2 Timotiya 1:16 - Testamente Leyimpsha Xichangana

¹⁶ Ingi Hosi yingatsetselela njangu wa ka Oneziforo, hikuva makhambi yotala anirhulisile mbilu; na svona, kubohiwa ka mina hi machini akumukhomisanga tingana.

BIBELE Mahungu Lamanene

¹⁶ Ingi Hosi yi nga tsetselela ndyangu wa ka Onesiforo, hikuva ú ndzi rhulisile mbilu ko tala; naswona, ku bohiwa ka mina hi tinketani a ku n'wi khomisanga tingana.

Xitsonga (Bibele)

¹⁶ Hosi a yi tsetselele yindlu ya Onesiforo hikuva u ndzi chavelele kanyingi kambe a nga vanga na tingana hikwalaho ka ku bohiwa ka mina.

2 Timotiya 1:16 Referans Kwoze

2 Timotiya 4:19

Rungula Priskila na Akila ni va njangu wa ka Oneziforo.

Filemoni 1:20

Ina makwerhu, aniyamukele ntsakiso ka wena ni ka Hosi. Nyika kutsaka ka mbilu ya mina ha Kriste.

Filemoni 1:7

Hikuva makwerhu, nivile ni kutsaka svinene ni kukufumela hikolaho ka rirhandzu ra wena, hikuva atimbilu ta vakwetsimi tipfuxiwile hikolaho ka wena.

Vaefesa 6:20

Nimuyimeli wa Evhangeli leyi, hambi loko nipfaleliwile jele, hi kolaho khongelani lesvaku nitiya nhlana, niyihlaya hilaha nifanelaka kuyihlaya hakona.

Timhaka 28:20

Hikolaho ni mivitanile lesvaku nitamivona ni kuvulavula na n'wina, hikuva nibohiwile hi chini leri hikolaho ka lweyi Vaisrayele vamulanguteleke.”

Vaheveru 10:34

Mikombile timpsalu ka lava vapfaleliweke jele; nasvona misvitekile hi moya wa kutsaka loko svilo sva n'wina sviphangiwa, hikuva amitiva lesvaku mi ni rifuwo leritlulaka svosvo, leringatava kona hilaha kungaheliki.

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

2 Timotiya 1:18

Ingi Hosi yingayendla lesvaku akuma kutsetseleliwa mahlweni ka yona sikwini lerikulu. Na wena wayitiva svinene mintirho leyi aniyendleleke le Efesa.

2 Timotiya 1:8

Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

1 Vakorinto 16:18

Vanirhulise mbilu, na n'wina vamirhulise timbilu hi kuyendla svosvo. Vanhu lavotano, vafanela kukhensiwa!

Matewu 5:7

Kukatekile lavanga ni timpsalu, hikuva vatakombiwa timpsalu.

Timhaka 21:33

Hi loko ndhuna ya nyimpi yikongoma Pawulo, yimukhoma, yilerisa lesvaku abohiwa hi machini mambirhi; kutani yivutisa yiku: “Munhu lweyi i mani xana? Ayendlile yini ke?”

2 Timotiya 1:12

Kutani nixaniseka hi ndlela leyi hikolaho ka svona; kambe a ni na tingana, hikuva nitiva lweyi nipfumeleke ka yena, kutani nitshemba svinene lesvaku wasvikota kuhlayisa lesvi asvivekeke mavokweni ya mina, kuyafika siku lerikulu.

2 Timotiya 1:17

Kambe loko afikile le Roma anilavile hinkwaku hi matimba akondza anikuma.

Matewu 25:17

Na yena lweyi anyikiweke titalanta timbirhi, ayatibindzulisa, kutani akuma tin'wana timbirhi.