2 Timotiya 2:19 - Testamente Leyimpsha Xichangana

¹⁹ Hambi svilitano, masungulu layotiya lamavekiweke hi Xikwembu amatsekatseki; matiyisiwa hi rito leringe: “Hosi yitiva lavanga va yona.” Nasvona: “Mani na mani lweyi avulaka vito ra Hosi, aahambane ni lesvohomboloka.”

BIBELE Mahungu Lamanene

¹⁹ Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Xitsonga (Bibele)

¹⁹ Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

2 Timotiya 2:19 Referans Kwoze

Yohane 10:14

Hi mina mubzisi lwenene; nitiva leti tinga ta mina, ni leti tinga ta mina tanitiva.

1 Vakorinto 8:3

Kambe loko munhu arhandza Xikwembu, ativiwa hi xona.

Luka 13:27

Yena atayengeta amihlamula aku: ‘Anitivi lesvaku mihuma kwihi; sukani ka mina, n'wina hinkwenu lavayendlaka lesvingalulamangiki.’

Vagalatiya 4:9

Kambe lesvi namuntlha mitivaka Xikwembu (kumbe ningaku, lesvi namuntlha Xikwembu ximitivaka), xana sviyendlisa kuyini lesvaku mitlhelela ka mimoya leyi ya khale, leyitsaneke ya misava leyi ke? Hikolaho ka yini milava kutlhela mihundzuka svikarawa sva yona ke?

Nhlavutelo 3:8

Nitiva mintirho ya wena. Vona, nivekile mahlweni ka wena xipfalu lexipfulekeke, lexi kungaliki na mun'we lweyi angakotaka kuxipfala. Nasvitiva lesvaku matimba ya wena i matsongo, kambe rito ra mina urihlayisile, ni vito ra mina awuriyalanga.

Nhlavutelo 22:4

Vatavona nghohe ya xona, ni vito ra xona ritava mimombzeni ya vona.

Vaefesa 4:30

Mingakhomisini tingana Moya Lowokwetsima wa Xikwembu, hikuva i mfungu wa Xikwembu wukomba lesvaku mi vanhu va xona, ni lesvaku siku rata, leri xingatamiponisa ha rona.

1 Vakorinto 1:2

ka kereke ya Xikwembu leyinga Korinto, vanga lavavitaniweke kuva vahlawuliwa va Xikwembu hi kubasisiwa ha Kriste Yesu; ka hinkwavu lavanga matikweni hinkwawu, lavakhongelaka vito ra Hosi ya hina Kriste Yesu, yinga Hosi ya vona ni ya hina, hili:

2 Petro 3:14

Hikolaho varhandziwa, lesvi milanguteleke svilo lesvi, tikarhateni lesvaku Xikwembu ximikuma na mingali na xivati ni xisandzu, kambe ximikuma na mili ni kurhula.

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

Nhlavutelo 2:13

Nitiva laha uyakeke kona, laha xiluvelo xa Sathana xinga kona, ukhome svitiya vitweni ra mina, nasvona awulandzulanga kupfumela ka wena ka mina, hambi masikwini ya kudlayiwa ka Antipasi, mboni ya mina leyotshembeka leyidlayiweke xikarhi ka n'wina, laha Sathana ayakeke kona.

Matewu 7:23

Nkarhini wolowo nitavabzela rivaleni, niku: Animitivanga, ni siku ni rin'we; sukani ka mina, n'wina lavayendlaka lesvobiha!

Vaefesa 3:15

lweyi njangu, wun'wana ni wun'wana, matilweni ni la misaveni, wuhlayiwaka hikolaho ka yena.

Varhoma 15:20

akuli kunavela ka mina lokukulu kuvula Evhangeli lomu vito ra Kriste aringasitiviwa kona, lesvaku ningatshuki niyaka masungulweni lawa mavekiweke hi munhu mun'wana.

Timhaka 15:17

lesvaku vanhu lavan'wana hinkwavu vatakota kulava Hosi, vona vamatiko hinkwavu lava ningava vitana lesvaku vava vanhu va mina hakunene.

Matewu 7:25

Kutani mpfula yina, maboboma mata, timheho tihunga, sviba yindlo yoleyo; kambe yingawi, hikuva masungulu ya yona amali ribzeni.

1 Yohane 2:19

Vahumile ka hina, kambe avangali va hina; hikuva loko avali va hina avatatshama na hina ni svosvi, kambe lesvi svihumelelile akuva kutavoneka lesvaku ahi hinkwavu vanga va ka hina.

Varhoma 12:9

Rirhandzu ringatshuki riva ni kukanganyisa. Vengani lesvi sva kubiha, minamarhela lesvinene.

