2 Timotiya 4:10 - Testamente Leyimpsha Xichangana

¹⁰ Hikuva Demasi, hi kurhandza ngopfu sva misava leyi, anibalekile aya Thesalonika. Kreskene ayile Galatiya, na Tito ayile Dalmasiya.

BIBELE Mahungu Lamanene

¹⁰ Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

Xitsonga (Bibele)

¹⁰ hikuva Demasi u ndzi siyile hi ku rhandza swa nkarhi wa sweswi, kutani u tifambele eTesalonika; Kreskene u yile eGalatiya, na Tito u yile eDalamatiya;

2 Timotiya 4:10 Referans Kwoze

2 Timotiya 1:15

Wasvitiva lesvaku hinkwavu lavanga le tikweni ra Aziya vanisukelile, xikarhi ka vona ku na Fixjelo na Hermoxjene.

2 Vakorinto 2:13

Kambe aningatshunxekanga moyeni, hikuva Tito makwerhu animukumanga; hi kolaho, nivasalisile, kutani ni ya Makedoniya.

Timhaka 16:6

Vapostola vatsemakanya matiko ya Frixjiya ni ya Galatiya, kutani Moya Wokwetsima wuvasivela kuyavula Rito tikweni ra Aziya.

Filemoni 1:24

svitano na Marka, Arixtarko, na Demasi, na Luka, vatirhikulorhi: Na vona vakurungula.

2 Timotiya 4:16

Kusunguleni ka kutihlamulela ka mina hubzeni, kupfumalekile ni mun'we wa kuyima na mina; hinkwavu vanibalekile. Vangavekiwi nandzu ka svona.

Vafilipiya 2:21

Lavan'wana hinkwavu vatikarhatela ntsena lesvinga sva vona, kungali sva Yesu Kriste.

2 Vakorinto 7:6

Kambe Xikwembu lexichavelelaka lavaheleke matimba, xinichavelelile hi kufika ka Tito;

Timhaka 17:11

Va le Bereya, avatlula va le Thesalonika hi malwandla, vayamukela Rito hi kukhensa lokukulu, vakambisisa Matsalwa masiku hinkwawu, valava kutiva lesvaku xana timhaka titano ke.

Timhaka 17:1

Pawulo na Silasi vafamba hi ndlela leyihundzaka hi le Amfipolisi ni le Apoloniya, vafika Thesalonika, laha akuli ni sinagoga ra Vayuda.

2 Petro 2:15

Vatshikile ndlela leyinene, valandza ndlela ya Balamu n'wana Beyori, lweyi arhandzeke bindzu hi kuyendla lesvohomboloka.

Tito 1:4

Nitsalela Tito, n'wananga wa xiviri, kupfumeleni loku hinga nakona svin'we, nili: Timpsalu ni kurhula, asvive na wena, svihuma ka Xikwembu Tatana, ni ka Yesu Kriste Muponisi wa hina!

1 Timotiya 6:17

Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

1 Timotiya 6:10

Hikuva kurhandza ngopfu male i rimintsu ra lesvobiha hinkwasvu; hi yo mhaka ya kunavela male ngopfu leyi yingahambukisa van'wana, vatshika vupfumeli, kutani timbilu ta vona tingheniwa hi svivilelo lesvotala.

Vagalatiya 1:2

nitsala na nili ni vamakwerhu hinkwavu lavanga na mina halenu, hitsalela tikereke ta Galatiya, hili:

2 Vakorinto 8:16

Akukhensiwe Xikwembu lexiyendlaka lesvaku Tito ahiseka kufana na hina kumipfuna.

2 Vakorinto 8:6

Hikolaho hikhongotelile Tito, lweyi asunguleke ntirho wolowo, kuya mahlweni na wona, amipfuna kuhetisa nyiko leyi ya timpsalu.

Timhaka 18:23

Atshama nkarhinyana kona, kutani asuka, arhendzeleka hinkwaku matikweni ya Galatiya ni ya Frixjiya, na atiyisa vajondzisiwa hinkwavu.

Timhaka 17:13

Kambe loko Vayuda va le Thesalonika vatwa lesvaku rito ra Xikwembu rivuliwile hi Pawulo ni le Bereya, vaya kona, vakanakanisa ni kupfilunganyisa xitshungu.

Timhaka 15:38

Kambe Pawulo avona lesvaku svitava svihoxekile loko vafamba ni munhu lweyi, hikuva aahambene na vona Pamfiliya, angayanga na vona ntirhweni.

Timhaka 13:13

Pawulo ni lava avali na yena, vasuka Pafo hi ngalawa, vapelela le Perxje, doropa ra Pamfiliya. Kambe Yohani ahambana na vona, atlhelela Yerusalema.

Luka 17:32

Tsundzukani ta nsati wa Loti.

Luka 16:13

“Aku na mutirhi lweyi angakotaka kutirhela tihosi timbirhi, hikuva atavenga yin'we, arhandza leyin'wana; kumbe atanamarhela yin'we afularhela leyin'wana. Mingekoti kutirhela Xikwembu na Mamona.”

Luka 14:33

Kutani-ke mani na mani xikarhi ka n'wina lweyi angatshikiki lesvi anga na svona, angakala angakoti kuva mujondzisiwa wa mina.

Matewu 26:56

Hambi svilitano, svilo lesvi hinkwasvu svihumelelile lesvaku kuhetiseka lesvitsaliweke hi vaprofeta.” Hi loko vajondzisiwa hinkwavu vamusiya, vabaleka.

Matewu 12:32

mani na mani lweyi angatajohela N'wana-wa-Munhu hi kumusandza, atarivaleliwa; kambe lweyi angatajohela Moya Lowokwetsima hi kuwusandza, angakala angarivaleliwi, hambi kuli nkarhini wa svosvi, hambi kuli nkarhini lowutaka.

2 Vakorinto 8:23

Loko ali Tito, i nakulorhi lweyi nitirhisanaka na yena kumipfuna; loko vali vamakwerhu lavan'wana, i varhumiwa va tikereke, lava Kriste achavisekaka hi mhaka ya vona.