2 Petro 2:3 - Testamente Leyimpsha Xichangana

³ Kutani, hikolaho ka makolo ya vona, vatamidelela hi marito ya vona ya vukanganyisi. Kusukela khale, kuyavanyisiwa ka vona akuyimanga, ni kulova ka vona akuyetlelanga.

BIBELE Mahungu Lamanene

³ Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

Xitsonga (Bibele)

³ kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

2 Petro 2:3 Referans Kwoze

2 Vakorinto 2:17

Hikuva ahifani ni lavotala, lavayendlaka bindzu leri ra kubiha hi Rito ra Xikwembu; kambe hivulavula kufana ni vanhu va timbilu ta kutenga, kufana ni lavarhumiweke hi Xikwembu; hivulavula mahlweni ka Xikwembu na hili va ka Kriste.

1 Vatesalonika 2:5

Masvitiva svinene lesvaku ahiringetanga, ni siku ni rin'we, kumitsakisa kumbe kumikanganyisa hi marito, hambi kuli kufihla kunavela kuphanga. Xikwembu i mboni ya hina!

Varhoma 16:18

hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu.

Yuda 1:15

kutayavanyisa hinkwavu, ni kukholwisa hinkwavu va ka vona lavangaliki ni vukhongeli henhla ka mintirho ya vona hinkwayu leyi vayiyendleke hi kusandza, ni le henhla ka marito hinkwawu ya vusandzi lawa vajohi lavangaliki ni vukhongeli vamavuleke henhla ka yona.”

Tito 1:11

Svafanela lesvaku volavo vamiyetiwa, hikuva vakokela kule vanhu hinkwavu va minjangu yin'wana, vajondzisa lesvi vangafanelangiki kusvijondzisa, hi kunavela rifuwo rohomboloka.

1 Timotiya 6:5

nasvona svivanga kuholova xikarhi ka vanhu lavaboleke miyanakanyu ni kulahlekeliwa hi ntiyiso, lavayanakanyaka lesvaku vukhongeli i ndlela yokuma rifuwo.

2 Petro 2:9

Lesvi svihlaya lesvaku Hosi yasvitiva kuponisa vanhu va vukhongeli kukarhatekeni ka vona, ni kutshika vanhu lavohomboloka na vali kubiweni kufikela siku ra kuyavanyisa,

2 Petro 2:1

Khale, vaprofeta va mavunhwa na vona vavekona xikarhi ka vanhu, kufana ni lesvi kungatava ni vajondzisi va mavunhwa xikarhi ka n'wina, lavangatanghenisa hi le xihundleni tijondzo tohambuka letiwonhaka; vatalandzula hambi ali Hosi leyivakutsuleke, vativangela kulahleka lokungatahantla kuvawela.

2 Petro 1:16

Ahilandzanga svihitana svoyendliwa hi vutlhari, loko himitivisile ta kuhumelela ka Hosi ya hina Yesu Kriste hi matimba; hina hi timboni ta vukulukumba bza yena, lebzi hingabzivona hi mahlo.

1 Petro 5:2

Risani ntlhambi wa Xikwembu lowunga xikarhi ka n'wina, miwuhlayisa kungali hi kusindzisiwa, kambe kuli hi kusvirhandza, hilaha Xikwembu xisvilavaka hakona, nasvona kungali hi kulangutela bindzu lerikhomisaka tingana, kambe hi kuhiseka.

Tito 1:7

hikuva bixopo wa kereke afanela kuva munhu wopfumala xisandzu, lesvi anga mulanguteli wa ntirho wa Xikwembu. Angatshuki ava munhu lweyi atikulisaka, kumbe munhu wa xikwatisana. Angavi lweyi atinyiketaka bzaleni, kumbe munhu wa vukarhi, hambi kunavela sva van'wana;

Yuda 1:11

Vabuyagwana! Hikuva vakhomile ndlela ya Kayini; hi kunavela bindzu, vatinyiketa mintirhweni leyohomboloka ya Balamu, vatilovisa hi vupfukeli bzofana ni bza Kora.

Yuda 1:7

Svahafana na Sodoma na Gomora, ni madoropa lawa amali kusuhi na wona, lawa amahanya vuwosvini kufana ni tintsumi letiya ni kutinyiketa kunaveleni ka sva manyala: Madoropa lawaya svosvi mahundzuke xitsundzuxu hi kubiwa mahisiwa hi ndzilo lowungaheliki.

Yuda 1:4

Hikuva vanhu van'wana vangungumelile vanghena xikarhi ka hina; kuyavanyisiwa ka vona kulungisiwe khale. I vanhu lavangaliki na mhaka ni vukhongeli; vahundzula timpsalu ta Xikwembu xa hina, vayendla sva manyala ha tona, nasvona valandzula Yesu Kriste, yena N'winyi wa hinkwasvu ni Hosi ya hina.

1 Petro 2:8

Nasvona, “I ribze leringatakhunguvanyisa vanhu, i ribze leringatavawisa.” Vakhunguvanyisiwa vawa, hikuva vayala kuyingisa Rito, hilaha svingabohiwa hakona khale, lesvaku vatayendla svona.

1 Timotiya 3:8

Vadiyakoni kerekeni na vona vafanele kuva lava vaxiximekaka, vavulavula ntiyiso, vangatinyiketi bzaleni, vangavi lavanavelaka bindzu robiha;

1 Timotiya 3:3

Angatinyiketi kunwa bzala, kumbe munhu wa tinyimpi, kambe aave lweyi wa kurhula, angavi ni vumpsaka, nasvona angavi lweyi arhandzaka ngopfu male.

1 Vatesalonika 5:3

Siku leri vanhu vangataku: “Kurhulile, aku na xa kukarhata”, hi wona nkama lowu kuwonheka kungatavawela henhla hi xitshuketa, kufana ni kulun'wa ka wansati lweyi angakusuhi ni kuveleka n'wana; vangakala vangaponi.

Yohane 2:16

Abzela lava avaxavisa svituvana aku: “Susani svilo lesvi laha, mingateki yindlo ya Tatana wa mina miyiyendla ya kuxavisela ka yona.”

Luka 22:47

Loko ahavulavula, kuhumelela xitshungu; na yena lweyi avaku i Yudasi, mun'we wa lava va khume ni vambirhi, aaxirhangela mahlweni; atshinelela Yesu kumun'qunta.

Luka 20:20

Hi loko vayimela nkarhi lowunene lowu vangamukhomaka ha wona, kutani varhuma tinhloli leti titiyendleke vanhu lavolulama, lesvaku titamuphasa hi marito ya yena, kutani titamunyiketa mavokweni ya murhangeli wa vuhosi.

Luka 18:8

Nili ka n'wina: Xitahantlisa kuvatsemela mhaka ya vona. Kambe loko N'wana-wa-Munhu ata, xana atakuma kupfumela kuli kona misaveni ke?”

Yuda 1:16

Lava i vanhu votshamela kungurangura ni kuvilela, lavasusumetiwaka hi kunavela ka vona lokobiha, vanhu vamanyunyu lavatikulisaka, lavakanganyisaka van'wana hi kuvabumabumela, kasi valava kuvuyeliwa.

Matewu 23:14

[ Yowee n'wina Vatsali ni Vafarisi, hikuva mi vakanganyisi! Mihlasela vafelakazi minjangwini ya vona, na mitivhikhela hi kuyendla svikhongelo lesvoleha; hi kolaho mitayavanyisiwa hi kuyavanyisa loku kukarhataka.]