1 Yohane 5:20 - Testamente Leyimpsha Xichangana

²⁰ Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

BIBELE Mahungu Lamanene

²⁰ Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Xitsonga (Bibele)

²⁰ Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

1 Yohane 5:20 Referans Kwoze

Yohane 17:3

Kambe vutomi lebzingaheliki, hi lesvaku vakutiva, wena ntsena unga Xikwembu xa ntiyiso, na Yesu Kriste lweyi umurhumeke.

Luka 24:45

Hi loko avapfula miyehleketo lesvaku vatwisisa Matsalwa.

Yohane 14:9

Yesu aku ka yena: “I khale nili na n'wina, kasi ni svosvi awusinitiva, Filipi? Lweyi anivoneke, avonile Tatana; hikolaho ka yini uku: ‘Hi kombe Tatana’?

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

1 Yohane 5:1

Mani na mani lweyi apfumelaka lesvaku Yesu hi yena Kriste apsaliwa hi Xikwembu, kutani mani na mani lweyi arhandzaka mupsali wa Kriste nasvona arhandza ni mupsaliwa wa yena.

Yohane 20:28

Tomasi amuhlamula, aku: “Hosi yanga ni Xikwembu xanga!”

Nhlavutelo 3:7

“Tsalela ni ntsumi ya kereke ya le Filadelfiya, uku: “‘Lweyi akwetsimeke, lweyi anga wa ntiyiso, lweyi atameleke khiya ra Davhida, lweyi apfulaka kungapfali munhu, lweyi apfalaka kungapfuli munhu, avula svosvo ali:

1 Yohane 4:16

Hikolaho, hina hasvitiva, nasvona hapfumela ka rirhandzu leri Xikwembu xinganarona ka hina. Xikwembu i rirhandzu, lweyi atshamaka rirhandzwini atshama ka Xikwembu, ni Xikwembu xi le ka yena.

Varhoma 9:5

Vakokwana va hina i va vona; na yena Kriste ahuma rixakeni ra vona, hi tlhelo ra kuvelekiwa. Xikwembu lexinga henhla ka svilo hinkwasvu, axivongiwe hilaha kungaheliki. Amen!

Yohane 10:30

Mina na Tatana hi mun'we.

1 Yohane 4:2

Mitativa Moya wa Xikwembu hi ndlela leyi: Moya wun'wana ni wun'wana lowuvulaka lesvaku Yesu atile misaveni tani hi munhu i wa Xikwembu.

1 Yohane 2:6

Lweyi ange atshama ka xona, nasvona afanela kufamba tani hi lesvi Yesu afambiseke xisvona.

Vaheveru 1:8

Kambe hi tlhelo ra N'wana, xite: “Xiluvelo xa wena, we Xikwembu, i xa minkarhi ni minkarhi, nhonga ya wena ya vuhosi i nhonga ya kululama.

Tito 2:13

na hili karhi hilangutela minkateko leyi hitshembisiweke yona, siku leri kungatahumelela kukwetsima ka Xikwembu Nkulukumba, ni Muponisi wa hina Yesu Kriste.

Timhaka 20:28

Tilanguteleni ke, milangutela ni kereke hinkwayu leyi Moya Wokwetsima wungamiveka kuva vabixopo va yona; risani Kereke ya Xikwembu, leyi xingatikumela yona hi rifu ra N'wana wa xona wa xiviri.

Yohane 17:14

Nivanyikile rito ra wena, kutani vanhu va misava vavavengile, hikuva ahi va misava, tani hi lesvi na mina ningaliki wa misava.

Nhlavutelo 19:11

Ndzhaku ka svona, nivona tilo ripfuliwile, kan'wekan'we, kuvoneka hanchi robasa. Lweyi agadeke rona, mavito ya yena vali i “Mutshembeki” ni “Ntiyiso”. Ayavanyisa ni kulwa hi kululama.

Nhlavutelo 15:3

vayimbelela risimu ra Moxe nandza wa Xikwembu, ni risimu ra Xinyempfana, vaku: “Wena Hosi, Xikwembu xa matimba hinkwawu, ahi kukula ni kuhlamalisa ka mintirho ya wena; wena Mufumi wa matiko hinkwawu, ahi kululama ni kutshembeka ka tindlela ta wena!

Nhlavutelo 6:10

Avahuwelela hi rito leritlakukeke vaku: “Wena Hosi ya matimba hinkwawu, wena wokwetsima, wa ntiyiso, svahatateka nkarhi muni kufika laha ungatalondza ni kuyavanyisa vayaki va misava hi mhaka ya ngati ya hina xana?”

