali kuhahlula.

2 Vakorinto 12:15

Loko nilimina, nitanyiketa sva mina hi kutsaka, nasvona nitatinyiketa hi xiviri xa mina kumipfuna; lesvi nimirhandzaka kutlula mpimo, xana mina nifanele kurhandziwanyana ntsena ke?

2 Vakorinto 11:11

Hikolaho ka yini ke? Xana hi lesvi ningamirhandziki? Rirhandzu ra mina ka n'wina ritiva hi Xikwembu.

2 Vakorinto 7:12

Hikolaho, hambi loko nimitsalelile, anisviyendlanga hikolaho ka lweyi ajoheke, kumbe hikolaho ka lweyi ajoheliweke; nisviyendlile lesvaku nimikomba, mahlweni ka Xikwembu, hilaha mihisekelaka kuhipfuna hakona.

2 Vakorinto 3:2

Ihim! Hi n'wina minga papela ra hina, leritsaliweke timbilwini ta hina, leritiviwaka ni lerihlayiwaka hi vanhu hinkwavu.

Vafilipiya 1:7

Hikolaho, nikuma na svinilulamelile kuyanakanya hi ndlela leyi henhla ka n'wina hinkwenu, hikuva mi le mbilwini ya mina, ingava kubohiweni kumbe kuhlamuleni ka mina ni le kutiyiseni ka Evhangeli, kutani n'wina hinkwenu miyaveliwile nkateko wun'we na mina.