2 Timotiya 4:8 - Testamente Leyimpsha Xichangana

⁸ Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.

BIBELE Mahungu Lamanene

⁸ Leswi saleke, hileswaku harhi ya vahluri yi ndzi yimerile, ku nga ku lulama loku Hosi, muavanyisi lowo lulama, yi nga ta ndzi nyika hi siku lerikulu; kutani a yi nga nyiki mina ntsena, kambe yi ta nyika ni hinkwavo lava tsakeleke ku humelela ka yona.

Xitsonga (Bibele)

⁸ leswi seleke hileswaku harhi ya ku lulama yi ndzi tshamele, leyi Hosi yi nga ta ndzi nyika siku lero, yena a nga muavanyisi lowo lulama; kambe a nga ka a nga nyiki mina ntsena, kambe hinkwavo lava nga ta va va rhandzile ku humelela eka yena.

2 Timotiya 4:8 Referans Kwoze

Yakobo 1:12

Kukatekile munhu lweyi atiyiselaka kuringiweni, hikuva loko ahlulile miringo, atanyikiwa hari ya vutomi leyi Xikwembu xiyitshembiseke lava vaxirhandzaka.

Nhlavutelo 2:10

Ungachavi lesvinga kusuhi ni kukutwisa kuvava. Vona, Diyavulosi alava kuhoxa van'wana va n'wina jele, lesvaku mitaringiwa, kutani mitava ni kuxaniseka loku kungataheta khume ra masiku. Vana lweyi atshembekaka kufika kufeni, kutani mina nitakunyika hari ya vutomi.

1 Petro 5:4

Kutani siku leri murisi lwenkulu angatahumelela, mitakuma hari leyo ya kudzuneka, leyingaliki na kuwonheka.

1 Petro 1:4

ni lesvaku hinyikiwa ndzhaka leyingaboliki, leyinganyamisiwangiki, leyingavuniki. Mivekeliwile yona matilweni,

2 Timotiya 1:12

Kutani nixaniseka hi ndlela leyi hikolaho ka svona; kambe a ni na tingana, hikuva nitiva lweyi nipfumeleke ka yena, kutani nitshemba svinene lesvaku wasvikota kuhlayisa lesvi asvivekeke mavokweni ya mina, kuyafika siku lerikulu.

1 Vakorinto 9:25

Hinkwavu lavaphikizanaka mintlangwini, vatikhoma hi matlhelo hinkwawu. Vayendla svosvo lesvaku vatakuma hari leyiwonhekaka; kambe hina hilava leyi yingawonhekiki.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

Nhlavutelo 1:7

Vonani, wata ni marefu! Mahlo hinkwawu matamuvona, hambi lava vamutlhaveke. Tinxaka hinkwatu ta vanhu va misava titaba nkosi tirila hikolaho ka yena, hakunenenene! Amen.

Tito 2:13

na hili karhi hilangutela minkateko leyi hitshembisiweke yona, siku leri kungatahumelela kukwetsima ka Xikwembu Nkulukumba, ni Muponisi wa hina Yesu Kriste.

Nhlavutelo 19:11

Ndzhaku ka svona, nivona tilo ripfuliwile, kan'wekan'we, kuvoneka hanchi robasa. Lweyi agadeke rona, mavito ya yena vali i “Mutshembeki” ni “Ntiyiso”. Ayavanyisa ni kulwa hi kululama.

2 Timotiya 2:5

Mutlangi wa mintlangu angatlhantekiwi hari, loko angalandzi milawu yakona.

2 Timotiya 4:1

Mahlweni ka Xikwembu ni le ka Kriste Yesu lweyi angatayavanyisa lavahanyaka ni lavafeke, ni hikolaho ka kuhumelela ka Yesu ni Mfumu wa yena, na kukhongotela svinene nili:

1 Timotiya 6:19

Hi ndlela leyi vatihlengeletela xuma lexinene, lexitiyeke, xa minkama leyitaka, lesvaku vatayamukela vutomi bza ntiyiso.

1 Vakorinto 2:9

Kambe hilaha kutsaliweke hakona vaku: “Lesvi ni tihlo ni rin'we rikalaka ringasvivonanga, lesvi ni ndleve ni yin'we yikalaka yingasvitwanga, lesvingasikitshama svinghena ka miyanakanyu ya munhu, hi svona lesvi Xikwembu xisvilungiseleke lava vaxirhandzaka.”