Marka 13:22

hikuva kutahumelela va Kriste va mavunhwa, ni vaprofeta va mavunhwa; vatayendla mahlori ni svihlamaliso kuhambukisa na vona vahlawuliwa va Xikwembu, loko svikoteka.

Varhoma 9:11

Kutani loko vana lava vangasivelekiwa, ni loko vangasiyendla xosaseka kumbe xobiha, Rabeka abzeliwile lesvaku: “Lweyi nkulu atatirhela lweyi ntsongo.”

1 Timotiya 6:19

Hi ndlela leyi vatihlengeletela xuma lexinene, lexitiyeke, xa minkama leyitaka, lesvaku vatayamukela vutomi bza ntiyiso.

Varhoma 8:28

Nakona hitiva lesvaku, svilo hinkwasvu svihlengela kun'we kutiyisa, lesvinene ka lava vaxirhandzaka, vanga lava xivavitaneke, hi kuya hi sviboho sva makungu ya xona.

Timhaka 9:14

Kutani ni kola, anyikiwile matimba hi Vaprista lavakulu kukhoma vanhu hinkwavu lavakhongelaka vito ra wena.”

Yohane 13:18

“Anivulavuli nipatsa n'wina hinkwenu; nitiva lava nivahlawuleke; kambe Tsalwa rifanele kuhetiseka, leringe: ‘Lweyi ajaka xinkwa na mina, anihundzukelile, anikhadlanya.’

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Vaefesa 2:20

Na n'wina miyakiwa henhla ka masungulu lamavekiweke hi vapostola ni vaprofeta, ribze lerikulu ra masungulu na ali yena Yesu Kriste hi xiviri.

Varhoma 11:2

Xikwembu axicukumetanga tiko ra xona leri xiritiveke ni le kusunguleni. Xana amisvitivi lesvi Tsalwa rihlayaka svona mayelanu na Eliya ke? Avilelile mahlweni ka Xikwembu hikolaho ka Vaisrayele, aku:

Luka 6:48

Afana ni munhu lweyi ayakaka yindlo; acelile aya hansi svinene kutani aveka masungulu ribzeni; loko ndhambhi yita, boboma riba yindlo leyi, kambe ritsandzeka kuyitsekatsekisa, hikuva yiyakiwile khwatsi svinene.

Varhoma 15:9

ni lesvaku vamatiko vatakota kudzunisa Xikwembu hikolaho ka timpsalu ta xona, hilaha svitsaliweke hakona aku: “Hikolaho, nitakudzunisa xikarhi ka vamatiko, nitayimbelela nitwalisa vito ra wena.”

Nhlavutelo 21:14

Kutani rithangu ra doropa arili ni maribze ya masungulu ya khume ni mambirhi, na ka wona kuli ni mavito ya khume ni mambirhi ya vapostola lava va khume ni vambirhi va Xinyempfana.

Vaheveru 11:10

Mhaka hi lesvaku aalangutela doropa leringa ni masungulu lamanene, leri muyaki ni muyendli wa rona xinga Xikwembu.

Matewu 28:19

hi kolaho, fambani ka tinxaka hinkwatu, mivayendla vajondzisiwa va mina, mivakhuvula hi vito ra Tatana, ni ra N'wana, ni ra Moya Lowokwetsima,

Nhlavutelo 17:8

Xivandzana lexi uxivoneke, axili kona, kutani axahali kona, kambe xitafanela kutlhantuka xihuma hi le kheleni leroyenta svinene rokala makumu, xiya kuloveni. Kutani vayaki va laha misaveni, lava mavito ya vona makalaka mangatsaliwanga bukwini ya vutomi khale, na misava yingasitumbuluka, vatahlamala kuvona xivandzana, hikuva axili kona, kutani axahali kona, kambe xitafanela kutlhela xiva kona.

Timhaka 11:26

Kuteloko amukumile, avuya na yena Antiyoka. Vahlengeletana ni kereke lembe hinkwaru, na vali karhi vajondzisa ntshungu lowukulu. Le Antiyoka, hi kona laha vajondzisiwa vangasungula kuvuliwa Vakriste kona.

Yohane 3:33

Lweyi apfumelaka vumboni bza yena, atiyisile lesvaku Xikwembu i ntiyiso.

1 Timotiya 3:15

lesvaku loko nitshuka nihlwela, utasvikota kutiva hilaha munhu angahanyaka hakona loko ali njangwini wa Xikwembu, yinga kereke ya Xikwembu lexihanyaka, mhandze leyikulu ni xiseketelo xa lesvinga ntiyiso.

Marka 12:16

Vamunyika. Kutani aku ka vona: “Xifaniso lexi i xa mani ke? Ni vito leri i ra mani ke?” Vona vaku: “I sva Khezari.”