2 Petro 1:3 - Testamente Leyimpsha Xichangana

³ Hi matimba ya vukwembu bza yena, Kriste ahinyikile svilo hinkwasvu lesvi svihipfunaka kuhanya vutomi bza vukhongeli, hi mhaka ya kutiva lweyi ahivitaneleke kukwetsimeni ka yena ni le kudzunekeni ka ntiyiso.

BIBELE Mahungu Lamanene

³ Hi matimba ya yena ya vukwembu, Kriste ú hi nyikile swilo hinkwaswo leswi swi hi pfunaka ku hanya vutomi bya vukhongeri, hi mhaka ya ku tiva loyi a hi vitaneleke eku kwetsimeni ka yena ne ku sasekeni ka yena ka xiviri.

Xitsonga (Bibele)

³ Hi matimba ya vukwembu bya yena u hi nyikile swilo hinkwaswo, leswi nga swa vutomi ni swa vukhongeri hi ku tiva la hi vitaneke hi ku kwetsima ni matimba ya yena;

2 Petro 1:3 Referans Kwoze

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

2 Timotiya 1:9

Xihiponisile ni kuhivitana hi vitaniwo rokwetsima kuva vanhu va xona, kungali hikolaho ka mintirho ya hina, kambe kuli hikolaho ka makungu ya xona ntsena ni hikolaho ka timpsalu leti xihinyikeke tona ka Kriste Yesu na minkama yingasiva kona.

Varhoma 8:32

Xona, lexingatsetselelangiki N'wana wa xona wa xiviri kambe ximunyiketa hikolaho ka hina hinkwerhu, xana xingatsandzekisa kuyini kuhinyika svilo hinkwasvu mahala ke, kasi xihinyikile ni N'wana wa xona?

2 Vakorinto 12:9

Kambe Hosi yite ka mina: “Timpsalu ta mina ka wena tiringene; hikuva matimba ya mina mahetiseka laha kunga ni kutsana kona.” Hikolaho nitatsaka ngopfu kutidzunisa hi ta kutsana ka mina, lesvaku matimba ya Kriste matayaka ka mina.

1 Petro 2:21

Mivitaneliwe svona, hikuva Kriste na yena atwile kuvaviseka hikolaho ka n'wina, amiboxela ndlela lesvaku mitamulandzelela.

2 Vatesalonika 2:14

Xikwembu ximivitanele svona hi Evhangeli leyi himitiviseke yona, lesvaku miyaveliwa kukwetsima ka Hosi ya hina Yesu Kriste.

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

1 Vatesalonika 2:12

hi mikhutazile, hi mitiyisile ni kumisusumeta lesvaku mihanya hi ndlela leyitsakisaka Xikwembu lexi ximivitanelaka kuyaveliwa kufuma ka xona ni kutwala ka xona.

1 Vatesalonika 4:7

Hikuva Xikwembu axihivitanelanga kuhanya kutshakeni, kambe kubaseni.

1 Petro 1:15

Kambe, lesvi lweyi angamivitana akwetsimeke, kwetsimani na n'wina mahanyeleni hinkwawu ya n'wina.

Vaefesa 4:1

Hikolaho-ke, mina ninga mubohiwa ntirhweni wa Hosi, na mikhongotela kuhanya hi ndlela leyifambelanaka ni kuvitaniwa ka n'wina.

1 Vakorinto 1:9

Xikwembu xatshembeka, xona lexi ximivitaneleke kuva miva ni kuhlangana ni N'wana wa xona Yesu Kriste, Hosi ya hina.

2 Petro 1:2

Timpsalu ni kurhula asvive na n'wina svimitalela, kutiveni ka Xikwembu ni ka Yesu Hosi ya hina.

2 Petro 1:5

Hikolaho ka svona svosvo, yendlani hi matimba hinkwawu kuseketela kupfumela ka n'wina hi vunene, vunene bzona mibziseketela hi vutivi,

1 Petro 3:9

Mingatlheliseleni vubihi hi vubihi, kumbe kurhuka hi kurhuka, kambe matshan'wini ya svosvo, katekisani, hikuva hi lesvi mingavitaneliwa kuyendla svona, lesvaku mitakuma nkateko na n'wina.

Vakolosa 1:16

Ha yena, Xikwembu xitumbuluxile svilo hinkwasvu, matilweni ni laha misaveni, svilo lesvivonekaka ni lesvingavonekiki, kukota sviluvelo kumbe lesvinga ni vuhosana, ni lesvinga ni vufumi kumbe matimba yofuma. Hinkwasvu svitumbuluxiwile hi yena, nasvona svitumbuluxeliwe yena.

1 Timotiya 4:8

hikuva hambi loko kuchukachukisa miri kuli loku kupfunaka hi matlhelo man'wana, vukhongeli bzipfuna hi matlhelo hinkwawu, nasvona bzitshembisa vutomi bza nkama lowu, ni bza lowutaka.

Vaefesa 4:4

Ku ni miri wun'we, ni Moya wun'we, tani hi lesvi kunga ni kulangutela kun'we loku Xikwembu xingaminyika kona, siku leri ximivitaneke;

Vafilipiya 4:8

Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

Matewu 28:18

Kutani Yesu avatshinelela, avulavula na vona, aku: “Ninyikiwile vuhosi hinkwabzu tilweni ni la misaveni;

Vaheveru 1:3

Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,

1 Petro 1:5

n'wina lava mipfumeleke, kutani mihlayisiwa hi matimba ya Xikwembu, lesvaku mitakuma kuponisiwa loku kuyimeleke kukombisiwa nkameni wa makumu.

Varhoma 9:24

Svibza lesvi, hi hina lava xihivitaneke, hina hihumaka kungali xikarhi ka Vayuda ntsena, kambe ni le xikarhi ka vamatiko.

Vafilipiya 3:8

Kungali svona ntsena: Nitekile hinkwasvu svili lesvingahapfuniki nchumu, loko sviringanisiwa ni risima leritlulaka hinkwasvu, ra kutiva Yesu Kriste Hosi ya mina. Hikolaho ka yena, nifularhele hinkwasvu ni svivona na svili nsila ntsena, lesvaku nitakuma Kriste,

2 Petro 1:6

miseketela vutivi hi kutikhoma, ni kutikhoma hi kutiyisela, ni kutiyisela hi vukhongeli,

2 Petro 1:8

Hikuva loko mili ni svilo lesvi, ni loko svimitalela svikula, svitayendla lesvaku mingalolohi kumbe kupfumala mihandzu, kutani svitamifikisa kutiveni loku kuhetisekeke ka Hosi ya hina Yesu Kriste.

2 Petro 1:10

Hikolaho, vamakwerhu, hisekelani ngopfungopfu kutiyisa kuvitaniwa ni kuhlawuliwa ka n'wina, hikuva loko miyendla svosvo amingaphariyetiwi miwa ni siku ni rin'we.

2 Petro 2:20

Hikuva, loko vanhu vapona chakeni ra misava hi kutiva Hosi ya hina ni Muponisi Yesu Kriste, kutani vatlhela vaphasiwa ni kuhluliwa hi svona, xiyimu xa vona xohetelela xibihile kutlula lexosungula.

2 Petro 3:18

Kambe kulani, na mili timpsalwini ni le kutiveni ka Yesu Kriste, Hosi ya hina ni Muponisi wa hina. Ka yena akuve kutwala svosvi, ni kuyafika sikwini leringaheliki. Amen!