1 Yohane 5:19 - Testamente Leyimpsha Xichangana

¹⁹ Hasvitiva lesvaku hi va Xikwembu, ni lesvaku misava hinkwayu yi le ka lweyi wobiha.

BIBELE Mahungu Lamanene

¹⁹ Ha swi tiva leswaku hi va Xikwembu, ni leswaku misava hinkwayo yi le hansi ka matimba ya Lowo biha.

Xitsonga (Bibele)

¹⁹ Ha swi tiva leswaku hi va Xikwembu, ni leswaku misava hinkwayo yi tshama eku biheni.

1 Yohane 5:19 Referans Kwoze

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

Vagalatiya 1:4

yena lweyi atinyiketeke hikolaho ka svijoho sva hina, lesvaku atahiponisa ka nguva leyobiha ya masiku lawa. Ayendle svosvo hi kuyingisa kurhandza ka Xikwembu Tatana wa hina;

Yohane 12:31

Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.

Yohane 16:11

hi ta kuyavanyisa, hikuva mufumi wa misava leyi ayavanyisiwile.

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

1 Yohane 5:13

Nimitsalela svilo lesvi hinkwasvu, n'wina lava mipfumelaka ka N'wana wa Xikwembu, akuva mitativa lesvaku mi ni vutomi lebzingaheliki.

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

Yohane 14:30

Aningahavulavuli svotala na n'wina, hikuva mufumi wa misava leyi wata; kambe anga na matimba henhla ka mina.

1 Yohane 5:10

Lweyi apfumelaka ka N'wana wa Xikwembu, a ni vumboni le mbilwini, lweyi angapfumeliki ka Xikwembu axiyendla muhembi, hikuva angapfumelanga vumboni lebzi Xikwembu xibzinyikeke mayelanu ni N'wana wa xona.

1 Yohane 3:24

Lweyi ahlayisaka milawu ya xona atshama ka xona, na xona ka yena. Xilesvo hitiva lesvaku xitshama ka hina; hikolaho ka Moya lowu xihinyikeke wona.

Nhlavutelo 20:3

Yirihoxa kheleni, yipfala, yilema ndzeni, yiveka ni mfungu lesvaku ringahayi mahlweni hi kukanganyisa vanhu vamatiko, kukondza kuhundza malembe ya khulu (1 000). Ndzhaku ka svona, rifanela kutshunxiwa nkarhinyana.

1 Yohane 5:18

Hasvitiva lesvaku mani na mani lweyi apsaliweke hi Xikwembu, angajohi; kambe lweyi apsaliweke hi Xikwembu watihlayisa, xilesvo lweyi wobiha angamukhumbi.

2 Vakorinto 5:1

Hasvitiva lesvaku, loko ntsonga lowu hinga ka wona, wunga miri wa hina wa la misaveni, wuhahluka, hi ni yindlo leyi Xikwembu xihilungiseleke yona, yinga yindlo leyingayakiwangiki hi mavoko, leyingahahlukiki, ya le matilweni.

Varhoma 8:16

Moya, lowu wuyima ni mimoya ya hina kutiyisa lesvaku hi vana va Xikwembu.

1 Yohane 3:14

Hina hasvitiva lesvaku hihumile kufeni, hinghena vuton'wini, hikuva hirhandza vamakwerhu. Lweyi angarhandziki makwavu atshama kufeni.

Tito 3:3

Na hina khale ahili sviphukuphuku, hihumile ndleleni, hiyala kuyingisa; ahili svikarawa sva kunavela, ni sva kutitsakisa kohambanahambana; ahili lavahanyaka hi mona ni mavondzo; ahivengiwa, na hina hivengana.

2 Timotiya 1:12

Kutani nixaniseka hi ndlela leyi hikolaho ka svona; kambe a ni na tingana, hikuva nitiva lweyi nipfumeleke ka yena, kutani nitshemba svinene lesvaku wasvikota kuhlayisa lesvi asvivekeke mavokweni ya mina, kuyafika siku lerikulu.

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

Luka 4:6

“Nitakunyika vuhosi lebzi hinkwabzu ni kudzuneka ka bzona, hikuva ninyikiwile svona, kutani ninyika munhu hi kurhandza ka mina.

Yohane 17:15

Anikombeli lesvaku uvasusa misaveni, kambe hi lesvaku uvalwela ka lweyi wobiha.

1 Yohane 5:15

Kutani-ke, loko hitiva lesvaku wahiyingisa ka hinkwasvu lesvi hikombelaka svona hasvitiva lesvaku hikumile lesvi hisvikombelaka ka yena.