2 Timotiya 2:22 - Testamente Leyimpsha Xichangana

²² Chava kuhluliwa hi kunavela loku kutelaka lavampsha, ulandza kululama, ni kupfumela, ni rirhandzu, ni kurhula, svin'we ni lavakhongelaka Hosi hi timbilu letitengeke.

BIBELE Mahungu Lamanene

²² Chava ku hluriwa hi ku navela loku telaka lavantshwa, u kongoma ku lulama, ni ku pfumela, ni rirhandzu, ni ku rhula, swin'we ni lava khongelaka Hosi hi timbilu leti tengeke.

Xitsonga (Bibele)

²² Kambe chava ku navela loko biha ka lavantshwa; kambe landza ku lulama, ni ku pfumela, ni rirhandzu, ni ku rhula swin'we ni lava khongelaka Hosi hi timbilu leto tenga.

2 Timotiya 2:22 Referans Kwoze

1 Petro 2:11

Varhandziwa, lesvi minga vatshami ni vayendzi misaveni, namikhongotela hi matimba lesvaku mihambana ni kunavela ka miri, lokulwaka ni mimoya ya n'wina.

1 Petro 3:11

aatshike lesvohomboloka ayendla sva kululama; aalave kurhula atiyisela ndleleni yakona.

1 Vakorinto 6:18

Chavani vunghwavana! Xijoho xin'wana ni xin'wana lexi munhu axiyendlaka xi le handle ka miri wa yena; kambe lweyi awosvaka ajohela miri wa yena.

1 Timotiya 6:11

Kambe loko ali wena, munhu wa Xikwembu, fambela kule ni svilo lesvi hinkwasvu. Kongoma kululama, ni vukhongeli, ni kupfumela, ni rirhandzu, ni kutiyisela, ni timpsalu.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

1 Timotiya 4:12

Kungavi ni lweyi achipisaka vumpsha bza wena, kambe vana xikombiso xikarhi ka vapfumeli hi mavulavulela ni mahanyela ya wena, hi rirhandzu ni kupfumela ni kutenga.

1 Vakorinto 10:14

Hikolaho, vamakwerhu lavarhandzekaka, chavani kugandzela svikwembu sva hava.

1 Timotiya 1:5

Kasi, laha xitsundzuxu xa hina xikongomeke kona, i kupfuxa rirhandzu lerihumaka mbilwini leyobasa ni le ripfalwini lerinene, ni le kupfumeleni ka ntiyiso.

3 Yohane 1:11

Murhandziwa, ungatekeleli mikhuva leyi yobiha, kambe tekelela leyi yosaseka. Lweyi ayendlaka lesvinene i wa Xikwembu; kambe lweyi ayendlaka lesvobiha angavonanga Xikwembu.

1 Vakorinto 1:10

Namikhongotela vamakwerhu, hi vito ra Hosi ya hina Yesu Kriste, nili: Twananani hinkwenu kuvulavuleni. Kungatshuki kuva ni kuhambana xikarhi ka n'wina, kambe mihlangana miva van'we kupimiseni ni le makungwini ya n'wina;

Varhoma 14:19

Loko svilitano ke, ahilaveni lesvihipfunaka kuhanya hi kurhula, ni kuyakisana.

1 Vakorinto 14:1

Tikarhateleni kuva ni rirhandzu, kambe nasvona michivirikela tinyiko ta Moya, ngopfungopfu nyiko ya kuprofeta.

1 Vakorinto 1:2

ka kereke ya Xikwembu leyinga Korinto, vanga lavavitaniweke kuva vahlawuliwa va Xikwembu hi kubasisiwa ha Kriste Yesu; ka hinkwavu lavanga matikweni hinkwawu, lavakhongelaka vito ra Hosi ya hina Kriste Yesu, yinga Hosi ya vona ni ya hina, hili:

Varhoma 14:17

Hikuva Mfumu wa Xikwembu ahi kuja, ahi kunwa; kambe i kululama ni kurhula ni kutsaka, hi matimba ya Moya Lowokwetsima.

Timhaka 9:14

Kutani ni kola, anyikiwile matimba hi Vaprista lavakulu kukhoma vanhu hinkwavu lavakhongelaka vito ra wena.”

1 Timotiya 2:8

Hikolaho, ninavela lesvaku, tindhawini hinkwatu, vavanuna vakhongela na vatlakusile mavoko lawa mabaseke, kuli hava kukariha kumbe madzolonga.

1 Timotiya 1:14

Kambe timpsalu ta Hosi ya hina tinitalelile, svin'we ni kupfumela ni rirhandzu, svinga lesvinga ka Kriste Yesu.

Timhaka 7:59

Kakuloko vali karhi vamukhandla hi maribze, Stefano akhongela, aku: “Hosi Yesu, yamukela moya wa mina!”