Nhlavutelo 22:20

Yena lweyi ativisaka ntiyiso wa timhaka leti, ali: “Hakunene, nata svosvisvosvi.” Amen, tana Hosi Yesu!

Nhlavutelo 4:10

vakulukumba lava va makume mambirhi ni mune avakhinsama mahlweni ka lweyi atshameke xiluvelweni, vagandzela yena lweyi ahanyaka hilaha kungaheliki, vahoxa tihari ta vona mahlweni ka xiluvelo, vayimbelela vaku:

Nhlavutelo 4:4

Xiluvelo axirhendzeliwile hi sviluvelo svin'wana sva makume mambirhi ni mune, na kutshamile vakulukumba va makume mambirhi ni mune ka svona, lava avayambele sviyambalu lesvobasa, na vali ni tihari ta golidi tinhlokweni.

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.

2 Timotiya 1:18

Ingi Hosi yingayendla lesvaku akuma kutsetseleliwa mahlweni ka yona sikwini lerikulu. Na wena wayitiva svinene mintirho leyi aniyendleleke le Efesa.

1 Vatesalonika 1:10

Nasvona milangutela kuta ka N'wana wa xona Yesu hi le matilweni, lweyi ximupfuxeke xikarhi ka vafi, lweyi ahiponisaka kuyavanyiseni ka xona loku kutaka.

Varhoma 8:23

Akukonyi svivumbiwa ntsena, kambe na hina hingayamukela mihandzu yorhanga ya Moya Lowokwetsima, hakonya ndzeni ka hina, na hili karhi hilangutela kuyendliwa vana, kunga kuponisiwa ka miri wa hina.

Varhoma 2:5

Hi mbilu ya wena leyi ya kunonon'hwa, leyingalaviki kuhundzuka, utiyengetelela vukarhi lebzingatakuwela hi siku lerochavisa, leri kuthethisa loku kululameke ka Xikwembu kungatahumelela ha rona.

Matewu 24:36

Loko rili siku rakona ni nkarhi wakona, aku na lweyi asvitivaka, hambi tili tintsumi ta le matilweni, hambi ali N'wana; kambe, svitiviwa ntsena hi Tatana.

Matewu 7:22

“Hi siku lero lavotala vataku ka mina: ‘Hosi, Hosi, xana ahiprofetanga hi vito ra wena ke? Xana ahihlongolanga madimoni hi vito ra wena ke? Xana ahiyendlanga mahlori lawa yotala hi vito ra wena ke?’ ”

1 Vatesalonika 5:4

Kambe n'wina vamakwerhu, ami le munyameni; hi kolaho, siku rakona aringamitshuketi kufana ni muyivi.

2 Vakorinto 5:2

Hakunene, loko hahali ntsongeni lowu, hakonya na hili karhi hinavela ngopfu kuyambala yindlo ya hina ya le tilweni,

Luka 10:12

Namibzela lesvaku Sodoma atavevukiseliwa kutlula doropa rolero hi siku ra kuyavanyisa.

1 Vakorinto 3:13

ntirho wa munhu lweyi wutavoneka; hikuva siku ra Hosi ritafika na rili ni ndzilo, ritakomba lesvi ntirho wa mun'wana ni mun'wana wunga svona, kutani ndzilo wutaringeta kutiya ka ntirho wakona.

Vafilipiya 3:11

hi kutshemba lesvaku loko sviyendleka, na mina nitakuma kupfuka xikarhi ka vafi.

2 Vatesalonika 2:8

Kutani hi kona munhu lweyi wohomboloka angatahumeseliwa rivaleni, kutani Hosi Yesu atamudlaya hi moya lowuhumaka non'weni wa yena, amuhelisa hi kukwetsima ka yena, siku leri avuyaka.

2 Timotiya 1:10

Kutani svosvi timpsalu leti tatikomba rivaleni, hi kuta ka muponisi wa hina Kriste Yesu, yena lweyi aheliseke rifu, ahumesela rivaleni vutomi lebzingawonhekiki, hi matimba ya Evhangeli.

Vaheveru 12:11

Hikuva kulaya hinkwaku, kuvoneka na kuvavisa hi nkarhinyana wolowo, lokungatsakisiki, kambe ndzhaku, kuveka mihandzu ya kurhula ya vutomi lebzolulama, ka lava vajondzisiweke hi kona.