2 Vakorinto 2:7 - Testamente Leyimpsha Xichangana

⁷ svosvi amitafanela kumurivalela, mimuchavelela, lesvaku angahluliwi hi gome kutlula mpimo.

BIBELE Mahungu Lamanene

⁷ sweswi a mi ta fanela ku n'wi rivalela, mi n'wi chavelela, leswaku a nga hluriwi hi gome ku tlula mpimo.

Xitsonga (Bibele)

⁷ kambe sweswi, mi fanele ku n'wi tsetselela ni ku n'wi chavelela leswaku a nga tshuki a dyiwa hi gome leri tlurisaka.

2 Vakorinto 2:7 Referans Kwoze

Vaefesa 4:32

Matshan'wini ya svona, twelanani vusiwana, mitsetselelana, mirivalelana, kufana ni lesvi Xikwembu na xona ximirivaleleke ka Kriste.

Vakolosa 3:13

Yamukelanani, kutani loko mun'we asola mun'wana, avarivalelane. Kufana ni lesvi Hosi yimirivaleleke, na n'wina rivalelanani.

2 Vatesalonika 3:6

Hamileleta vamakwerhu, hi vito ra Hosi Yesu Kriste, lesvaku mihambana ni makwenu wihi ni wihi lweyi angalaviki kutirha, lweyi angafambiki hi tijondzo leti himinyikeke tona.

1 Vatesalonika 4:13

Vamakwerhu, nilava lesvaku mitiva ntiyiso hi tlhelo ra lava vayetleleke vurhongo bza rifu, mitakala mingavaviseki kukota van'wana lavangaliki ni kulangutela.

Vafilipiya 2:27

Hakunene avabzile; aali kusuhi ni kufa, kambe Xikwembu ximutsetselelile, nasvona kungali yena ntsena, na mina xinitsetselelile, lesvaku ningatwi kuvaviseka henhla ka kuvaviseka.

2 Vakorinto 7:10

Loko kuvaviseka kurhwaliwa hi ndlela leyitsakeliwaka hi Xikwembu, kutisa kuhundzuka, kutani kuhundzuka loku kuyisa kuponisiweni, akukhomisi tingana; kasi kuvaviseka hi mhaka ya sva misava, kuvanga rifu.

2 Vakorinto 5:4

Hikuva loko hahali ntsongeni lowu wa hina, hakonya hi kutikeliwa: Ahilavi kulahlekeliwa hi miri lowu wa khale, kambe hilava kuyambala lowumpsha, lesvaku lesvi svifaka, svimintiwa hi vutomi.

1 Vakorinto 15:54

Kutani loko lexibolaka xitava xifunengele lexingaboliki, ni loko lexifaka xitava xifunengele lexingafiki, hi kona rito leritsaliweke ringatahetiseka, leringe: “Rifu rimitiwile, rihluliwele makumu.”

2 Vakorinto 2:8

Hikolaho, namikhongotela lesvaku mitlhela mimukomba rirhandzu.