2 Timotiya 1:14 - Testamente Leyimpsha Xichangana

¹⁴ Hlayisa lesvinene lesvivekiweke mavokweni ya wena, hi kupfuniwa hi Moya Lowokwetsima lowuyakeke xikarhi ka hina.

BIBELE Mahungu Lamanene

¹⁴ Hlayisa xuma lexinene lexi vekiweke emavokweni ya wena, hi ku pfuniwa hi Moya lowo Kwetsima lowu akeke exikarhi ka hina.

Xitsonga (Bibele)

¹⁴ U hlayisa hi Moya lowo Kwetsima lowu akeke eka hina, leswinene leswi u vekeriweke swona.

2 Timotiya 1:14 Referans Kwoze

Yohane 14:17

anga Moya wa ntiyiso. Misava yingakala yingamuyamukeli, hikuva ayimuvoni, ayimutivi. N'wina mamutiva, hikuva atshama na n'wina, nasvona a le ndzeni ka n'wina.

Varhoma 8:13

Loko mihanya hi kuyingisa miri wa n'wina, mitafa; kambe loko midlaya mikhuva leyobiha ya miri hi matimba ya Moya, mitahanya.

1 Timotiya 6:20

Wena Timotewu, hlayisa lesvivekiweke mandleni ya wena. Fambela kule ni kuvulavula sva hava lesvingaliki na vukhongeli, ni kukanetana hi lesvihlayiwaka “vutivi”, kasi ahi bzona.

2 Timotiya 1:12

Kutani nixaniseka hi ndlela leyi hikolaho ka svona; kambe a ni na tingana, hikuva nitiva lweyi nipfumeleke ka yena, kutani nitshemba svinene lesvaku wasvikota kuhlayisa lesvi asvivekeke mavokweni ya mina, kuyafika siku lerikulu.

1 Vakorinto 3:16

Xana amisvitivi lesvaku mi tempele ya Xikwembu, ni lesvaku Moya wa Xikwembu wuyakile ka n'wina ke?

Varhoma 8:9

Kasi loko mili n'wina, amifumiwi hi miri, kambe mifumiwa hi Moya, loko hakunene Moya wa Xikwembu wuyakile ka n'wina. Loko munhu angali na Moya wa Kriste, ahi munhu wa yena.

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

1 Vatesalonika 5:19

Mingatimeni Moya.

2 Timotiya 2:2

Kutani lesvi usvitweke ka mina mahlweni ka timboni letotala, svihundzisele ka vanhu lavotshembeka, lava na vona vangatakota kujondzisa van'wana.

1 Timotiya 1:11

Jondzo yakona yiyelana ni Evhangeli leyivekiweke mavokweni ya mina, leyitwalisaka kukwetsima ka Xikwembu, xihlovo xa minkateko.

Vaefesa 5:18

Minganweneni vhinyu rimidakwa, hikuva rivanga timholova, kambe matshan'wini ya svosvo mitala hi Moya.

Vaefesa 2:22

ka yena na n'wina miyakiwa kun'we ni van'wana, miyendla yindlo laha Xikwembu xitshamaka kona hi Moya wa xona.

1 Vakorinto 9:17

Loko ingi nitirha ntirho lowu hi kutihlawulela, nikuma hakelo ka wona; kambe lesvi niwutirhaka na ningatihlawulelanga, svihlaya lesvaku niyorhwexiwa wona.

Vakolosa 4:11

Na yena Yesu lweyi avuliwaka Yusto, wamirungula. Hi vona ntsena, xikarhi ka Vayuda lavapfumeleke, lavangatirha na mina ntirhweni wa Mfumu wa Xikwembu; vanitiyisile svinene.

Vagalatiya 2:7

Matshan'wini ya svosvo, vasvivonile lesvaku ni rhwexiwile ntirho wojondzisa Evhangeli ka lavangayimbangiki, tani hi Petrosi ka lavayimbeke.

2 Vakorinto 5:16

Hikolaho, kusukela svosvi ahahativi munhu hi kuya hi sva le handle; hambi loko hitivile Kriste hi kuya hi sva le handle, svosvi ahahamutivi hi mukhuva wolowo.

1 Vakorinto 6:19

Xana amisvitivi lesvaku miri wa n'wina i tempele ya Moya Lowokwetsima lowu minga na wona, lowu Xikwembu ximinyikeke wona, ni lesvaku amitifumi, ke?

Varhoma 8:11

Kutani loko Moya wa Xikwembu lexingapfuxa Yesu xikarhi ka vafi wuyakile ka n'wina, yena lweyi apfuxeke Kriste xikarhi ka vafi, atahanyisa miri wa n'wina lowufaka, hi Moya wa yena lowuyakeke ka n'wina.

Varhoma 3:2

Kapfuna ngopfu, hi matlhelo hinkwawu. Mhaka yosungula hi lesvaku Xikwembu xivekile svitshembiso sva xona mavokweni ya Vayuda.

Luka 16:11

Kutani loko mingatshembekanga ka rifuwo ra laha misaveni leyi, i mani lweyi angatamitshemba ka rifuwo ra ntiyiso xana?