2 Timotiya 4:7 - Testamente Leyimpsha Xichangana

⁷ Nilwile nyimpi leyinene, nihetile mpfhuka wa mina wa kutsutsuma, nihlayisile kupfumela.

BIBELE Mahungu Lamanene

⁷ Ndzi lwile nyimpi leyinene, ndzi hetile mpfhuka wa mina wa ku tsutsuma, ndzi hlayisile ku pfumela.

Xitsonga (Bibele)

⁷ Ndzi lwile ku lwa lokunene, ndzi hetisile ku tsutsuma ka mina, ndzi hlayisile ku pfumela;

2 Timotiya 4:7 Referans Kwoze

1 Timotiya 6:12

Lwana nyimpi leyinene ya kupfumela; khoma svitiya, vutomi lebzingaheliki, lebzi ungavitaniwa hikolaho ka bzona ni kuveka vumboni lebzinene henhla ka bzona, mahlweni ka vanhu lavotala lavangakutwa.

Timhaka 20:24

Hambi svilitano, nivona lesvaku kulahlekeliwa hi vutomi, asvi na mhaka nikutsongo ka mina, loko ningakota ntsena kuheta lesvi ningarhumiwa kuyendla svona, ni ntirho lowu niwuyamukeleke ka Hosi Yesu, wa kuvula Evhangeli ya timpsalu ta Xikwembu.

Yohane 4:34

Yesu aku ka vona: “Svakuja sva mina i kuyendla kurhandza ka lweyi anirhumeke, ni kuheta ntirho wa yena.”

Luka 11:28

Yesu aku: “Kukatekile ngopfu lavayingisaka Rito ra Xikwembu, vava varihlayisa!”

Nhlavutelo 3:8

Nitiva mintirho ya wena. Vona, nivekile mahlweni ka wena xipfalu lexipfulekeke, lexi kungaliki na mun'we lweyi angakotaka kuxipfala. Nasvitiva lesvaku matimba ya wena i matsongo, kambe rito ra mina urihlayisile, ni vito ra mina awuriyalanga.

Nhlavutelo 3:10

Lesvi ungahlayisa rito ra mina ra lesvaku ufanela kutiyisela, na mina nitakusirhelela nkarhini wa ndzingo lowu wungatata misaveni hinkwayu, kutaringa vayaki va misava.

Luka 8:15

Kambe mbewu leyingawela misaveni leyinene, i vanhu lavayingisaka Rito hi timbilu letolulama, letinene, varihlayisa, vaveka mihandzu hi kutiyisela.

1 Timotiya 6:20

Wena Timotewu, hlayisa lesvivekiweke mandleni ya wena. Fambela kule ni kuvulavula sva hava lesvingaliki na vukhongeli, ni kukanetana hi lesvihlayiwaka “vutivi”, kasi ahi bzona.

2 Timotiya 1:14

Hlayisa lesvinene lesvivekiweke mavokweni ya wena, hi kupfuniwa hi Moya Lowokwetsima lowuyakeke xikarhi ka hina.

1 Timotiya 1:18

Timotewu n'wananga, niveka milawu leyi mavokweni ya wena, hikuva utsundzuka lesvaku ku ni lavangaprofeta lesvi ungatava svona; marito lawa amakutiyise, utakota kulwa nyimpi leyinene,

Yohane 17:6

“Nikutivisile ka vanhu lava uninyikeke vona vali lavahlawuliweke misaveni; avali va wena; uninyikile vona, kutani vahlayisile rito ra wena.

Timhaka 13:25

Kutani loko Yohani alava kuheta ntirho wa yena, ate: Xana mipimisa lesvaku ni mani ke? Aniyena lweyi mimulangutelaka; kambe vonani, wata ndzhaku ka mina lweyi svinganifanelangiki kumuhlivila masandhazi.

Vagalatiya 2:2

Nitlhantukele kona hi kuhlavuteliwa hi Xikwembu. Nivonanile ni vafambisi vakona hi tlhelo, kutani nivahlayela Evhangeli leyi niyitwaliseke ndzeni ka vamatiko. Aningalavi lesvaku lesvi nisvitirheke, ni lesvi nisvitirhaka svosvi, svihundzuka ntirho wa mahala.

Vafilipiya 1:30

Svosvi, n'wina na mina hilwa nyimpi yin'we leyi minivoneke nilwa yona, leyi mitwaka lesvaku nahalwa yona ni svosvi.

2 Timotiya 3:10

Svosvi-ke, ulandzelelile kujondzisa ka mina ni mahanyela ya mina, makungu ya vutomi bza mina ni vupfumeli bza mina, kulehisa ka mina mbilu, ni rirhandzu ra mina ni kutiyisela ka mina.

Nhlavutelo 6:11

Kutani mun'wana ni mun'wana wa vona anyikiwa xiyambalu xoleha lexobasa; vabzeliwa kuya mahlweni ni kuhumula nkarhinyana kambe, kukondza kuhetiseka ntsengo wa malandzakulobze ni vamakwavu, lava vangatadlawa kufana na vona.