2 Vakorinto 10:5 - Testamente Leyimpsha Xichangana

⁵ hihelisa ni svihingakanyo hinkwasvu lesvi svitlakukeke, lesvi svisivelaka vanhu kutiva Xikwembu. Hikoka miyanakanyu hinkwayu kuyingiseni ka Kriste.

BIBELE Mahungu Lamanene

⁵ hi mbundzumuxa ni swihingakanyo hinkwaswo swa lava tikurisaka, va sivela vanhu ku tiva Xikwembu. Hi koka mianakanyo hinkwayo hi yi endla leswaku yi yingisa Kriste.

Xitsonga (Bibele)

⁵ ni ku hlanhla makungu, ni rirhangu hinkwaro leri tlakukeke, leri sivelaka ku tiva ka Xikwembu, ni ku byisa mianakanyo hinkwayo eku yingiseni ka Kriste;

2 Vakorinto 10:5 Referans Kwoze

Vaheveru 4:12

Hikuva Rito ra Xikwembu rahanya, nasvona ratirha, rikariha kutlula tlhari lerilotiweke matlhelo ha mambirhi, ritlhava rikondza rihambanyisa ahefemulo ni moya, ni marhambu ni mongo, hi rona leri yavanyisaka miyanakanyu ni makungu ya mbilu.

Varhoma 7:23

kambe ka svirho sva mina nikuma nawu wun'wana, lowulwaka ni nawu lowu wufambisaka miyanakanyu ya mina; wuniyendla mubohiwa nawini wa kujoha lowufumaka svirho sva mina.

Matewu 15:19

Hikuva miyehleketo leyobiha, kudlayana, vuwosvi, vuphukuphuku, ni kuyiva, vumboni bza mavunhwa ni kurhuketela,

Varhoma 1:21

Hambi loko vativile Xikwembu, avaxidzunisanga vaku i Xikwembu, avaxikhensanga; kambe vapimisile lesvokala svingapfuni nchumu, ni timbilu ta vona letingaliki na kutwisisa tibihisiwile.

1 Vakorinto 3:19

Hikuva vutlhari bza misava leyi i vuhunguki mahlweni ka Xikwembu. Kutsaliwile lesvi: “Xikwembu xiphasa tintlhari ka maqhinga ya tona.”

1 Vakorinto 1:19

Hikuva kutsaliwile lesvaku: “Nitawonha vutlhari bza tintlhari, nibakanya vutivi bza tintivi.”

Vaheveru 5:9

Kutani loko ayendliwile lweyi ahetisekeke, ahundzukile xihlovo xa kuponisiwa lokungaheliki ka hinkwavu lava vamuyingisaka,

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

2 Vatesalonika 2:8

Kutani hi kona munhu lweyi wohomboloka angatahumeseliwa rivaleni, kutani Hosi Yesu atamudlaya hi moya lowuhumaka non'weni wa yena, amuhelisa hi kukwetsima ka yena, siku leri avuyaka.

Luka 1:51

Atirhile hi matimba hi voko ra yena, ahangalasile lavatikulisaka kuyanakanyeni ka vona.

2 Vatesalonika 2:4

Munhu lweyi alwa ni hinkwasvu lesvihlayiwaka lesvaku svi ni vukwembu, kumbe lesvigandzeliwaka, kutani atikulisa henhla ka svona, akondza ayatshama Tempeleni ya Xikwembu, na ali karhi atihlaya lesvaku yena hi yena Xikwembu.

2 Vakorinto 9:13

Ntirho lowu i xikombiso xa kupfumela ka n'wina, kutani vadzunisa Xikwembu hikolaho ka svona: Evhangeli ya Kriste, miyipaluxile, mitlhela miyendla lesvi yihlayaka svona, loko mili karhi miyavelana ni vahlawuliwa hinkwasvu lesvi minga na svona, miyavela ni vanhu van'wana, hi kunyika lokukulu.

Varhoma 16:26

kambe svosvi xihumeseliweke rivaleni hi Matsalwa ya vaprofeta, hi kulandza kulerisa ka Xikwembu lexingaheliki, xona xihundla lexi xingativisiwa vamatiko hinkwavu, lesvaku vanhu vapfumela, vatlhela vayingisa.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

1 Petro 1:2

vanga lavahlawuliweke khale hi vutivi bza Xikwembu Tatana, vahlawulekisiwa hi Moya lesvaku vayingisa Yesu Kriste ni kuxuviwa hi ngati ya yena, nili: Timpsalu ni kurhula asvive na n'wina hi ntalu.

2 Vakorinto 11:20

Loko munhu amiyendla svikarawa, ni loko amikanganyisa, ni loko aphanga sva n'wina, ni loko amilangutela hansi, ni loko amiyamasa, misviyamukela hinkwasvu.

Vafilipiya 4:7

kutani kurhula ka Xikwembu lokutlulaka kutwisisa hinkwaku, kutahlayisa timbilu ta n'wina ni miyanakanyu ya n'wina ka Yesu Kriste.