2 Vakorinto 1:12 - Testamente Leyimpsha Xichangana

¹² Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

BIBELE Mahungu Lamanene

¹² Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Xitsonga (Bibele)

¹² Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

2 Vakorinto 1:12 Referans Kwoze

1 Vakorinto 2:13

Lesvi, hi svona lesvi hivulavulaka hi svona, kungali hi marito lawa majondzisiweke hi vutlhari bza vanhu, kambe hi marito lawa majondzisiweke hi Moya, na hili karhi hihlamusela sva Moya ka lava vanga ni Moya.

2 Vakorinto 2:17

Hikuva ahifani ni lavotala, lavayendlaka bindzu leri ra kubiha hi Rito ra Xikwembu; kambe hivulavula kufana ni vanhu va timbilu ta kutenga, kufana ni lavarhumiweke hi Xikwembu; hivulavula mahlweni ka Xikwembu na hili va ka Kriste.

1 Vatesalonika 2:10

Mi timboni ta hina, na xona Xikwembu i mboni: Mahanyela ya hina ka n'wina lavapfumeleke, amali lawa ya kubasa ni lawa ya kululama, mangali na xisandzu.

1 Petro 3:21

Ntsakamiso wuyelana ni mhaka leyi; svosvi wa miponisa, kungali hi kususa nsila mirini, kambe hi kuyendla lesvaku mikombela ripfalu leribaseke ka Xikwembu. Ntsakamiso wa miponisa hi mhaka ya kupfuka ka Yesu Kriste kufeni,

Vaheveru 13:18

Hikhongeleleni, hikuva hitshemba svinene lesvaku hi ni ripfalu leritengeke, na hili karhi hinavela kuyendla lesvilulameke minkarhi hinkwayu.

2 Vakorinto 8:8

Animirhumi, kambe nimibzela ntsena hilaha van'wana vahisekelaka kupfuna hakona, nitativa kutiya ka rirhandzu ra n'wina.

2 Vakorinto 4:2

Hitshikile mintirho hinkwayu ya munyama ni ya tingana; ahihanyi hi kukanganyisa vanhu; ahihambukisi Rito ra Xikwembu; kambe hihumelelisa ntiyiso rivaleni, kutani hitikomba na hili lavakhensekaka aripfalwini ra mun'wana ni mun'wana, ni le mahlweni ka Xikwembu.

1 Vakorinto 15:10

Kambe ni lesvi ningaxisvona hi timpsalu ta Xikwembu, kutani timpsalu takona, leti Xikwembu xinikombeke tona, atiwelanga hansi. Ntiyiso wakona hi lesvaku nitirhile ngopfu kuvatlula hinkwavu; hambi svilitano, akutirhanga mina, kambe kutirhile timpsalu ta Xikwembu leti tinga ka mina.

Timhaka 24:16

Hikolaho niringeta hi matimba, masiku hinkwawu, kukumeka na nili lweyi atshunxekeke moyeni wa mina, mahlweni ka Xikwembu ni le mahlweni ka vanhu.

Timhaka 23:1

Pawulo ahonokela huvu, aku: “N'wina valekwerhu, nihanyile na nili lweyi atshunxekeke svinene ripfalweni ra mina ni le mahlweni ka Xikwembu, kufikela siku ra namuntlha.”

1 Petro 3:16

kambe misviyendla hi moya wa kutenga. Nasvona, mitshama na mili ni ripfalu leribaseke, lesvaku loko mihembeliwa, lavasandzaka mahanyela ya n'wina layolulama ka kriste, vatakhomiwa hi tingana.

1 Timotiya 1:5

Kasi, laha xitsundzuxu xa hina xikongomeke kona, i kupfuxa rirhandzu lerihumaka mbilwini leyobasa ni le ripfalwini lerinene, ni le kupfumeleni ka ntiyiso.

Vafilipiya 1:10

na mitakota kuhlawula lesvinga svinene kutlula svin'wana; hi ndlela yoleyo, mitava lavatengeke, mingahali na nandzu kufikela sikwini ra Kriste;

Vaefesa 6:14

Loko svilitano, tshamani na mitilulamisile. Tikhameni hi ntiyiso wuva bandi ra n'wina. Yambalani kululama xiva xisirhelelo xa n'wina xa le xifuveni,

Vagalatiya 6:4

Mun'wana ni mun'wana aakambisise ntirho wa yena, kuli kona angakotaka kutidzunisa hi sva yena, kungali hi sva mun'wana;

2 Vakorinto 11:3

Kambe, kufana ni lesvi nyoka yikanganyiseke Evha hi maqhinga ya yona, nachava lesvaku hi tindlela tin'wana miyanakanyu ya n'wina yingawonhiwa, kutani mingahasvikoti kulandzela Kriste hi kutinyiketa ni kutenga.

2 Vakorinto 1:17

Xana anotlanga loko ninavelile kuyendla svosvo ke? Xana aniyendla makungu ya mina kufana ni vanhu van'wana, niku: “Ina, ina!” “Ihim, ihim!” hi nomo wun'we ke?

1 Vakorinto 5:8

Hikolaho, ahiyendleni nkhuvu kungali hi comela ra khale, kungali hi comela ra vujoho ni kuhomboloka, kambe kuli hi xinkwa xokala comela, xotenga ni xa ntiyiso.

1 Vakorinto 4:4

Anititwi na nili ni nandzu wa nchumu; kambe lesvi hi svona lesvi sviniyendlaka lweyi alulameke; lweyi aniyavanyisaka i Hosi.

Varhoma 9:1

Nivula ntiyiso, ni wa Kriste, anihembi; ni ripfalu ra mina, hi kupfuniwa hi Moya Lowokwetsima, ritiyisa svona:

Yakobo 4:6

Hambi svilitano, xihikomba timpsalu letinga tikulu kutlula svosvo, hikuva Tsalwa rili: “Xikwembu xiyalela vatikulisi, kambe xitsetselela lavatitsongahataka.”

Tito 2:7

Rhanga wena uva xikombiso xa mintirho leyinene hi matlhelo hinkwawu. Kujondzisa ka wena akuve loku kubaseke ni kutshembeka;

1 Vakorinto 1:17

Kriste anirhumile, kungali kutakhuvula, kambe kupaluxa Evhangeli; na svona, kungali hi vutlhari kuvulavuleni, lesvaku xihambanu xa Kriste xingatshuki xihundzuka sva hava.

1 Vakorinto 12:8

Mun'we anyikiwa hi Moya kuvulavula sva vutlhari, mun'wana anyikiwa kuvulavula sva vutivi, hi kuya hi Moya wolowo;