2 Vakorinto 4:6 - Testamente Leyimpsha Xichangana

⁶ Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.

BIBELE Mahungu Lamanene

⁶ Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Xitsonga (Bibele)

⁶ Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

2 Vakorinto 4:6 Referans Kwoze

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

2 Petro 1:19

Hikolaho, rito ra vaprofeta, hina hirikuma ritiyile kutlula ni khale. Mitava miyendla svona loko mihlayisa svinene rito lero, kufana ni rivoni lerivoningaka lomu kunga ni munyama, kufikela loko vurhonga bzitsuvuka, ni loko nyeleti ya mixo yihumelela timbilwini ta n'wina.

Vaefesa 5:8

Hikuva khale n'wina hi n'wexe amili munyameni, kambe svosvi, lesvi mingahundzuka vanhu va Hosi, mi le kuvonakaleni. Hanyani kufana ni vanhu va kuvonakala,

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Vaheveru 1:3

Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,

2 Vakorinto 3:18

Hina hinkwerhu lava hinga ni tinghohe tofununguliwa, hikombaka kuphatima ka Hosi kufana ni xib'uku, hihundzukile lavafanaka na yena hi kuphatima loku kungangamukaka kuya mahlweni. Hosi yiyendlile svosvo, yona yinga Moya.

Yohane 11:40

Yesu aku ka yena: “Xana anikubzelanga lesvaku loko upfumela, utavona kukwetsima ka Xikwembu ke?”

Vakolosa 1:15

Kriste i xifaniso xa Xikwembu lexingavoniwiki, mativula ya hinkwasvu lesvitumbuluxiweke.

Vaefesa 1:17

nikombela lesvaku Xikwembu xa Hosi ya hina Yesu Kriste, Tatana lweyi adzunekaka, ximinyika Moya wa vutlhari, xitipfuletela ha wona ka n'wina, lesvaku mitaxitiva svinene

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

Vafilipiya 2:6

Aali ni xiyimu xin'we ni Xikwembu, kambe angatiringanisanga ni Xikwembu,

Yohane 12:41

Ezaya avulile lesvi, hikuva avonile kudzuneka ka Yesu, na svona, aavulavula hi ta yena.

Luka 10:22

“Tatana avekile svilo hinkwasvu mavokweni ya mina; kutani aku na lweyi ativaka lesvaku N'wana i mani, loko angali Tatana; nasvona aku na lweyi ativaka Tatana lesvaku i mani, loko angali N'wana, ni lweyi N'wana alavaka kuhlavutela Tatana ka yena.”

Timhaka 26:18

utapfula mahlo ya vona lesvaku vahuma munyameni, vanghena kuvonakaleni, ni lesvaku vahuma kufumeni ka Sathana vanghena ka Xikwembu; loko vapfumela ka mina, vatakuma kurivaleliwa ka svijoho, kutani vatayaveliwa ndzhaka xikarhi ka vahlawuliwa va Xikwembu.’

1 Vakorinto 12:8

Mun'we anyikiwa hi Moya kuvulavula sva vutlhari, mun'wana anyikiwa kuvulavula sva vutivi, hi kuya hi Moya wolowo;

2 Vakorinto 2:10

Munhu mun'wana ni mun'wana lweyi mimurivalelaka, namurivalela na mina; hikuva lexi ningaxirivalela, loko hakunene nirivalele xijoho xin'we, hi kumirhandza, nisviyendlele n'wina, mahlweni ka Kriste,

Vaefesa 1:18

na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

1 Vatesalonika 2:12

hi mikhutazile, hi mitiyisile ni kumisusumeta lesvaku mihanya hi ndlela leyitsakisaka Xikwembu lexi ximivitanelaka kuyaveliwa kufuma ka xona ni kutwala ka xona.

Vaheveru 6:4

Asvinge koteki ka lava vatshamaka vavoningiwa hi Xikwembu, lavanampseke nyiko ya le tilweni, lavayaveliweke Moya Lowokwetsima,