Nhlavutelo 3:14

“Tsalela ni ntsumi ya kereke ya le Lawudokiya, uku: “‘Marito ya lweyi anga Amen, mboni leyitshembekeke ya ntiyiso, masungulu ya lesvitumbuluxiweke hi Xikwembu, hi lawa:

1 Yohane 4:14

Kutani na hina hisvivonile, hiva hiveka vumboni, lesvaku Tatana arhumele N'wana kuva Muponisi wa misava.

Vafilipiya 3:9

ni kukumiwa na nili xilo xin'we na yena, ningahali na kululama lokunga ka mina, loku nikukumaka hi kuhlayisa Nawu, kambe nili ni kululama loku kunyikiwaka hi kupfumela ka Kriste, kululama loku kuhumaka ka Xikwembu, loku kuyimaka henhla ka kupfumela.

2 Vakorinto 4:6

Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.

Yohane 15:4

Tshamani ka mina, kukotisa lesvi na mina nitshamaka ka n'wina. Tani hi lesvi rhavi ringakotiki kuveka ha roxe loko ringanamarhelanga ka nsinya, na n'wina mingesvikoti loko minganinamarhelanga.

Yohane 14:23

Yesu amuhlamula, aku: “Loko munhu anirhandza, atahlayisa rito ra mina, kutani Tatana wa mina atamurhandza, kutani hitata ka yena, hitshama na yena.

Yohane 14:20

Hi siku rakona, mitativa lesvaku ni le ka Tatana wa mina, ni lesvaku na n'wina mi le ka mina, kukotisa lesvi na mina ninga ka n'wina.

Yohane 14:6

Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

Yohane 1:18

Aku na munhu lweyi atshamaka avona Xikwembu ni siku ni rin'we. N'wana wa Xikwembu lweyi angapsaliwa ali yexe, lweyi anga xifuveni xa Tatana, hi yena lweyi angayendla lesvaku Xikwembu xitiviwa.

Luka 21:15

hikuva mina nitaminyika marito ya vutlhari lawa valala va n'wina hinkwavu vangatatsandzeka kulwa na wona ni kumakaneta.

Matewu 13:11

Avahlamula, aku: Hi lesvaku n'wina, minyikiwile kutiva svihundla sva Mfumu wa matilo, kambe vona avanyikiwanga.

1 Yohane 2:24

Hikolaho lesvi mingasvitwa kusukela kusunguleni asvitshame ka n'wina. Loko lesvi mingasvitwa kusukela kusunguleni svitshama ka n'wina, na n'wina mitshama ka N'wana ni ka Tatana.

Vaefesa 3:18

ni lesvaku, svin'we ni vahlawuliwa hinkwavu va Xikwembu, mikuma matimba ya kutwisisa kuyanama, ni kuleha, ni kutlakuka, ni kuyeta ka rirhandzu ra Kriste.

2 Vakorinto 5:17

Loko munhu ali ka Kriste, i xivumbiwa leximpsha.

1 Vakorinto 1:30

Hi kuyendla ka xona, mi le ka Kriste Yesu, kutani hi xona Xikwembu lexingayendla lesvaku Kriste ava vutlhari ka hina; ha yena hiyendliwa lavalulameke, hihundzuka vakwetsimi va Xikwembu, hiva ni kukutsuliwa.

Yohane 17:25

Tatana lweyi alulameke, misava ayikutivanga, kambe mina nikutivile, kutani vanhu lava vasvitivile lesvaku nirhumiwile hi wena.

Yohane 8:42

Yesu aku ka vona: “Loko Xikwembu axili tatana wa n'wina, amitanirhandza, hikuva mina nihumile, nasvona nita hi ka Xikwembu; anititisanga, kambe nirhumiwile hi yena.

1 Yohane 2:23

Mani na mani lweyi ayalaka N'wana anga na yena hambi Tatana. Lweyi apfumelaka N'wana hambi Tatana ana yena.

1 Yohane 5:5

I mani lweyi ahlulaka misava xana? Ntsena lweyi apfumelaka lesvaku Yesu i N'wana wa Xikwembu.

1 Yohane 5:15

Kutani-ke, loko hitiva lesvaku wahiyingisa ka hinkwasvu lesvi hikombelaka svona hasvitiva lesvaku hikumile lesvi hisvikombelaka ka yena.

1 Yohane 5:18

Hasvitiva lesvaku mani na mani lweyi apsaliweke hi Xikwembu, angajohi; kambe lweyi apsaliweke hi Xikwembu watihlayisa, xilesvo lweyi wobiha angamukhumbi.